2 KORINHTU 6:5 - Jinghpaw Hanson Version Bible

⁵ anu kayat hkrum ai hta, htawng bang ai hta, kabrawng kabrang hkrum ai hta, bungli gun hpai ai hta, a maja nga ai hta, kawsi hpang gara ai hta,

Jinghpaw Common Language Bible 2009

⁵ Anhte gaw anu kayat ai, htawng bang ai, shawa masha ni kabring kabrawng re ai hkrum ai, bungli galaw ai hta hkring sa ten n lu nna yup n lu sha ai, lusha n lu sha ai lam ni hkrum ga ai.

2 KORINHTU 6:5 ပူးပေါင်းရင်းမြစ်များ

1 HKAWHKAM 22:27

Hkawhkam wa ning nga ai: Ngai ngwipyaw ai hte bai wa ai du hkra, ndai wa hpe htawng hta rawng da nna, matsan mayan di jaw lu jaw sha mu, ngu mu,” ngu wu ai.

2 HKAWHKAM LABAU 16:10

Dai ga majaw Asa gaw myihtoi wa hpe masin pawt nna, htawng hta e rawng da wu ai: shi gaw dai lam majaw shi hpe n-yun bu nna, dai aten e, mung masha nkau mi hpe mung sharu shatsang mu ai.

ESAIA 53:5

Rai timung, shi gaw anhte a tara tawt lai ai a jaw e hkala nba hkrum nna, anhte shut hpyit ai a majaw ahpye a lam hkrum sha nga ai: anhte ngwipyaw nga lu hkra, shi ari ahpri hkrum sha nga ai; shi a nma majaw, anhte mai tsai lu ga ai.

YEREMIA 33:1

Dai hta kaga, Yeremia gaw htawng wang kata e bawng naw dung nga yang, Yehowa a mungga lahkawng lang ngu na shi kaw du nna, Ndai amu galaw ai Yehowa, ndai lam shabyin nna shagrin da ai Yehowa, Yehowa mying ai wa gaw ning nga ai:

YEREMIA 38:6

Shaloi shanhte gaw Yeremia hpe woi la nna, sin langa ni a wang kata na, hkawhkam kasha Malhkia nhkun hta, sumri hte gyit nhtawm, shayu dat mu ai. Dai nhkun hta hka n rawng ai, hkumpup hkrai rai nga nna, Yeremia gaw hkumpup hta chyat galwi nga ai.

MAHTE 14:10

shaloi shi shangun nna, htawng hta e Yawhan a du hpe htau dut wu ai.

MAHTE 14:3

Herod mahtang, shi kanau Hpilip a madu jan Herodia majaw, Yawhan hpe rim gyit la nna, htawng hta e bang da nu ai.

MAHTE 9:15

Yesu gaw, “La nnan wa gaw, hkungran ai gawk hte seng ai ma ni hte rau naw nga yang, shanhte yawn hkyen hkrum na ma hka? Rai timung? la nnan wa hpe shanhte kaw na jahka mat wa na nhtoi du na ra ai; dai shaloi shanhte lusha gam na mara ai.

KASA 13:3

Dai hte maren shanhte gaw lusha gam let, akyu hpyi nna, shan a ntsa e lata mara jaw ngut jang, shan hpe dat mu ai.

KASA 14:19

Dai hpang, Antioki hte Ikoni mare hkan na Yuda masha ni sa du nna, shawa hpawng hpe woi awn nhtawm, Pawlu hpe nlung hte kabai nna, shi hpe si mat sai zawn nawn ai majaw, mare shinggan de karawt shapraw kau mu ai.

KASA 14:23

Hpung shagu hta, hpung up salang lata la nna, lusha gam let akyu hpyi ngut jang, shanhte kamsham nga ai Madu a lata hta, ap ya da mu ai.

KASA 17:5

Yuda masha ni chyawm gaw myit manawn nna, pagawn para re ai masha ni hta na n hkru ai masha nkau mi hpe saw la nhtawm, masha jahpawng tawn nna, mare ting hpe kabrawng shangun mu ai; shing rai, Yasun a nta hpe adip nna, shawa masha ni hpang de shan hpe shapraw ya na hku, tam ma ai,

KASA 20:31

Dai re ai majaw, ngai nanhte mahkra hpe masum ning tup shani shana n sim n sa myi prwi hte shadum jahprang da ai hpe, dum nna a maja nga mu.

KASA 23:10

Shing rai nau wa dangrang hkat wa jang, shanhte Pawlu hpe ashep ashin di kau na, hpyen du kaba tsang ai majaw, shanhte kaw yu wa nna, Pawlu hpe dai ni a ka-ang na kare la nhtawm, hpyen wang de jashawn la na, hpyen ma ni hpe hkang dat mu ai.

KASA 23:35

Munggyi wa gaw, “Nang hpe mara shagun ai ni du jang she, na amu ngai sagawn yu na nngai,” nga nna tsun nhtawm, Pawlu hpe Herod a htingnu hta rawng da na, hkang dat wu ai.

KASA 24:27

Shing rai ni ning ladu hkrum jang, Hpilik a aya hta Porku Hpestu galai ai rai nna, Hpilik gaw Yuda masha ni a myi man shapa mayu ai majaw, Pawlu hpe sharen da let naw tawn da wu ai.

KASA 26:10

Gaja wa dai hku Yerusalem mare e galaw yu se ai, hkinjawng agyi ni kaw na ahkang lu la nna, chyoi pra ai ni hpe htawng e bang kau ai hte, shanhte hpe sat kau yang, ngai mung awlaw lawm ni ai.

