2 KORINHTU 7:15 - Jinghpaw Hanson Version Bible

¹⁵ Nanhte nlang a madat mara ai myit hte, hkrit nna gari let shi hpe hkap hkalum la myit dai hpe adum nga ai majaw, shi nanhte hpe tsawra ai shawang amyit gaw, nachying galu kaba nga lu ai.

Jinghpaw Common Language Bible 2009

¹⁵ Shi a sharin shaga ai lam ni hpe nanhte madat mara na matu jin nga myit dai hpe mung, hkrit gari ai hte shi hpe nanhte hkap tau hkalum la myit dai hpe mung, shi myit dum nga ma ai majaw, nanhte hpe tsaw ra ai shi a shawang myit gaw grau nna galu kaba n-gun ja wa nga lu ai.

2 KORINHTU 7:15 ပူးပေါင်းရင်းမြစ်များ

NINGPAWT NINGHPANG 43:30

Yawsep gaw shi a kanau hpe mu nna shi a myit masin n-gaw la ai majaw, alawan rawt mat wa nna hkrap na shara tam nga ai: shing rai shi a gawk kata de shang nna hkrap nga ai.

1 HKAWHKAM 3:26

Hkrung nga ai ma a kanu chyawm gaw shi a kasha hpe tsawra matsan dum wu ai majaw, “Madu du e, hkrung nga ai ma hpe hkum sat kau et; manang jan hpe mahtang a jaw kaw u” ngu nna hpyi wu ai; manang jan gaw, “She karan u, nye a mung, na a mung n rai u ga,” nga ai.

EZRA 10:9

Dai re ai majaw Yuda hte Ben-yamin mung na lasha ni nlang hte gaw, masum ya laman e Yerusalem mare hta zuphpawng nga nna, shata jahku a hkun ya shani hta e, mung masha ni nlang hte gaw, Karai Kasang a nta dam lada ai ndaw e dung nga let, dai amu a majaw mung, marang kaba htu ai majaw mung, kari kawa rai nga ma ai.

EZRA 9:4

Shaloi bawng dung hkrum ai ni a yubak majaw, Israela Karai Kasang a mungga hpe hkrit kamyin ai ni nlang hte gaw, nye a man e hpawng nga nna, ngai gaw shana na dumhpung hkungga jaw na aten du hkra, myit mak let dung nga nngai.

YOBA 21:6

Gaja wa, dai lam ngai dum yang, ngai mak mat nna, nye a hkum shan hkrit gari mat nga ai.

SHAKAWN KUNGDAWN 119:120

Nang hpe hkrit hkungga ai hte nye a ashan nshung si bun nga ai; Na a tara dara ai hpe mung ngai hkrit kamyin nga nngai.

SHAKAWN KUNGDAWN 2:11

Yehowa hpe hkungga lara ai hte daw mu, Hkrit gari ai hte kabu gara nga mu.

Shawlumon A Mahkawn Ga 5:4

Nye tsawra ai wa gaw, chyinghka lakran hku shi a lata manaw bang da nga ai rai nna, Nye a myit masin gaw shi a lam kadau nga ai majaw,

ESAIA 66:2

Nye a lata dai lam yawng mayawng hpe galaw da nna, dai ni mahkra byin wa sai: rai timung ngai gaw, myit kyip ai hte gawng run nna, nye a ga majaw hkrit gari chye ai wa hpe, mada yu nngai.

HOSEA 13:1

“Ehprim gaw ga tsun yang, masha ni hkrit gari nga ma ai; shi gaw Israela hta grau htum ai wa rai nga ai: rai timung, shi gaw Bala hpara hte shut yang, shi si wa sai.

YAWHAN 16:21

Numsha gaw kasha shangai na rai yang, shi a shangai nhtoi gu sai majaw, yawn hkyen nga ai, rai timung, kasha shangai ngut jang, ndai dinghta ga e masha langai mi shaprat tawn nu ai majaw, kabu gara nga ai rai nna, shawng na ru tsang ai hpe bai n dum wu ai.

KASA 16:29

Shaloi shi pyengdin hpyi lang nna, kata de gat bang wa nhtawm, hkrit gari let Pawlu yan Sila man e dingnyawm nga ai;

1 KORINHTU 2:3

Bai, ngai gaw, gawng kya ai hte, hkrit kamyin nna hkrit gari ai law law hte, nanhte hte rau nga nga nngai rai nna,

2 KORINHTU 2:9

Dai re ai majaw mung nanhte lam shagu hta madat mara nga ai kun chye lu n ga, ka dat ai laika hte ngai nanhte hpe chyam yu made ai.

2 KORINHTU 6:12

Anhte hta e nanhte chyat nga myit dai n rai; nanhte a kraw lawang gyip nga malit dai.

EHPESU 6:5

Mayam ni e, Hkristu hpe madat mara ya ai zawn, hkrit gari nna myit mang langai sha hte, nanhte a mungkan madu ni hpe madat mara nga mu.

HPILIPI 1:8

Kaning rai nme law, Hkristu Yesu a n-gaw nwai ai hta ngai nanhte nlang hte hpe gade wa nra la nga nngai gaw, Karai Kasang nye a sakse rai nga ai.

HPILIPI 2:12

Dai rai nna, ngai tsaw ngai ra ai ni e, nanhte galoi mung madat mara myit dai hte maren, ngai rau nga nga yang na zawn sha n re ai sha, naw tsan gang nga yang grau nna, nanhte a hkye hkrang la ai lam hpe hkrit gari ai hte shachyen shatsup nga mu:

KOLOSE 3:12

Dai re ai majaw, Karai Kasang a lata la ai ni hte, chyoi pra nna tsawra hkrum ai ni zawn, matsan dum ai, sumnung ai, mai kaja ai, myit nem ai, myit gyip ai hte myit galu kaba ai dagraw nga nna,

2 HTESALONI 3:14

Ndai laika hta rawng ai anhte a ga hpe, marai langai ngai n madat mara nga a yang gaw, shing re ai wa hpe matsing nga mu; shi kaya dum u ga shi hte hkum kanawn nga myit.

1 YAWHAN 3:17

Kadai rai timung, ga ntsa a sutgan lu nga ai hte, shi a kahpu kanau matsan mayan rai nga ai hpe, mu ninglen, shi a matsan dum ai myit hpe pat kau wu yang gaw, Karai Kasang a tsawra ai myit gaw, dai zawn re ai wa hte e kaning rai nga lu na rai ta?