2 KORINHTU 6:9 - Jinghpaw Hanson Version Bible

⁹ hkalem sha ai ni zawn rai timung, tengman nga ga ai ni; gade e n dum n chye ai ni zawn rai timung, kajai gumhkawng hkrum ai ni; si hkrung si htan hkrum ai ni rai timung, yu mu, anhte ahkrung nga ga ai;

Jinghpaw Common Language Bible 2009

⁹ Anhte gaw gade e me n dum n chye ai ni zawn rai ga ti mung kajai gumhkawng ai ni, masha jasi ni zawn rai ga ti mung ya nanhte mu lu ai hte maren, anhte ahkrung nga ga ai. Ari hkrum ga ai rai ti mung, anhte sat kau ai n hkrum ga ai.

2 KORINHTU 6:9 ပူးပေါင်းရင်းမြစ်များ

KASA 17:18

Dai rai nna, Epikuri lam hte Sto-i lam hkan ai hpaji sara ni nkau mi, shi hte dangrang hkat ma ai rai nna, nkau mi gaw, “Ndai baw law ai wa hpa tsun mayu nga ai kun?” nga nna mung, nkau mi gaw, “Hpara kaga ni a lam tsun dan ai wa rai sam ai,” nga nna mung, tsun shajang ma ai: dai gaw, shi Yesu a lam hte bai hkrung rawt wa ai lam tsun dan ai majaw rai nga ai.

KASA 19:26

Rai timung ya gaw, Ehpesu mare hta sha nrai sa, Asi mung ting ganoi rai hkra, ndai Pawlu ngu ai wa e, masha lata hte shachyaw ai baw Karai Kasang n re ai, nga nna masha law law hpe gunglau ai hte myit shayit kau ya manu ai, nanhte nan mu nga chye nga myit dai.

KASA 25:19

shanhte a nawku htung lam hte, si mat sai, Yesu ngu ai wa langai mi a lam sha, shi hte dangrang hkat ma ai; dai Yesu gaw naw hkrung nga ai, nga nna Pawlu a tsun nga ai.

KASA 25:26

Sa dat nga yang mung, nye a Madu hpang de shi a lam azin ayang ka shana dat na mi, n rawng lu ai. Dai rai nna, dai wa hpe manaw yu ngut yang, ka dat lu na ga langai ngai ngai mu lu hkra, nanhte a man e mung, grau nna nang hkawhkam Agripa man e mung, ngai shi hpe shapraw dan de ai.

ROMA 15:19

Shing rai, dai ni hpe tau yu nna, Yerusalem kaw na Ituri mung ginwang grup hkra, Hkristu a kabu gara shiga ngai hkaw jahproi dan ni ai.

ROMA 8:36

“Na a jaw e anhte shani shagu sat kau ai hkrum ga ai, Sat na san da ai sagu hpe zawn, anhte hpe nawn da mi ai,” nga nna ka da nga ai hte maren, tsin-yam tsindam atsu atsam, zingri zingrat ai, hku hku hpang gara ai, singgu krin ai, shoihpa hkrithpa hte ri nhtu hkrum yang she, jahka kau lu na mi ni?

1 KORINHTU 11:32

Tara dara ai hkrum ga yang mung, mungkan masha ni hte rau dawdan ai n hkrum u ga she, dai Madu a lata hte anhte sharin achyin ai hkrum ga ai.

1 KORINHTU 15:31

Ngai gaw, hpunau ni e, shani shagu si hkam nga nngai, ngu nna anhte a Madu Hkristu Yesu hta e nanhte a lam ngai lu ai gumrawng shara hpe tau yu nna tsun wam nga nngai.

1 KORINHTU 4:9

Kaning rai nme law, sat na matu san da ai ni hpe zawn, Karai Kasang gaw kasa ni ngu ai anhte hpe hpang chyahtum e shadan dan ma ni ai, ngai myit nga nngai: anhte gaw mungkan ga hte, lamu kasa ni hte shinggyim masha ni a man e, ginsup poi dan ai ni tai wa saga ai.

2 KORINHTU 11:6

Tsun ai ga hta zai ai zawn rai timung, chye chyang ai lam hta gaw dai zawn n re ai sha, nanhte a man e lam shagu hta, dai gaw yawng mayawng hta, dan dan leng leng pru wa sai.

2 KORINHTU 4:2

makoi magap re ai kaya kahpa hpe anhte rap di kau sagaw ai hte, hkalem hkalau ai mung n hkan nna, Karai Kasang a mungga hpe gale galau n di ai sha, dai tengman ai lam shapraw shadan let, Karai Kasang a man e, masha yawng mayawng a myit masin kaw, anhte hkum a atsam marai anhte dan nga ga ai.

2 KORINHTU 5:11

Dai rai nna, dai Madu a hkrit kang hpa hpe chye ga ai majaw, anhte masha ni hpe madun shadik nga ga ai; Karai Kasang a man e chyawm gaw, anhte dan dan leng leng rai nga ga ai; nanhte a myit masin a man e mung, anhte dan leng nga ga ai, ngai nawn nga nngai.