2 KORINHTU 7:11 - Jinghpaw Hanson Version Bible

¹¹ Bai, Karai Kasang ra ai hte shayawn hkrum ai lam hta nan, da hpran shakang na lam mung, mara nem na lam mung, masin rawt na lam mung, hkrit kang na lam mung, myit marit ai lam mung, nja nhpra ai lam hte mara htang na lam, gade wa shachyen jat wa ai gaw, yu yu mu: nanhte ndai amu hta mara n rawng nga myit dai gaw, lam shagu hta dan nga myit dai.

Jinghpaw Common Language Bible 2009

¹¹ Nanhte a myit yawn hkyen ai hpe Karai Kasang gara hku jai lang ai lam hpe yu yu mu: dai gaw nanhte hpe gade myit rawt sharawng awng shangun ai, nanhte hta mara n kap ai lam madun dan na myit gade katu shangun ai, kaja ai lam shabyin mayu ai majaw grai myit rawt nna masin pawt ai hte myit kajawng kahpra mat ai, myit hta hkam sha nga ai lam ni, nanhte a kam sham maju jung ai lam, mara lu ai wa hpe ari jaw na matu jin jin rai nga ai lam ni gaw lam shagu hta nanhte mara n lu ai, ngu ai hpe madun dan nga manit dai.

2 KORINHTU 7:11 ပူးပေါင်းရင်းမြစ်များ

NEHEMIA 13:25

Dai rai nna, ngai shanhte hpe daru kau ai hte dagam dala kau nme ai; nkau mi hpe ngai anu kayat nna, shanhte a kara mun ni hpe baw kau ya let, “Nanhte gaw, nanhte a shayi sha ni hpe shanhte a shadang sha ni hte n ya sha nna, shanhte a shayi sha ni hpe nanhte a shadang sha ni matu mung, nanhte hkum nan a matu mung, n hpyi la na lam, nga nna Karai Kasang a amying gang let, shanhte hpe dagam shangun nngai.

YOBA 42:6

Dai re ai majaw, nye hkum dai hpe ngai matsat kau nna, ga nhpu hte wan dap hta myit nem nga nngai law,” nga ai.

SHAKAWN KUNGDAWN 119:139

Ngai hpe hpyen ai ni na a mungga hpe malap kau ma ai majaw, Nye a nja nhpra ai myit ngai hpe shaza kau nngai.

SHAKAWN KUNGDAWN 130:6

Jahpawt manap hpe ala nga ai ni hta grau, Rai sa, jahpawt manap hpe ala nga ai ni hta grau nna, Nye a myit masin gaw, dai Madu hpe ala nga ai.

SHAKAWN KUNGDAWN 145:19

Shi hpe hkrit kamyin ai ni a ra ai hku shi shadik ya nna, Shanhte a jahtau ai hpe shi na la nna, shanhte hpe hkye la mu ai.

SHAKAWN KUNGDAWN 2:11

Yehowa hpe hkungga lara ai hte daw mu, Hkrit gari ai hte kabu gara nga mu.

SHAKAWN KUNGDAWN 35:13

Ngai chyawm gaw, shanhte machyi nga ma yang, lachyit nba bu hpun nna, Lusha gam ai hte myit gawng run nga nngai. Ngai akyu hpyi ai ga nye a sinda e a htu nga li ai.

SHAKAWN KUNGDAWN 38:9

Madu e, ngai ra ai nlang na a man e nga nga ai; Ngai madai ai mung, nang n chye ya nga ndai n rai.

SHAKAWN KUNGDAWN 42:1

Karai Kasang e, shan nga gaw hka shi hka wam machyu ai zawn, Nye a myit masin nang hta machyu nga ai.

SHAKAWN KUNGDAWN 69:9

Na nta hta manoi ai nja nhpra myit ngai hpe sha kau nna, Nang hpe shatan ai ni a ga, nye a ntsa e mara nga ai.

GA SHAGAWP 14:16

Hpaji rawng ai wa gaw, yubak hpe hkrit ai hte koi kau nga ai; Angawk ai wa chyawm gaw, gumrawng nna share nga ai.

GA SHAGAWP 28:14

Tutnawng hkrit kamyin ai wa gaw, a nga ai; Tinang myit shaja da ai wa chyawm gaw, tsin-yam hkrum na ra ai.

Shawlumon A Mahkawn Ga 8:6

Ngai hpe na a myit masin ntsa e dazik zawn, Na a lahpum ntsa na dazik zawn shakap e. Kaning rai nme law, sumtsaw sumra gaw si hkrung si htan hte maren ja nga ai; Nsu nnawn myit gaw Katsan ga hta grau yak nga ai; shi a n-gun gaw wan n-gun hte, Yehowa kaw na myihprap n-gun rai nga ai.

