2 KORINHTU 6:2 - Jinghpaw Hanson Version Bible

² Kaning rai nme law, Ang wa ai aten e ngai na a ga madat ya de ai, Hkye hkrang la ai nhtoi e ngai nang hpe karum de ai, nga nna shi tsun nga ai; yu mu, ya e pyi mai ang ai aten rai nga ai; yu mu, ya e pyi hkye hkrang la ai nhtoi rai nga ai.

Jinghpaw Common Language Bible 2009

² Madat mu, Karai Kasang gaw, “Ngai nanhte hpe chyeju jaw na aten du ai shaloi, nanhte a hpyi nem ai ga hpe ngai madat ya made ai; ngai nanhte hpe hkye hkrang la na ninghtoi du ai shaloi, nanhte hpe ngai karum made ai,” nga nna shi tsun nga ai. Karai Kasang a chyeju hkam la na ya e pyi mai ang ai aten rai nga ai; yu mu, ya e pyi hkye hkrang la ai nhtoi rai nga ai.

2 KORINHTU 6:2 ပူးပေါင်းရင်းမြစ်များ

SHAKAWN KUNGDAWN 69:13

Ngai chyawm gaw, Yehowa e, Kaja ai ladaw e, nang hpe akyu hpyi nga nngai; Karai Kasang e, na a chyeju kaba nga ai majaw, Hkye hkrang la lu ai sadi sahka ga hte, ngai hpe htan ya e.

ESAIA 49:8

Yehowa ning nga ai: “Ang wa ai aten e ngai na a ga htan ya de ai, hkye hkrang la ai nhtoi e ngai nang hpe karum de ai; ngai nang hpe makawp maga nna, dai mung hpe bai shagrin da na hte, katsi katsang re ai shara ni hpe bai madu na matu, mung masha ni a ga shaka nang hpe shatai na de ai:

ESAIA 61:2

Yehowa sharawng awng ai shaning hte, anhte a Karai Kasang matai dawp ai shani hpe, hkaw dan na matu mung, yawn hkyen hkrum ai ni hpe shalan shabran na matu mung,

EZEKELA 16:8

Ya dai hku ngai lai nna, nang hpe mada yu yang, yu u, nang hkawn ram prat du ai majaw, ngai gaw nye a palawng galu hpyan nna, na a singgu krin hpe magap nngai; shaloi ngai na a matu dagam nna, ga shaka tawn da ai hte, nang nye a num tai ndai,” nga nna Madu Yehowa tsun ai.

LUKA 18:37

Shaloi hkan nang ai ni gaw, “Nazaret mare na Yesu lai sa wa nga ai,” ngu nna shi hpe tsun dan mu ai.

LUKA 4:19

Madu a sharawng awng ai shaning hkaw tsun dan na matu mung, shi ngai hpe shangun dat ni ai,” nga ai.

HEBRE 3:13

yubak e hkalem hkalau kau ai hte nanhte hta na langai mi muk myit n shaja malit ga, Dai ni, ngu nna, naw tsun lu ai laman hte made hta, shani shagu shada da shadum jahprang nga mu;

HEBRE 3:7

Dai re ai majaw, dai Chyoi pra ai Wenyi tsun ai hte maren, “Nanhte dai ni shi a nsen na myit yang gaw,

HEBRE 4:7

shawng de tsun ni ai hte maren, “Nanhte dai ni shi a nsen na myit yang gaw, Nanhte a myit masin hpe hkum shaja myit,” nga nna, aten dai hte wa na la sayang, Dawi a n-gup hte, Dai ni, ngu ai nhtoi hpe bai daw da wu ai.