KASA 26:29

Bai Pawlu gaw, “Karai Kasang hkraw yang gaw, madu nang sha n rai, dai ni ngai tsun ai ga na mana ni nlang, ga hkaw loi sha hte rai timung, law law hte rai timung, ndai gyit hkang ai hpe n ngu ai sha, ngai zawn re ai hkrai rai na, ngai ra nga nngai,” ngu wu ai.

KASA 28:30

Dai kaw nna Pawlu gaw ni ning tup shi shap rawng ai nta hta nga nga let, shi kaw sa masa ni hpe hkap la nna,

KASA 5:18

kasa ni hpe rim la nna, mare na htawng hta rawng da mu ai.

1 KORINHTU 15:10

Rai timung, ngai rai nga nngai hte maren, Karai Kasang a chyeju majaw ngai rai nga nngai; ngai hkam la ai shi a chyeju gaw, ngai hta e kaman lila n rai nga ai sha, shanhte nlang hte hta ngai grau nna bungli gun hpai nngai; dai gaw ngai n rai, ngai hte rau anga nga ai Karai Kasang a chyeju sha rai nga ai.

1 KORINHTU 4:11

Ya ten du hkra anhte kawsi hpang gara, singgu krin, adup adep hkrum nna, nga shara garen nga ai hte,

1 KORINHTU 7:5

Nanhte myit hkrum nna, akyu hpyi shin shang aten ladaw da na matu sha n rai yang gaw, shada da hkum koi gam myit: nanhte n sharang lu ai a majaw, Satan e gunglau ai n hkrum myit ga, dai ladaw lai yang, rau bai nga mu.

2 KORINHTU 11:27

amu bungli hte kyin dut ai hta, law law lang yup n lusha ai hta, kawsi ai hte hpang gara ai hta, law law lang lusha gam ai hta, kashung ai hte shinggu krin re ai, tsin-yam, a hkrum nga nngai.

EHPESU 3:1

Ndai lam a majaw, nanhte maigan masha ni a matu mara, Hkristu Yesu a lam bawng dung ai wa, ngai Pawlu gaw;

TARA JAHPRANG 25:3

Mali shi lang tup shi hpe kayat na mai nga ai; rai timung, dai hpe lai lu na n rai: dai hta lai nna law wa kayat yang gaw, na a hpunau wa hpe na a man e nau wa n jahpu ai hku tai na lit dai.

HPILIPI 1:13

Dai htingnu na sin langa ting hte kaga, mahkra ni a man e, Hkristu a jaw e ngai bawng dung ai lam, dan leng wa sai:

1 HTESALONI 2:9

Dai hta kaga, hpunau ni e, anhte a amu bungli hte atsu atsam hpe nanhte naw dum nga myit dai: nanhte hta langai mi hpe mung lit n shagun u ga, shani shana bungli galaw let, Karai Kasang a kabu gara shiga anhte nanhte hpe hkaw dan ga ai.

1 TIMOHTI 4:10

dai rai nna, shinggyim masha mahkra hte kamsham ai ni hpe grau nna hkye hkrang la ai Madu rai nga ai, ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw nna a shaja nga ga ai.

2 TIMOHTI 1:8

Dai rai nna, anhte a Madu a sakse hkam ai lam hta mung, shi a bawng dung ai wa nye a lam hta mung, nang kaya ai myit n rawng ai sha, Karai Kasang a n-gun lagaw rawng ai hte maren, dai kabu gara shiga matu mara ru tsang ai rau hkrum nga ga:

2 TIMOHTI 2:9

Dai kabu gara shiga a jaw e, n hkru ai wa zawn, bawng dung hkra ru tsang hkrum nngai, rai timung, Karai Kasang a mungga gaw sharen da hkrum lu ai n rai.

2 TIMOHTI 4:5

Nang chyawm gaw, lam shagu hta htauli htaula nga u; nni nkri hkam sharang nga u; kabu gara shiga hkaw dan ai sara a amu gun hpai nga u; na a sara aya a amu hpe hkum tsup hkra shatup u.

HEBRE 11:36

Bai kaga nkau mi gaw, asawng asang, anu kayat re ai hta n-ga, gyit hkang sharen ai hte htawng hta bang da ai di nna chyam yu dinglik ai hkrum ma ai:

HEBRE 13:17

Nanhte a lam woi ningshawng ni a ga madat mara nna, shanhte a npu e taw nga mu: kaning rai nme law, shanhte gaw jahpan dan na ni rai ma ai rai nna, nanhte a myit masin a matu mara a maja nga ma ai: jahpan dan ai shaloi e, nanhte a matu akyu n shabyin lu ai yawn madai ai hte n rai, kabu gara ai myit hte dan lu mu ga, shanhte a npu e taw nga mu.

HEBRE 13:23

Anhte a hpunau Timohti gaw raw dat hkrum sai hpe, chye nga manu; shi alawan du yang gaw, ngai shi hte rau sa nna, nanhte hte hkrum na ring ngai.

SHINGRAN 2:10

Nang hkrum magang ra ai nni nkri hpe hkum hkrit et; yu u, nanhte hpe chyam yu na, Nat gaw nanhte hta na nkau mi hpe htawng hta sharen da nna, nanhte n htoi shi ya tup zingri zingrat ai hkrum na marin dai. Si hkra maju jung nga u, shaloi ngai nang hpe asak janmau jaw na de ai.