2 KORINHTU 8:10 - Jinghpaw Hanson Version Bible

¹⁰ Ndai lam hta nye a mung sumtu ngai madun nga nngai: kaning rai nme law, maning nna pyi galaw hpang ai hta n-ga, galaw mayu ai myit shawng madun ai ni, nanhte rai nga myit dai majaw, dai gaw nanhte a matu sut nga malit dai.

Jinghpaw Common Language Bible 2009

¹⁰ Ndai alu jaw ai lam hte seng nna ngai myit ai hku nga yang, lai wa sai shaning hta nanhte galaw hpang da sai amu hpe ya galaw shakre yang nanhte a matu mai kaja na re. Nanhte gaw shawang myit hte jaw mayu ai myit shawng rawng ai ni sha n rai, alu shawng jaw ya ai ni rai nga myit dai.

2 KORINHTU 8:10 ပူးပေါင်းရင်းမြစ်များ

GA SHAGAWP 19:17

Matsan mayan wa hpe matsan dum ai wa gaw, Yehowa hpe hkoi ya ai rai nna, Shi galaw ai hte maren bai hkam la na ra ai.

MAHTE 10:42

Masha langai ngai gaw, sape a myi man hpe tau nna, ndai ma kaji langai ngai hpe, ntsin katsi htinggap mi sha jaw wu yang, dai wa gaw shi a shabrai n lu la na nu ai n rai, nga nna ngai nanhte hpe teng teng tsun nngai,” ngu mu ai.

YAWHAN 11:50

amyu ting hten bya n hkrum hkra, ndai amyu a matu masha langai mi si hkam yang gaw, nanhte a matu grau mai nga ai hpe, nanhte n myit yu myit hka,” ngu nna tsun wu ai.

YAWHAN 16:7

Ning nga timung, tengman ai lam she ngai nanhte hpe tsun nngai: ngai wa ai gaw nanhte a akyu matu rai nga ai: kaning rai nme law, ngai n wa yang gaw, dai Shalan Shabran ai wa nanhte kaw du sa na n rai: ngai wa jang chyawm gaw, ngai shi hpe nanhte hpang de shangun dat na we ai.

YAWHAN 18:14

Dai Kayahpa gaw, Amyu masha ni a matu masha langai mi si yang grau mai ai, nga nna Yuda ni hpe hpaji daw ya ai wa rai nga ai.

1 KORINHTU 10:23

Yawng mayawng galaw na ahkang nga ai; rai timung, yawng mayawng hte wa akyu byin ai n rai; yawng mayawng galaw na ahkang nga ai; rai timung, yawng mayawng hte wa shadaw shagrin lu ai n rai.

1 KORINHTU 16:2

Ngai sa du ai shaloi e lahkawn shara n nga nga la u ga, bat shagu na shawng shani hta e, langai hte langai ngamu ngamai ai hte maren, tinang a alu mahkawng da nga ma la.

1 KORINHTU 6:12

Yawng mayawng galaw na ahkang ngai lu nngai; rai timung, yawng mayawng hte wa akyu byin ai n rai. Yawng mayawng galaw na ahkang ngai lu nngai; rai timung, hpa lam a jaw e mung, ngai mayam n tai mayu nngai.

1 KORINHTU 7:25

Ya, mahkawn ni a lam, dai Madu kaw na htet da ai ga ngai n lu nngai: rai timung, sadi sahka ai wa tai na she, dai Madu kaw na chyeju hkam la lu ai zawn, ngai jeyang ai lam shapraw nngai.

1 KORINHTU 7:40

Rai timung, nga nga lu yang shi grau pyaw na re ai; dai gaw ngai jeyang ai hku rai nga ai; ngai mung Karai Kasang a Wenyi rawng nga nngai gaw, ngai myit nngai law.

2 KORINHTU 12:1

N gumrawng nga ai gaw n nga lu nngai; rai timung dai gaw htaphtuk nga ai n rai: ya chyawm gaw, dai Madu kaw na myi le le ai hte shingran mu ai lam, ngai gaw tsun hpang na nngai.

2 KORINHTU 8:6

Dai rai nna, Titu gaw shawng galaw hpang ai hte maren, dai chyeju mung nanhte hta shatup u ga, anhte shi hpe shadut jahkat gaw ai.

2 KORINHTU 8:8

Ning nga tsun ai gaw htet da ai ga tsun nngai n re ai sha, kaga ni a shakut sharang ai hpe tau yu nna nanhte a tsawra ai myit majing hpe chyam yu na she, tsun nga nngai.

2 KORINHTU 9:2

Kaning rai nme law nanhte a galaw mayu ai myit ngai chye nna, de a lam nanhte a jaw e gumrawng let, Ahkaia mung na ni maning kaw nna lajang jin nga masai, ngu nna Makedoni masha ni hpe tsun nngai: nanhte a sharawng ai myit mung, dai malaw maga hpe shadum sha-awn nga ai.

HPILIPI 4:17

Shing rai ngai tsun nngai gaw, kumhpaw kumhpa hpe ngai tam nngai n rai, nanhte a akyu a matu mara, law htam wa na asi hpe sha ngai tam nga nngai.

HEBRE 13:16

Mai kaja ai amu galaw na hte gam jaw gam ya ai lam, hkum malap kau myit; shing re ai hkungga hpe, Karai Kasang gaw sharawng awng nga ai.