2 KORINHTU 7:2 - Jinghpaw Hanson Version Bible

² Anhte hpe hkap hkalum la mi: anhte kadai hpe mung n shut n hpyit yu ga ai; kadai hpe mung n shabyak ga ai; kadai hpe mung hkalem hkalau sha ga ai n rai.

Jinghpaw Common Language Bible 2009

² Nanhte a myit masin hta anhte a matu shara jaw nna hkap hkalum la mi. Anhte kadai hpe mung n shut n hpyit ga ai; kadai hpe mung n sharun jahten ga ai; kade a ntsa e mung ahkaw ahkang n la ga ai.

2 KORINHTU 7:2 ပူးပေါင်းရင်းမြစ်များ

BU HKAWM 16:15

Shaloi Mawshe masin grai pawt nna Yehowa hpe, “Ndai masha ni jau ai kumhpa hkum hkap la ya et; shanhte a lawze langai mi muk ngai n la ya nngai; shanhte hta na langai mi hpe muk ngai n zingri yu nngai,” ngu nna tsun wu ai.

MAHTE 10:14

Nanhte hpe n hkap hkalum la nna, nanhte a ga hpe n madat ya yang gaw, dai nta kaw na, shing n rai, dai mare kaw na pru wa nhtawm, nanhte a lagaw hta kap ai nhpu hpe ahpu kau mu.

MAHTE 10:40

Nanhte hpe hkap hkalum la ai wa gaw, ngai hpe mung hkap hkalum la ai; ngai hpe hkap hkalum la ai wa mung, ngai hpe shangun dat ai wa hpe hkap hkalum la ai rai nga ai.

LUKA 10:8

Gara mare hta mung nanhte shang nna, shanhte nanhte hpe hkap la ma yang gaw, nanhte a man e baw tawn ai hte maren lu sha mu:

KASA 20:33

Ngai gaw gade a aja gumhpraw hpun nba mung n marin yu nngai.

ROMA 16:18

Kaning rai nme law, shing re ai ni gaw, anhte a Madu Hkristu hpe n daw jau ai wa, tinang kan a matu sha tsang ma ai rai nna, naw kaja nga ai ni a myit hpe ga sau ga pyaw hte hkalem kau ma ai.

2 KORINHTU 1:12

Kaning rai nme law, Karai Kasang a chyoi pra nna san seng ai myit hte, dinghta hpaji n lawm ai sha, Karai Kasang a chyeju hte, mungkan ga e anhte htinglet nga nna, nanhte hte rau grau nna dai zawn rai nga ga ai hpe, anhte a myit masin a sakse hkam ai lam ngu ai gaw, anhte a gumrawng shara rai nga ai.

2 KORINHTU 11:16

Bai ngai tsun nngai gaw, kadai mung ngai hpe angawk angak hkum aleng nga u ga: aleng nga myit yang gaw, ngai loi mi naw gumrawng nga lu n ga, angawk angak re ai wa hpe zawn ngai hpe naw hkap hkalum la mi.

2 KORINHTU 11:9

Makedoni mung na du sa ai hpunau ni chyawm gaw ngai ra mara shapraw jaw ma ai rai nna, nanhte hpe hpa mung n shatsang ai sha ngai sadi nga ai hte naw a sadi nga na nngai.

2 KORINHTU 4:2

makoi magap re ai kaya kahpa hpe anhte rap di kau sagaw ai hte, hkalem hkalau ai mung n hkan nna, Karai Kasang a mungga hpe gale galau n di ai sha, dai tengman ai lam shapraw shadan let, Karai Kasang a man e, masha yawng mayawng a myit masin kaw, anhte hkum a atsam marai anhte dan nga ga ai.

HPILIPI 2:29

Dai rai nna kabu gara myit ting hte shi hpe hkap hkalum la nna, shing re ai ni hpe hkungga lara di mu.

KOLOSE 4:10

Nye a bawng dung manang Aristaku nanhte hpe shakram dat myit dai; Barnaba a kahkri Marku mung nanhte hpe shakram dat myit dai: shi a lam htet da ai ga hpe nanhte hkam la lu myit dai rai nna, shi nanhte kaw sa du yang gaw, shi hpe hkap hkalum la mu;

1 HTESALONI 2:10

Kamsham nga ai ni nanhte a man e, anhte kaning rai chyoi pra ai hte dinghpring nna mara n kap ai rai nga ga ai hpe, nanhte mung, Karai Kasang mung, sakse rai nga myit dai.

HPILEMON 1:12

shi hkum nan hpe nang hpang de ngai bai wa shangun dat nngai; dai lam hta e nye a tsawra ai myit du nna lawm nga ai.

HPILEMON 1:17

Dai re ai majaw, nang ngai hpe kanawn manang zawn nawn ndai rai yang gaw, ngai hpe zawn shi hpe hkap hkalum la u.

2 YAWHAN 1:10

Marai langai ngai nanhte kaw sa du nna, dai sharin shaga ai ga hpe n lang a yang gaw, dai wa hpe nta kata de hkum jashawn mu; shi hpe hkum hkap shachyen nga mu: