2 KORINHTU 7:10 - Jinghpaw Hanson Version Bible

¹⁰ Kaning rai nme law, Karai Kasang ra ai yawn hkyen ai gaw, hkye hkrang la ai hkrum hkra, n tsang ra ai myit malai ai hpe shachyen nga ai; mungkan ga a yawn hkyen ai chyawm gaw, si mat ai hpe shachyen nga ai.

Jinghpaw Common Language Bible 2009

¹⁰ Hpa majaw nga yang, Karai Kasang jai lang ai yawn hkyen ai lam gaw hkye hkrang la hkrum shangun nga ai. De a majaw myit n pyaw shara n nga ai! Rai ti mung myit malai n lu ai sha shinggyim lai hku yawn hkyen ai lam gaw si hkrung si htan lam hpe shabyin nga ai.

2 KORINHTU 7:10 ပူးပေါင်းရင်းမြစ်များ

NINGPAWT NINGHPANG 30:1

Ya Rahkela gaw Yaku a matu kashu kasha n shaprat ya dum wu ai majaw, kana jan hpe manawn nna Yaku hpe, “Ngai e kasha jaw e; dai n rai ngai si mat na nngai,” ngu wu ai.

2 SAMUELA 12:13

Shaloi Dawi gaw, “Yehowa hpe ngai shut se ai,” ngu nna Nahtan a man e yin la wu ai. Nahtan mung, “Nang galaw ai yubak Yehowa raw kau nu ai: nang hkum si na n rai.

2 SAMUELA 13:4

Dai wa gaw Amnon hpe, “Nang hkawhkam a kasha rai da nhtawm e, hpa rai lani hte lani lasi wa nga n ta? Ngai e n tsun dan mayu n ni?” ngu nna san wu yang, Amnon gaw, “Ngai nau Absalom a kajan Tama hpe ra da we ai,” ngu nna tsun dan wu ai.

2 SAMUELA 17:23

Ahihtohpela chyawm gaw, shi daw ya ai hpaji hku n hkan ai mu jang, shi a lawze byau nna, shi nga ai mare, shi a nta de wa nhtawm, dinghku amu hpajang da ngut jang, shi dai dau si mat ai; shi kawa lup hta e, shi hpe makoi mayang di mu ai.

1 HKAWHKAM 21:4

Shing rai, Ngai ji wa ni a Sali wunli ga nang hpe n jaw na de ai, nga nna Yezrela masha Nabot gaw Ahab hpe tsun wu ai majaw, shi gaw myit ru nna nji nmu let shi a nta de bai wa nhtawm, yup ku hta kaleng taw let, myi man makoi kau nna, shat n sha hkraw ai.

SHAKAWN KUNGDAWN 38:18

Ngai shut hpyit ai gaw, ngai nem lu na rai nga nngai; Nye a yubak majaw, myit yawn nga na nngai.

GA SHAGAWP 15:13

Myit kabu yang, myi man htoi nga ai; Myit law nga yang, gawng run lawm nga ai.

GA SHAGAWP 15:15

Matsan chyaren ai ni a nhtoi yawng, ruyak ai hkrai rai nga ai; Myit pyaw ai wa chyawm gaw, tutnawng poi sha nga ai.

GA SHAGAWP 17:22

Kabu gara ai myit hkam kaja ai tsi rai nga ai; Gawng run ai chyawm gaw, nrut n ra ni hpe jahkraw kau nga ai.

GA SHAGAWP 18:14

Masha myit gaw, tinang nji nmu hpe sharang lu nga ai; gawng run ai myit hpe chyawm gaw, kadai shalan lu na rai ta?

HPAJI NINGLI 7:3

Yawn hkyen ai gaw mani ai hta grau kaja nga ai; kaning rai nme law, yawn hkyen ai myi man majaw, myit masin gaw kaja wa nga ai.

YEREMIA 31:9

Shanhte hkrap let wa na mara ai; akyu hpyi tawngban ai ni hpe, ngai woi wa na nngai; hka kau lam hte, ahtu kataw shara n nga ai, malang ai numda lam hku, ngai shanhte hpe lakawn wa na nngai; kaning rai nme law, ngai gaw Israela kawa rai nga nngai; Ehprim gaw nye a kasha alat rai nga ai.

