2 KORINHTU 7:1 - Jinghpaw Hanson Version Bible

¹ Tsawra ai ni e, ndai ga sadi yawng hte gaw lu la gaw ai majaw, hkumhkrang hte wenyi hpe awu asin di kau ai matsat shabat hta na tinang hkum hpe jasan jaseng kau nhtawm, Karai Kasang hpe hkrit hkungga let shachyoi shapra ai lam shatup nga ga.

Jinghpaw Common Language Bible 2009

¹ Tsaw ra ai jinghku ni e, ndai ga sadi ni yawng gaw anhte hpe jaw da ai rai nga ai. Dai re ai majaw anhte gaw hkum hkrang hte wenyi hpe awu asin di kau ai matsat shabat nga manga hta na tinang hkum hpe jasan jaseng kau nhtawm Karai Kasang hpe hkrit hkungga let chyoi pra htum ai hku asak hkrung nga ga.

2 KORINHTU 7:1 ပူးပေါင်းရင်းမြစ်များ

2 HKAWHKAM LABAU 19:9

Bai shi gaw shanhte hpe. “Nanhte gaw hkum tsup ai myit hte Yehowa hpe hkrit kamyin let dawdan nga mu.

SHAKAWN KUNGDAWN 119:9

Shabrang wa gaw, shi a lam pra nga u ga, kaning rai na rai ta? Na a mungga hte maren sadi nga yang, rai na ra ai.

SHAKAWN KUNGDAWN 19:9

Yehowa hpe hkrit hkungga ai lam chyoi pra nga ai rai nna, htani htana anga nga ai. Yehowa a tara dara ai ga teng nga ai rai nna, ahkum ara dinghpring nga lu ai.

SHAKAWN KUNGDAWN 51:10

Karai Kasang e, ngai hta san seng ai myit hpan tawn da nna, Agrin nga na Wenyi, nye a kata e shabai bang ya e.

GA SHAGAWP 16:6

Chyeju hte kangka ai gaw, yubak mara hpe htingrai lu nga ai; Yehowa hpe hkrit kamyin ai myit hte, yubak hpe koi kau lu nga ai.

GA SHAGAWP 20:9

“Ngai gaw nye a myit masin hpe jasan jaseng nngai, Ngai yubak n kap nngai,” nga nna kadai wa tsun lu a ta?

GA SHAGAWP 30:12

Tinang myit hta san seng dum timung, Agang chyalang hta na garai n kashin kau ai masha amyu;

GA SHAGAWP 8:13

Yehowa hpe hkrit kamyin ai myit gaw, yubak hpe n dawng nga ai; Gumrawng gumtawng ai, myit kaba ai, n hkru ai lam hte, Masu magaw chye ai n-gup hpe ngai n dawng nngai.

HPAJI NINGLI 11:10

Dai re ai majaw, na a myit masin hta na yawn hkyen ai hpe, na a hkumhkrang hta na aru ara hpe, yeng kau u: kaning rai nme law, brang ram aprat hte chyang ai kara gaw, kaman lila rai nga ai.

ESAIA 1:16

Tinang hkum kashin kau mu; tinang dai jasan jaseng mu; nanhte a n hkru ai amu hpe, nye a myi man kaw na yeng seng kau mu; n shawp ai arawn alai kau da mu.

ESAIA 55:7

tara n lang ai wa gaw shi a lam hpe, n hkru ai wa gaw shi a myit mang ai hku kau da nna, Yehowa hpang de kayin wa u ga; shing rai yang shi gaw dai wa hpe matsan dum na ra ai; anhte a Karai Kasang hpang de mung kayin wa u ga; shi gaw yubak hpe htum hkra raw dat kau ya na ra ai.

YEREMIA 13:27

Pa ga na kawng ni a ntsa e nang galaw ai matsat shabat ngu ai, num shaw la shaw ai, nying sharung ai hte n san n seng hpye ai amu hpe, ngai mu ni ai: Yerusalem e, nang dingnye lu ndai; nang n san n seng ai gaten du hkra naw rai nga na a ta? nga nna Yehowa tsun ai.

YEREMIA 4:14

Yerusalem e, nang hkye hkrang la ai hkrum lu hkra, na a kraw lawang na n hkru n hkra ai hpe kashin kau u: na a n shawp ai myit mang gaw, gaten du hkra nang hta shanu nga na rai ta?

JAW JAU 13:58

Hpun nba a ri madung, ri majan hte shanhpyi rai hpa baw rai timung, hkrut kau nna ana mai ai hpang, lang mi bai hkrut ai hta san seng na rai nga ai.

MAHTE 12:33

Dai hpun kaja nga ai hte, de a asi mung kaja nga ai, ngu mu: shing n rai, dai hpun n kaja nga ai hte, de a asi n kaja nga ai, ngu mu: kaning rai nme law, hpun hpe gaw tinang a asi hte chye ginhka lu ai.

MAHTE 5:48

Dai majaw, sumsing lamu na nanhte a Kawa gaw kup nga ai hte maren, nanhte mung kup kup rai nga mu.

MAHTE 5:8

Myit san seng ai ni gaw a lu ma ai; kaning rai nme law, shanhte gaw Karai Kasang hpe mu lu na maru ai.

KASA 9:31

Dai hte yang, Yuda mung, Galile mung hte Samari mung shara magup hkan e nga ai Hpung gaw, shadaw shangang ai lu la nna, angwi apyaw rai nga ai; dai Madu hpe hkrit hkungga ai hte, Chyoi pra ai Wenyi a shalan shabran ai lam ni hta hkawm sa let, shanhte law htam wa ma ai.