ESAIA 26:8

Rai sa, Yehowa e, nang tara dara ai lam hta hkan sa let, anhte nang hpe myit mada nga ga ai; anhte a myit masin gaw, na a dan hkung ai amying shingteng hpe marit nga ai;

ESAIA 66:2

Nye a lata dai lam yawng mayawng hpe galaw da nna, dai ni mahkra byin wa sai: rai timung ngai gaw, myit kyip ai hte gawng run nna, nye a ga majaw hkrit gari chye ai wa hpe, mada yu nngai.

Daniela 6:14

Hkawhkam wa gaw dai ga na jang, myit grai n pyaw nna, Daniela hpe kaning di mawai la lu na, myit sumru yu ai hte, jan shang ai du hkra shi hpe shalawt dat lu na ginshan tam shakut nga ai.

MARKU 3:5

Shanhte chyawm gaw, atsin sha rai nga ma ai. Shing rai shanhte a myit ja ai majaw, shi myit yawn nna, masin pawt let shanhte hpe grup yin yu nhtawm, “Na a lata ladawn u,” ngu nna dai wa hpe tsun wu ai. Shi mung ladawn nna, shi a lata mai mat lu ai.

YAWHAN 2:17

Dai shaloi, “Na nta hta manoi ai nja nhpra myit gaw, ngai e sha kau na ra ai,” nga nna ka da ai ga hpe, sape ni dum ma ai.

KASA 17:16

Ya Pawlu, Ahten mare hta dai yan hpe la let hkring nga yang, dai mare ting Hpara sumla hkrai chyat rai nga ai mu nna, shi a wenyi kahtet bu nga ai.

ROMA 11:20

Rai taw, rai u ga; shanhte gaw n kam n sham ai majaw gyi kau ai hkrum ma ai, nang mahtang gaw makam masham hte ngang hkang nga ndai. Myit hkum kaba et, hkrit kang nga u:

ROMA 14:18

Dai hku hkan nna Hkristu a bungli gun hpai ai wa gaw, Karai Kasang a man e sharawng awng ai hkrum nna, masha a man e mung awlaw ai hkrum nga ai.

ROMA 3:5

Ya, anhte a n ding n hpring ai gaw, Karai Kasang a dinghpring ai hpe shapraw shadan dat a yang gaw, anhte kaning ngu tsun na rai ta? pawt bu ari jaw ai Karai Kasang gaw n ding n hpring na, n rai ni? (shing nga ai gaw, masha a hku hkan nna sha tsun nngai;)

1 KORINHTU 12:25

Karai Kasang gaw dai hkumhkrang hpe shabung shapre nna, arawng grit ai daw shan ni hpe grau nna arawng jaw mu ai.

1 KORINHTU 5:13

Shinggan de nga ai ni hpe Karai Kasang jeyang nga ai, n rai ni? Dai n hkru n hkra ai wa hpe nanhte kaw na shaden kau mu.

1 KORINHTU 5:2

Nanhte madaw gumlu gumlan rai nga myit dai rai nna, shing re ai amu galaw ai wa hpe nanhte kaw na shaden kau ai hkrum u ga, yawn ai myit n madun ai sha nga nga myit ni?

2 KORINHTU 13:7

Dai hta kaga, anhte dinglik hkam lu ai lam dan wa u ga n re ai sha, anhte dinglik n hkam lu ai ni zawn rai na ga ai rai timung, nanhte gaw kaja ai lailen galaw lu myit ga hte, n kaja ai lai len n galaw myit ga, ngu nna Karai Kasang hpe anhte ahpyi nga ga ai.

2 KORINHTU 2:6

Nanhte hta na malaw maga dai wa hpe shing rai daru sharin ai gaw, shi a matu ram nga ai rai nna,

2 KORINHTU 6:4

shakut sharang ai law law hta, tsin-yam tsindam hta, kyin dut ai hta, shagyeng ai hta,

2 KORINHTU 7:1

Tsawra ai ni e, ndai ga sadi yawng hte gaw lu la gaw ai majaw, hkumhkrang hte wenyi hpe awu asin di kau ai matsat shabat hta na tinang hkum hpe jasan jaseng kau nhtawm, Karai Kasang hpe hkrit hkungga let shachyoi shapra ai lam shatup nga ga.

