2 KORINHTU 6:6 - Jinghpaw Hanson Version Bible

⁶ san pra ai hta, chye chyang ai hta, myit galu kaba ai hta, mai kaja ai hta, Chyoi pra ai Wenyi hta, n sawt ai tsawra ai myit hta,

Jinghpaw Common Language Bible 2009

⁶ Myit masin san seng ai lam, chye chyang ai lam, hkam sharang ai lam, matsan dum lama ai lam hku nna mung, chyoi pra ai wenyi a chyeju lam hte n sawt ai tsaw ra myit hku nna mung,

2 KORINHTU 6:6 ပူးပေါင်းရင်းမြစ်များ

EZEKELA 33:31

Shanhte gaw shawa hpawng sa nna, nye a masha ni zawn na a man e dung nga ninglen, na a ga na la timung, n galaw hkraw ma ai: shanhte gaw tinang a n-gup hte ga ngwi grai tsun timung, tinang a lawhpa myit sutgan hta jung nga malu ai.

ROMA 12:9

Tsawra ai myit hta sawt ai n lawm u ga; n hkru n hkra ai hpe matsat nga mu, mai kaja ai hta manoi nga mu.

ROMA 15:19

Shing rai, dai ni hpe tau yu nna, Yerusalem kaw na Ituri mung ginwang grup hkra, Hkristu a kabu gara shiga ngai hkaw jahproi dan ni ai.

1 KORINHTU 12:8

Kaning rai nme law, langai mi hpe, dai Wenyi a jaw e, hpaji mungga; kaga wa hpe dai Wenyi a jaw e chye chyang ai mungga;

1 KORINHTU 13:4

Tsawra ai myit gaw galu kaba nga ai, sumnung shingdi nga ai; tsawra ai myit gaw manawn masham n nga ai, grang ai ga n tsun ai, gumrawng gumtawng n rawng ai;

1 KORINHTU 2:16

Kaning rai nme law, dai Madu hpe sharin achyin ya lu u ga, shi a amyit hpe kadai chye ga nga a ta? Anhte chyawm gaw Hkristu a amyit rawng nga ga ai.

1 KORINHTU 2:4

nanhte a makam masham gaw, masha a hpaji byeng-ya hte n rai,

2 KORINHTU 1:23

Nanhte hpe matsam dum na majaw sha, ngai Korinhtu mare de rai n sa du ai gaw, nye a myit masin hta sakse tai na, Karai Kasang hpe ngai shaga nngai.

2 KORINHTU 11:11

Dai gaw hpa majaw rai kun? Nanhte hpe n tsaw n ra ai majaw rai kun? Karai Kasang gaw chye nga ai.

2 KORINHTU 11:4

Kaning rai nme law, nanhte kaw sa du ai wa gaw, anhte n hkaw dan ai Yesu kaga a lam shi hkaw dan nna, nanhte n hkam la ai Wenyi kaga hpe nanhte hkam la myit dai hte, nanhte n hta la ai kabu gara shiga kaga hpe hta la myit yang gaw, shi a lam nanhte gaja wa sharang nga myit dai.

2 KORINHTU 11:6

Tsun ai ga hta zai ai zawn rai timung, chye chyang ai lam hta gaw dai zawn n re ai sha, nanhte a man e lam shagu hta, dai gaw yawng mayawng hta, dan dan leng leng pru wa sai.

2 KORINHTU 12:15

Ngai chyawm gaw nanhte a myit masin a matu sutgan jahkrat mayu ai hta n-ga, nye a hkum hpe pyi jahkrat na grau nna ra nga nngai. Nanhte hpe ning rai ladu lai hkra tsawra nga nngai majaw, ngai hpe n dawng n yawt na mai nga a ni?

2 KORINHTU 13:10

Dai re ai majaw, nanhte hte rau nga ai shaloi sharun shabya na matu n rai, shadaw shalan na matu sha dai Madu ngai hpe jaw da ai ahkang aya hte maren, aja awa n di u ga she, ya e naw tsan gang nga yang, ning rai ngai ka dat nngai.

2 KORINHTU 2:10

Kadai wa a mara nanhte raw dat myit yang gaw, ngai mung raw dat nngai: kaning rai nme law, ngai lama ma raw dat ni yang gaw, Satan gaw anhte hpe n dang kau u ga, nanhte a majaw, Hkristu a man e, ngai raw dat nngai;

2 KORINHTU 2:4

Kaning rai nme law, tsin-yam tsindam, myit ru myit yak law law hte, myi prwi law law pru let ngai nanhte hpe ka dat made ai; nanhte hpe myit yawn shangun na n re ai sha, ngai nanhte hpe nachying naw tsawra nga ai hpe nanhte chye lu myit ga, ngai ka dat made ai.

2 KORINHTU 3:3

tsi hte n re ai sha, hkrung nga ai Karai Kasang a Wenyi hte, bai, lungpa hta mung n re ai sha, hkum shan a kraw lawang e ka da nga ai, anhte a lata hte lajang da ai Hkristu a laika nan nanhte rai nga myit dai gaw, dan dan leng leng rai nga ai.

2 KORINHTU 4:6

Nsin hta na nhtoi htoi na ra ai, nga nna tsun ai Karai Kasang gaw, Hkristu a myi man kaw na Karai kasang a hpung shingkang a chye chyang ai nhtoi hpe shapraw ya lu u ga she, anhte a kraw lawang e jahtoi ya ma ni ai.

2 KORINHTU 7:2

Anhte hpe hkap hkalum la mi: anhte kadai hpe mung n shut n hpyit yu ga ai; kadai hpe mung n shabyak ga ai; kadai hpe mung hkalem hkalau sha ga ai n rai.

