2 KORINHTU 8:21 - Jinghpaw Hanson Version Bible

²¹ kaning rai nme law, dai Madu a man e sha n rai, masha a man e mung htaphtuk ai ningli madun na, anhte myit yu nga ga ai.

Jinghpaw Common Language Bible 2009

²¹ Dai Madu a man e sha n rai, masha a man e mung, teng man htap htuk ai amu galaw na gaw anhte a yaw shada ai lam nan rai nga mali ai.

2 KORINHTU 8:21 ပူးပေါင်းရင်းမြစ်များ

1 HKAWHKAM 18:34

Bai shi gaw, yam mali hta ntsin jahpring nna, wan nat hkungga hte hpun a ntsa e jaw bun mu,” ngu mu ai. Bai, “Naw jaw mu,” ngu mu ai hte maren bai jaw bun ma ai.

GA SHAGAWP 3:4

Shing rai yang, Karai Kasang a man e mung, masha a man e mung, Nang myi man pa nna, kajai gumhkawng ai hkrum na ndai.

MAHTE 23:5

Shanhte galaw ai amu bungli mahkra hpe, masha ni mu lu mu ga, galaw ma ai: tinang a lakhpoi ni hpe shanhte kaba wa di mu ai hte, tinang a banbyau ni hpe mung myin jahkram mu ai rai nna,

MAHTE 5:16

Dai rai nna, masha ni gaw nanhte a kaja ai bungli mu lu nna, sumsing lamu e nga ai nanhte a Kawa hpe shagrau sha-a lu mu ga, shanhte a man e nanhte a nhtoi hpe htoi tu shangun da mu law.

MAHTE 6:1

Masha ni mada mu lu mu ga, shanhte a man e sha, nanhte a daw ya ai amu hpe nanhte n galaw myit ga, sadi nga mu: shing n rai yang gaw, sumsing lamu hta nga ai nanhte a Kawa kaw na, nanhte shabrai n lu na mu ai.

MAHTE 6:4

shing rai, na a alu jaw ai amu n dan n leng ai hta rai nga lu na rai nna, n dan n leng ai shara hpe mu lu ai, na a Nwa gaw, nang hpe bai htang na rin dai.

ROMA 12:17

N kaja ai a majaw, n kaja ai hku kadai hpe mung hkum tai mu, Masha yawng mayawng a man e htaphtuk ai ningli madun na, myit yu nga mu.

ROMA 14:18

Dai hku hkan nna Hkristu a bungli gun hpai ai wa gaw, Karai Kasang a man e sharawng awng ai hkrum nna, masha a man e mung awlaw ai hkrum nga ai.

2 KORINHTU 2:17

Ndai bungli shachyen na kadai wa ging ram nga a ta? Kaning rai nme law, Karai Kasang a mungga hpe pau chye ai masha law law ni zawn anhte n rai nga ai sha, san seng ai myit hte mung, Karai Kasang kaw nna mung, Karai Kasang a man e anhte Hkristu hta tsun nga ga ai.

2 KORINHTU 8:20

anhte a lata hte galaw daw ai, ndai alu kaba lahkawn ai hta, kadai mung anhte hpe mara shagun shara n nga u ga, sadi nga ga ai;

2 KORINHTU 8:22

Dai hta kaga, lam shagu hta law law lang chyam yu yang, shakut sharang chye nna nanhte hpe grai wa kamsham nga ai majaw, ya e grau nna shakut sharang nga ai hpunau wa hpe mung, dai yan hte rau anhte naw shangun dat ga ai.

HPILIPI 4:8

Dai hta kaga, hpunau ni e, hpa tengman ai lam rai timung, hpa htuk htap re ai lam rai timung, hpa dinghpring ai lam rai timung, hpa san seng ai lam rai timung, hpa sharawng awng ai lam rai timung, hpa sha-a ram ai lam rai timung, arawng re ai lam lama ma, shakawn kungdawn re ai lam lama rai nga yang gaw, dai lam hte hpe myit ada yu nga mu.

1 HTESALONI 5:22

N kaja ai lam baw sumhpa hpe koi gam nga mu.

1 TIMOHTI 3:7

Shatan nhkan n hkrum nna, nat a dawnggawng hta n hkrup u ga, shinggan masha ni kaw na sakse kaja hkam ang ai wa mung, shi rai nga u ga.

1 TIMOHTI 5:14

Dai rai nna, aprat garai n kaba ai gaida jan ni gaw hkungran nna, kashu kasha shangai ai hte, kun dinghku hpe yu lajang let, nhtan shai ai ni a matu shatan nhkan ai lam n shapraw u ga, ngai ra nga nngai:

1 PETRU 2:12

tara maigan de na ni, nanhte hpe baw law nna n kaja ai hku shatu ma yang, nanhte a kaja ai amu mu la nna, dai dawdan ai nhtoi hta e Karai Kasang hpe shagrau lu mu ga, shanhte a man e nanhte a arawn alai tsup nga lu u ga law.

RUHTA 3:14

Ruhta mung, jahpawt du hkra shi a lagaw nhpang e yup nga nna, shada garai n mu hkat ai aten daram e rawt wu ai. La wa mahtang, “Ndai chyarang de num sa ai, kadai hpe hkum chye shangun yaw,” ngu wu ai.