2 KORINHTU 7:7

Shi a du sa ai hte sha n rai, nanhte a marit ai myit, nanhte a madai sharung ai hte, nye a matu nanhte nja nhpra rai nga ai gaw, anhte hpe shana ya mi yang, nanhte kaw na shi lu la ai ngwipyaw ai hte mung, anhte ngwipyaw nga ga ai; shing rai ngai grau nna kabu nga nngai.

2 KORINHTU 7:9

ya chyawm gaw ngai kabu nga nngai. Nanhte hpe myit shayawn ai majaw n rai, myit malai hkra shayawn made ai majaw, ngai kabu nga nngai; anhte a lata hte nanhte hpa sum mat ai mung n hkrum myit ga, Karai Kasang ra ai hte maren shayawn ai hkrum myit dai.

2 KORINHTU 9:2

Kaning rai nme law nanhte a galaw mayu ai myit ngai chye nna, de a lam nanhte a jaw e gumrawng let, Ahkaia mung na ni maning kaw nna lajang jin nga masai, ngu nna Makedoni masha ni hpe tsun nngai: nanhte a sharawng ai myit mung, dai malaw maga hpe shadum sha-awn nga ai.

EHPESU 4:26

“Myit kahtet timung, yubak hkum galaw myit:” nanhte myit naw kahtet bu nga yang, jan hkum shadu myit:

EHPESU 5:11

Asi n lawm ai nsin a bungli ni hte nanhte n mazum ai sha n-ga, dai hte hpe kajet kau mu:

HPILIPI 2:12

Dai rai nna, ngai tsaw ngai ra ai ni e, nanhte galoi mung madat mara myit dai hte maren, ngai rau nga nga yang na zawn sha n re ai sha, naw tsan gang nga yang grau nna, nanhte a hkye hkrang la ai lam hpe hkrit gari ai hte shachyen shatsup nga mu:

1 HTESALONI 4:6

Anhte shawng e nanhte hpe tsun dan nna sakse hkam ya made ai hte maren, Karai Kasang gaw ndai lam yawng hte a matai dawp ai wa rai nga ai.

1 TIMOHTI 5:20

Shaje ni gaw hkrit kang nga mu ga, mara lu ai ni hpe masha yawng a man e daru sharin kau mu.

2 TIMOHTI 2:15

Nang chyawm gaw, kaya shara n rawng ai sha, dai tengman ai mungga hpe ding ding chye hpajang ai magam gun hpai wa zawn, Karai Kasang a man e myi man pa lu hkra, na hkum shadan dan na, a shaja nga u.

TITU 3:8

Ndai ga gaw kangka re ai ga rai nga ai rai nna, Karai Kasang hpe kamsham ai ni gaw, kaja reng ai magam bungli a shachyen nga na myit dum nga mu ga, ndai lam ni hpe nang grai ngu tsun shangang ya na, ngai ra nga nngai. Dai lam ni gaw masha a matu mai kaja nga ai rai nna akyu rawng nga ai:

HEBRE 4:1

Dai re ai majaw, shi a ban sa ai de shang lu na, ga sadi naw nga nga dingsa, nanhte hta na langai ngai dai de hkoi n dep lu na hpe, anhte myit tsang nga ga.

YAKU 3:17

Ntsa de na hpaji byeng-ya chyawm gaw, shawng npawt e san seng ai rai nga ai; dai hpang e, htingrai htingrat chye ai, sumnung ai, shingdi ai, matsan dum ai hte kaja ai asi hte hpring nga ai, gale galau n re ai hte hpyi hpun n chye ai hpaji byeng-ya rai nga ai.

1 PETRU 1:17

Dai hta kaga, myi man n tau yu ai sha, langai hte langai a amu hte maren dawdan nga ai Kawa hpe nan, nanhte hpyi shaga myit yang gaw, nanhte manam tai hkawm nga ai aten hte yang, hkrit kamyin ai hte hkan shatup nga mu.

1 PETRU 2:2

n hkru n hkra, hkalem hkalau, sawt masawt, manawn masham hte nsu nnawn ai baw law ai ga nlang hte hpe kau da nhtawm,

YUDA 1:23

kaga nkau mi hpe wan hta na kare la mu ai zawn, hkye hkrang la mu; bai kaga nkau mi hpe, hkrit kang ai hte matsan dum nga mu; rai timung dai hkum shan hta na matsat shabat kap ai palawng hpe pyi, n dawng n yawt rai nga mu.

SHINGRAN 3:19

Ngai tsaw matsaw kadai hpe mung, ngai mara madun nna daru sharin ga nngai. Dai re ai majaw, dum hprang let nga u, myit malai lu u.