GALATI 3:2

Dai Wenyi hpe gaw jep ai tara a magam bungli hte nanhte lu la myit dai rai kun? shing n rai, dai makam masham a lam na la ai majaw rai kun? dai lam langai sha nanhte a n-gup na ngai chye la ma yu nngai.

GALATI 3:5

Dai hta n-ga, nanhte hpe dai Wenyi shun di ya nna, nanhte a ka-ang e lamik kumla galaw ai wa gaw, jep ai tara a magam bungli hte, shing n rai, dai makam masham a lam na la ai majaw, shabyin lu ai rai kun?

GALATI 5:22

Wenyi a asi chyawm gaw tsawra ai, kabu gara ai, ngwipyaw ai, myit galu kaba ai, matsan dum ai, mai kaja ai, kangka ai,

EHPESU 3:4

dai ka da ai ga hpe hti yu myit yang, Hkristu hte seng ai sung htum ai lam hta, nye a chye chyang ai nyan, nanhte dum jahkrup lu na myit dai:

EHPESU 4:2

Lam shagu hta myit nem ai hte lam shagu hta myit gyip nna, myit galu kaba ai hte, a hkawm nga mu:

EHPESU 4:32

Nanhte shada da mai kaja ai, matsan dum ai myit madun hkat nna, Karai Kasang gaw Hkristu hta e nanhte a mara raw dat kau ya manit dai hte maren, nanhte mung shada da a mara raw dat kau nga mu.

KOLOSE 1:27

Dai sung htum ai lam chyawm gaw, shi a chyoi pra ai ni hpe ya e shadan dan nu ai; ndai sung htum ai lam a hpung shingkang ngu ai sutgan gaw, maigan masha ni hta hpa rai nga ai gaw, shanhte hpe shadan dan u ga, Karai Kasang gaw ra nga ai: dai gaw, Hkristu gaw nanhte hta e nga ai hpe, hpung shingkang myit mada ai lam ngu ai, rai nga ai.

KOLOSE 2:3

Hkristu hta e chyawm gaw hpaji byeng-ya hte chye chyang ai lam ngu ai sutgan yawng mayawng kyem da nga ai.

KOLOSE 3:12

Dai re ai majaw, Karai Kasang a lata la ai ni hte, chyoi pra nna tsawra hkrum ai ni zawn, matsan dum ai, sumnung ai, mai kaja ai, myit nem ai, myit gyip ai hte myit galu kaba ai dagraw nga nna,

1 HTESALONI 2:10

Kamsham nga ai ni nanhte a man e, anhte kaning rai chyoi pra ai hte dinghpring nna mara n kap ai rai nga ga ai hpe, nanhte mung, Karai Kasang mung, sakse rai nga myit dai.

1 TIMOHTI 4:12

Na a brang ram prat e, nang hpe kadai mung n shatan u ga: tsun ai ga hte mung, arawn alai hte mung, tsawra ai hte mung, kamsham nna chyoi pra ai hte mung, kamsham ai ni a matu mara, kasi kamang tai nga u.

1 TIMOHTI 5:2

hpawmi ni hpe kanu zawn, mahkawn ni hpe kajan zawn, san seng ai myit ting hte shadum jahprang nga u.

2 TIMOHTI 3:10

Nang mahtang gaw, nye a sharin shaga ai lam, nye a lai len, maw mawn ai hku, kamsham ai lam, myit galu kaba ai, tsawra ai, shakut sharang ai,

2 TIMOHTI 4:2

dai mungga hpe hkaw dan nga u; du hkra ladaw ang ai rai timung, n ang ai rai timung, a shaja nga u; myit galu kaba ai hte, sharin shaga ai hku yawng hkan let, daru jet nga u, yubak madun nga u, shadut jahkat nga u.

TITU 2:7

lam shagu hta kaja reng ai magam bungli a ningli nang hkum nan madun dan u:

YAKU 3:17

Ntsa de na hpaji byeng-ya chyawm gaw, shawng npawt e san seng ai rai nga ai; dai hpang e, htingrai htingrat chye ai, sumnung ai, shingdi ai, matsan dum ai hte kaja ai asi hte hpring nga ai, gale galau n re ai hte hpyi hpun n chye ai hpaji byeng-ya rai nga ai.

1 PETRU 1:12

Kaning rai nme law, ndai shanhte daw ai amu hte gaw, tinang a matu n re ai sha, nanhte a matu rai nga ai hte, sumsing lamu de na shangun dat ai Chyoi pra ai Wenyi a ahkang hte, kabu gara ai shiga, nanhte hpe hkaw dan ai ni, ya nanhte hpe gawn dan lu na amu rai nga ai gaw, shanhte hpe mung madun dan manu ai: dai amu hte hta lamu kasa ni mung, azi yu mayu nga ma ai.

1 PETRU 1:22

Dai dingman ai ga hpe madat mara nga let, nanhte kahpu kanau ni hpe gaja wa teng teng, tsawra lu ai du hkra, nanhte a myit masin hpe san seng kau lu myit dai majaw, nanhte a myit ting hte shada da tsawra nga mu;

1 YAWHAN 3:18

Shu sha ni e, ga hte shinglet hte sha n rai, amu bungli hte, tengman ai ga hte, anhte tsawra nga ga.

TARA AGYI 16:15

Dai re ai majaw numsha gaw shi hpe, “Ngai nang hpe tsawra ai, nga nna myit n lawm ai, hpa rai tsun n ta? Ya masum lang nang ngai hpe shatu nna, na n-gun kaba hpa hta madung ai, n tsun dan ndai,” ngu wu ai.