EZEKELA 7:16

Lawt lu ai ni mahtang lawt lu timung, langai hte langai tinang a yubak majaw madai let, kadit na hkrudu zawn, bum ntsa e nga mat na mara ai.

YONA 3:10

Ya shanhte gaw tinang a n hkru ai lam, koi kau ai amu hpe, Karai Kasang mu wu ai rai nna, shi shanhte hpe ari jaw na lam, Karai Kasang myit malai nna, hpa n di mu ai.

YONA 3:8

masha hpe mung, yamnga hpe mung, lachyit nba jahpun nna, Karai Kasang hpe ja ja hpyi jahtau shangun mu: gaja wa langai hte langai, tinang nang a n hkru ai lam hte, tinang a lata a kashun kashe amu hpe, kau da shangun mu.

YONA 4:9

Shaloi Karai Kasang gaw, Yona hpe, “Taudwi ru a majaw, nang masin pawt mai a ni?” ngu nna san wu yang, shi gaw, “Si ai du hkra ngai masin pawt na, mai nga ai,” ngu wu ai.

MAHTE 26:75

Dai rai nna, Petru gaw, ‘U garai n goi yang, nang ngai hpe masum lang nyet kau na rin dai,’ nga nna Yesu tsun ai ga hpe dum dat wu ai: shaloi shi gaw shinggan de pru nna ja ja hkrap nga ai.

LUKA 15:10

Nanhte hpe ngai tsun made ga, “Dai hte maren, yubak kap ai masha langai mi, myit malai lu ai majaw, Karai Kasang a lamu kasa ni a man e, kabu gara shara rai nga ai,” ngu mu ai.

LUKA 18:13

Kang hta ai wa chyawm gaw, tsawmra naw tsan kaw tsap nna, lamu de pyi n wam mada ai; shi a sinda adup let, ‘Karai Kasang e, ndai yubak kap ai wa ngai hpe matsan dum la e law,’ ngu nna hpyi wu ai.

KASA 11:18

Dai lam na ma yang, shanhte myit pyaw nga nna, “Aw, rai sa, Karai Kasang gaw maigan amyu ni hpe mung, asak hkrung ai hte seng ai myit malai lam jaw manu hka,” nga nna Karai Kasang hpe shagrau sha-a ma ai.

KASA 3:19

Dai re ai majaw, dai Madu kaw na ngwipyaw ai aten ladaw du ru ga hte,

2 KORINHTU 12:21

nanhte hpang de ngai bai du ai shaloi, nye a Karai Kasang gaw nanhte a man e ngai hpe shagrit nhtawm, shawng e yubak galaw nna, tinang galaw ai n se ai lam hte, shut hpyit nna ngang ai amu a lam hta, myit n malai ai law law hte a majaw ngai myit yawn ai hkrum na nngai hpe mung, myit tsang nga nngai.

2 KORINHTU 7:9

ya chyawm gaw ngai kabu nga nngai. Nanhte hpe myit shayawn ai majaw n rai, myit malai hkra shayawn made ai majaw, ngai kabu nga nngai; anhte a lata hte nanhte hpa sum mat ai mung n hkrum myit ga, Karai Kasang ra ai hte maren shayawn ai hkrum myit dai.

HEBRE 12:17

kaning rai nme law, hpang e dai shaman ya ai akyu lu la mayu yang, shi shinggan kau ai hkrum nga ai hpe, nanhte chye nga myit dai: myi prwi pru ai hte myit malai shara nhtang tam katu timung, kanang na n mu la nu ai.

1 SAMUELA 30:6

Dawi mung nachying myit yawn myit yak nga ai; kaning rai nme law, mare masha ni gaw, tinang a kashu kasha ni a majaw myit yawn nna, Dawi hpe nlung hte jawm kabai sat na tsun nga ma ai: Dawi chyawm gaw, shi a Karai Kasang Yehowa hta n-gun da ting wu ai.