2 KORINHTU 8:16 - Jinghpaw Hanson Version Bible

¹⁶ Dai hta kaga, Titu a kraw lawang e, nanhte a matu mara dai zawn tsang ai myit nan jaw da ai Karai Kasang gaw, a nga u ga.

Jinghpaw Common Language Bible 2009

¹⁶ Nanhte hpe karum madi shadaw na matu anhte hta myit rawt sharawng awng ai lam rawng ai zawn, Titu hta mung rawng shangun ai Karai Kasang a chyeju hpe gade shakawn shagrau shara rai nga a hka!

2 KORINHTU 8:16 ပူးပေါင်းရင်းမြစ်များ

2 HKAWHKAM LABAU 31:8

Hezekia hte agyi salang ni Yehowa hte shi a amyu Israela hpe shaman shakawn ya mu ai.

EZRA 7:27

Yerusalem mare e nga ai Yehowa nta hpe shatsawm na matu, hkawhkam wa a myit shadut ya ai hte, hkawhkam wa, shi a agyi salang ni hte daru magam rawng ai hkringmang ni mahkra a man e ngai hpe myi man pa shangun ai, ji wa ni a Karai Kasang Yehowa gaw a nga u ga law.

NEHEMIA 2:12

ngai kaw hkan nang ai masha nkau mi hte rau shana e rawt ga ai: rai timung, Yerusalem mare a matu galaw na nga, nye a Karai Kasang gaw, ngai hpe kaning rai hpaji daw ya ai lam, ngai kadai hpe mung n tsun dan nngai: ngai jawn ai gumra hta kaga, rai htaw ai yamnga n lawm nga ai.

YEREMIA 31:31

Yehowa ning nga ai: Yu mu, Israela nta hte Yuda nta ntsa e ga shaka ningnan ngai tawn da na nhtoi du na ra ai;

YEREMIA 32:40

ngai shanhte hpe n kau da, ngamu ngamai shangun na nga, ngai shanhte hte htani htana prat dingsa ga shaka tawn da na nngai; shanhte ngai kaw na n pru mat wa hkra, ngai hpe hkrit hkungga ai myit, shanhte a kraw lawang hta ngai bang da na nngai.

2 KORINHTU 7:12

Dai rai nna, nanhte hpe ka dat made ai gaw, shut hpyit ai wa a nhkan e n rai, shut hpyit hkam ai wa a nhkan e mung n re ai sha, anhte a matu mara nanhte a da hpran ai myit Karai Kasang a man e nanhte hpe shadan dan myit ga, ngai ka dat nngai.

2 KORINHTU 7:7

Shi a du sa ai hte sha n rai, nanhte a marit ai myit, nanhte a madai sharung ai hte, nye a matu nanhte nja nhpra rai nga ai gaw, anhte hpe shana ya mi yang, nanhte kaw na shi lu la ai ngwipyaw ai hte mung, anhte ngwipyaw nga ga ai; shing rai ngai grau nna kabu nga nngai.

2 KORINHTU 8:23

Titu a lam chye mayu yang, shi gaw, nye a kanawn manang hte nanhte a matu shingdep shingtau ai wa rai nga ai; anhte a hpunau yan a lam chye mayu yang, shan gaw, Hpung ni a kasa yan hte Hkristu a arawng sadang mung rai nga ma ai.

2 KORINHTU 8:6

Dai rai nna, Titu gaw shawng galaw hpang ai hte maren, dai chyeju mung nanhte hta shatup u ga, anhte shi hpe shadut jahkat gaw ai.

HPILIPI 2:20

Kaning rai nme law, ngai hte myit hkrum nna, shi zawn nanhte a lam hpe htep lahti tsang ai masha kaga, langai mi mung ngai n lu nngai.

KOLOSE 3:17

Nanhte hpa lam galaw myit yang, mung sumtu hta rai timung, magan bungli hta rai timung, Madu Yesu a amying nsang hpe gang let, yawng mayawng hte hpe a galaw nga nna, shi a marang e Kawa Karai Kasang hpe shakawn kungdawn nga mu.

SHINGRAN 17:17

Kaning rai nme law, Karai Kasang a myit hku shadik na hte, shanhte myit langai sha rawng lu na, Karai Kasang a mungga dik wa ai nhtoi du hkra, tinang a mungdan dai matse labye hpe ap ya mu ga nga, Karai Kasang gaw shanhte a kraw lawang hta hpaji daw bang ya mu ai.