2 KORINHTU 8:19 - Jinghpaw Hanson Version Bible

¹⁹ dai hta n-ga, dai Madu a arawng sadang hte anhte a galaw mayu ai myit madun na matu, anhte a lata hte galaw daw ai, ndai chyeju hta anhte a kanawn manang tai wa u ga she, Hpung ni a lata la ai wa mung, shi rai nga ai:

Jinghpaw Common Language Bible 2009

¹⁹ Dai hta sha n ga, ndai tsaw ra myit hte daw jau ai alu gumhpraw lahkawn ai amu hta anhte hte rau hkawm sa na matu hpung ni e lata la nna san da hkrum ai wa mung shi rai nga ai. Dai lam gaw Madu a hpung shingkang shadan jahkung na hte anhte a karum mayu ai shawang myit hpe madun dan na matu rai nga ai.

2 KORINHTU 8:19 ပူးပေါင်းရင်းမြစ်များ

KASA 14:23

Hpung shagu hta, hpung up salang lata la nna, lusha gam let akyu hpyi ngut jang, shanhte kamsham nga ai Madu a lata hta, ap ya da mu ai.

KASA 15:22

Shaloi kasa ni hte salang ni gaw hpung masha nlang hte bawng nna, shanhte hta na masha lata la nhtawm, Pawlu yan Barnaba hte rau Antioki de shangun dat na lam myit hkrum ma ai: dai hte maren hpunau ni hta na, myit su ai salang Barsaba ngu ai Yuda yan Sila hpe lata la nna,

KASA 15:25

anhte nlang bawng yu nna, masha lata la nhtawm, anhte a Madu Yesu Hkristu a mying ningsang majaw tinang asak pyi n lahpawt ai,

KASA 19:22

Dai rai nna shi a ningrum ningtau tai ai Timohti yan Erastu hpe, Makedoni mung de shawng shangun dat nhtawm, shi hkum gaw Asi mung e tawng marang mi naw hkring nga ai.

KASA 19:29

Shing rai dai mare ting hpe woi kabrawng ai hte, Pawlu a manang, Makedoni masha Geu yan Aristarku hpe rim dun la nna, shanhte a poi wang de lang lata sha htim bang wa ma ai.

ROMA 5:11

Bai, dai hta n-ga, anhte a Madu Yesu Hkristu a marang e, Karai Kasang hta mung anhte kabu gumrawng nga ga ai: shi a majaw dai htinglu htinglai ai chyeju gaw anhte ya hkam la lu sagaw ai.

ROMA 5:3

Dai hta n-ga, tsin-yam tsindam hta e mung anhte kabu gumrawng ga ai; tsin-yam tsindam mahtang gaw shakut sharang ai,

2 KORINHTU 4:15

Kaning rai nme law, masha law law ni a gawp e chyeju gaw jat wa ai majaw, shakawn kungdawn ai ga gaw Karai Kasang a hpung shingkang matu mara law htam wa u ga, yawng mayawng gaw nanhte a matu mara rai nga ai.

2 KORINHTU 8:11

Dai rai nna dai bungli hpe ya shatup nga mu: galaw mayu ai myit rawng nga sai hte maren, nanhte rai lu ai daram, shangut na lam mung, dai zawn rai nga u ga.

2 KORINHTU 8:12

Kaning rai nme law, galaw mayu ai myit rawng nga a yang gaw, n sharai lu ai hte n re ai sha, sharai lu ai hku sha sharawng awng nga ai.

2 KORINHTU 8:20

anhte a lata hte galaw daw ai, ndai alu kaba lahkawn ai hta, kadai mung anhte hpe mara shagun shara n nga u ga, sadi nga ga ai;

2 KORINHTU 9:2

Kaning rai nme law nanhte a galaw mayu ai myit ngai chye nna, de a lam nanhte a jaw e gumrawng let, Ahkaia mung na ni maning kaw nna lajang jin nga masai, ngu nna Makedoni masha ni hpe tsun nngai: nanhte a sharawng ai myit mung, dai malaw maga hpe shadum sha-awn nga ai.

2 KORINHTU 9:8

Dai hta kaga, Shi gat nu ai, matsan mayan ni hpe gam jaw nu ai: Shi a dinghpring ai gaw htani htana anga nga ai, nga nna ka da nga ai hte maren,