ROMA 5:20

Shut hpyit ai amu law jat wa mu ga, jep ai tara gaw shang lawm wa sai:

1 KORINHTU 6:20

nanhte jahpu manu daw nna mari da sai ni rai nga myit dai: dai re ai majaw, nanhte a hkumhkrang hte Karai Kasang hpe shagrau sha-a nga mu law.

2 KORINHTU 1:20

Karai Kasang a ndat ga gade law nga rai timung, shi hta e, Rai sa, hkrai rai nga ai; dai rai nna, anhte a lata e Karai Kasang a hpung shingkang pru u ga, shi a jaw e, Amen, ngu ai mung rai nga ai.

EHPESU 2:3

Anhte nlang hte mung shanhte hte rau shawng e kanawn nga nna, anhte a hkum shan a marin marit ai lam hkan let, hkum shan hte kraw lawang na myit mang ai hku hkan galaw ga yang, shanhte gale hte maren pawt sindawng ging ai kashu kasha ni majing rai nga ga ai.

1 HTESALONI 3:13

anhte nanhte hpe tsawra nga ga ai hte maren, nanhte a tsawra ai myit gaw shada da hte yawng mayawng a matu, kaba wa nna law htam wa lu hkra, dai Madu shabyin ya u ga.

1 HTESALONI 4:7

Kaning rai nme law, Karai Kasang gaw n san n seng ai hta nanhte hpe shaga la manit dai n rai, chyoi pra ai hta shaga la manit dai.

1 HTESALONI 5:23

Ngwipyaw ai a npawt Karai Kasang nan nanhte hpe hkum dinghkum shachyoi shapra myit ga; anhte a Madu Yesu Hkristu bai du sa ai shaloi e, nanhte a wenyi, myit masin hte hkumhkrang ting gaw, mara n kap hkra pau nga u ga.

HEBRE 12:23

sumsing lamu na jahpan hta lawm ai shawa zuphpawng hte kasha alat ni a Hpung de mung, yawng mayawng a tara agyi wa Karai Kasang hpang de mung, jahkum shatsup hkrum sai dinghpring ai ni a wenyi ni hpang de mung,

HEBRE 12:28

Dai rai nna, n shamu n shamawt lu ai mungdan lu ga ai majaw, anhte gaw hkungga lara nna agam ai myit hte Karai Kasang sharawng awng ai hku daw jau lu hkra, chyeju dum chye ai myit rawng nga ga:

HEBRE 4:1

Dai re ai majaw, shi a ban sa ai de shang lu na, ga sadi naw nga nga dingsa, nanhte hta na langai ngai dai de hkoi n dep lu na hpe, anhte myit tsang nga ga.

HEBRE 6:9

Anhte ning nga tsun ga ai rai timung, tsawra htum ai ni e, dai hta grau kaja ai hte, hkye hkrang la ai lam hte seng ai baw nanhte lu la na myit dai, ngu nna nanhte a lam anhte myit tawng ya ga ai.

YAKU 4:8

Karai Kasang hpang de sit sa wa mu; shaloi shi nanhte hpang de sit wa na ra ai. Yubak galaw ai ni e, nanhte a lata hpe jasan jaseng kau mu; myit mashe rawng ai ni e, nanhte a myit masin hpe shachyoi shapra da mu.

1 PETRU 1:15

nanhte hpe shaga la ai wa gaw chyoi pra nga ai hte maren, nanhte mung arawn alai shagu hta chyoi pra nga mu:

1 PETRU 1:17

Dai hta kaga, myi man n tau yu ai sha, langai hte langai a amu hte maren dawdan nga ai Kawa hpe nan, nanhte hpyi shaga myit yang gaw, nanhte manam tai hkawm nga ai aten hte yang, hkrit kamyin ai hte hkan shatup nga mu.

1 PETRU 1:22

Dai dingman ai ga hpe madat mara nga let, nanhte kahpu kanau ni hpe gaja wa teng teng, tsawra lu ai du hkra, nanhte a myit masin hpe san seng kau lu myit dai majaw, nanhte a myit ting hte shada da tsawra nga mu;

1 PETRU 2:11

Ngai tsawra ai ni e, myit masin hte gasat hkat nga ai hkum shan kayut la ai baw hpe koi kau myit ga, ga ntsa e shingbyi nga ai ni hte, bu hkawn manam zawn rai nga ai ni nanhte hpe, ngai nem da made ai:

1 PETRU 5:10

Nanhte mahtang chyahkring chyahkra nni nkri hkrum ai hpang, Hkristu hta e htani htana nga ai hpung shingkang a matu, nanhte hpe shaga la da ai, chyeju hkum hkum rawng ai Karai Kasang gaw, shi hkum nan, nanhte hpe shakup shatsup na, shangang shakang na hte n-gun sharawng na marin dai.

1 YAWHAN 1:7

Shi gaw dai nhtoi hta rawng nga ai hte maren, anhte mung dai nhtoi hta hkawm nga yang gaw, anhte langai hte langai kanawn mazum ai ni rai nga ga ai hte, shi a Kasha Yesu a asai gaw, anhte hta na yubak nlang hte hpe jasan jaseng kau ya mi ai.

1 YAWHAN 1:9

Anhte a yubak hpe anhte madun nem ga yang gaw, anhte a yubak hpe raw dat kau na hte n ding n man ai nlang hte hta na, anhte hpe jasan jaseng mi ga, shi kangka nga ai hte dinghpring ai wa rai nga ai.

1 YAWHAN 3:3

Shi hta e, dai zawn myit mada lu ai masha gaw, shi hkum nan chyoi pra nga ai hte maren, tinang hkum hpe mung shachyoi shapra nga ai.