2 KORINHTU 8:18 - Jinghpaw Hanson Version Bible

¹⁸ Dai kabu gara shiga nhkan e Hpung ni yawng hta shakawn hkrum ai hpunau wa hpe mung, anhte shi hte rau shangun dat ga ai;

Jinghpaw Common Language Bible 2009

¹⁸ Dai kabu gara shiga hkaw tsun ai amu gun hpai ai lam hta hpung ni yawng e kam kaba da ai hpu nau wa langai mi hpe mung, anhte shi hte rau shangun dat ga ai.

2 KORINHTU 8:18 ပူးပေါင်းရင်းမြစ်များ

ROMA 16:4

shan gaw nye a asak a matu tinang du baw shatawng kau manu ai rai nna, ngai hkrai sha n rai, maigan na Hpung ni yawng hte mung, shan hpe shakawn ga ai: shan a nta e shanu ai Hpung hpe mung shakram ya mi.

1 KORINHTU 16:3

Ngai du ai shaloi e, nanhte kadai dai hpe laika hte san da myit yang gaw, nanhte a chyeju kumhpa hpe Yerusalem de sa sa na, ngai shangun dat na mawe ai.

1 KORINHTU 4:17

De a majaw, dai Madu hta tsawra ai hte sadi sahka nga ai, ngai sha Timohti hpe nanhte hpang de ngai shangun dat we ai; shi gaw, shara magup hkan e Hpung ni yawng hte hpe ngai sharin shaga ya ai hte maren, Hkristu Yesu hta na nye a lam ni, nanhte hpe shadum jahprang na marin dai.

1 KORINHTU 7:17

Dai Madu gaw langai hte langai hpe karan jaw nna, Karai Kasang gaw langai hte langai hte hpe shaga da mu ai hte maren, shi naw hkawm nga u ga. Hpung shagu hta e ndai lam ngai hkang da nngai.

2 KORINHTU 12:18

Titu hpe ngai shadut jahkat nna, dai hpunau wa hpe shi hte rau shangun dat nngai. Titu gaw nanhte hpe sen di sha nga ai kun? Anhte gaw Wenyi langai sha hta hkawm nga ga ai, n rai kun? Lagaw hkang langai sha hta anhte hkawm nga ga ai, n rai ni?

2 KORINHTU 2:12

Dai hta kaga, Hkristu a kabu gara shiga a lam, Troa mare de ngai sa du yang, dai Madu a marang e nye a matu chyinghka hpaw malang nga timung,

2 KORINHTU 8:19

dai hta n-ga, dai Madu a arawng sadang hte anhte a galaw mayu ai myit madun na matu, anhte a lata hte galaw daw ai, ndai chyeju hta anhte a kanawn manang tai wa u ga she, Hpung ni a lata la ai wa mung, shi rai nga ai: