2 KORINHTU 6:16 - Jinghpaw Hanson Version Bible

¹⁶ Karai Kasang a nawku ai htingnu gaw, gawngngu sumla ni hte rau kaning rai kahtep lu na a ta? Kaning rai nme law, Ngai shanhte a kata de shanu nga nna ginrun nga na hte, Shanhte a Karai Kasang ngai tai na nngai rai nna, Shanhte gaw nye a amyu tai na mara ai, nga nna Karai Kasang tsun dan nga ai hte maren, ahkrung nga ai Karai Kasang a nawku ai htingnu gaw, anhte rai nga ga ai.

Jinghpaw Common Language Bible 2009

¹⁶ Karai Kasang a nawku htingnu gaw gawng-ngu sumla ni hte kaning di nna myit hkrum lu na rai ta? Hpa majaw nga yang, anhte gaw ahkrung nga ai Karai Kasang a nawku htingnu ni rai nga ga ai! Karai Kasang shi nan, “Ngai gaw nye a amyu masha ni hta nye a nta shatai nna, shanhte hta shanu nga na nngai; Ngai shanhte a Karai Kasang tai nga na nngai rai nna, shanhte gaw nye a amyu masha ni tai na mara ai,” nga nna tsun ai.

2 KORINHTU 6:16 ပူးပေါင်းရင်းမြစ်များ

1 HKAWHKAM 18:21

Shaloi Elia gaw mung masha ni mahkra hpang de sit sa nna, “Nanhte gaw lam lahkawng a lapran e gade na hkra hpatwat hkawm nga na myit ta? Yehowa nan Karai Kasang rai nga yang, shi hpe hkan mu; Bala mahtang rai yang, shi hpe hkan mu,” ngu mu ai rai nna, mung masha ni gaw ga hkaw mi muk n htan mu ai.

SHAKAWN KUNGDAWN 90:1

Madu e, nang gaw ji woi ni a lakhtak kaw nna, Anhte a nga nga shara rai nga ndai.

PRU MAT 20:3

Ngai hta kaga Karai Kasang shaje hpe hkum naw hkum ku et.

PRU MAT 23:13

Ngai nanhte hpe tsun matsun mahkra hta sadi nga mu; hpara kaga a amying hkum tsun, hkum gang et; dai gaw na a n-gup na kadai mung nna u ga.

PRU MAT 25:8

Ngai shanhte hta shanu nga na matu, chyoi pra ai nta nye a matu shanhte galaw mu ga.

PRU MAT 29:45

Israela kashu kasha ni hta ngai rawng nga nna shanhte a Karai Kasang tai nga na nngai.

PRU MAT 34:14

Hpara shaje nang nawku lu na n rai: Nsu nnawn ngu ai Yehowa gaw, nsu nnawn myit rawng ai Karai Kasang rai nga ai:

YEREMIA 24:7

Ngai Yehowa rai nga ai hpe, shanhte chye lu na myit, ngai shanhte hpe jaw na nngai: shanhte gaw tinang myit masin mahkra hte, ngai hpang de kayin wa ai majaw, shanhte gaw nye a amyu, ngai gaw shanhte a Karai Kasang, tai na nngai.

YEREMIA 31:1

Yehowa ning nga ai; Ndai aten e ngai gaw, Israela dap ni mahkra a Karai Kasang tai nna, shanhte gaw nye a amyu tai na mara ai.

YEREMIA 31:33

Da ndai gaw, dai nhtoi ni a hpang e, Israela nta hte ngai shaka na ga shaka rai nga ai: Nye a tara hpe shanhte a kraw lawang hta ngai bang da nna, shanhte a myit hta ka da na we ai: ngai shanhte Karai Kasang tai na nngai; shanhte mung nye a amyu tai na mara ai:

YEREMIA 32:38

shanhte gaw nye a amyu, ngai gaw shanhte a Karai Kasang tai na nngai:

EZEKELA 11:20

shanhte gaw nye a matsun maroi ga hpe hkan nang nna, ngai hkang da ai ga hpe hkan galaw lu hkra, shanhte hkumhkrang na nlung salum hpe ngai shaw kau nna, shan salum bang ya na nngai: shing rai shanhte gaw nye a amyu tai nna, ngai gaw shanhte a Karai Kasang tai na nngai.

EZEKELA 36:25

Ngai nanhte a ntsa e san seng ai ntsin lapri nna, nanhte san seng na myit dai; nanhte hta kap ai agang chyalang yawng hte, nanhte a hpara sumla ni hta na ngai nanhte hpe jasan jaseng na nngai.

EZEKELA 36:28

Nanhte a nji nwa ni hpe ngai jaw da ai mungdan hta, nanhte shanu nga lu nna, nanhte gaw nye a amyu, ngai gaw nanhte a Karai Kasang, tai na nngai.

EZEKELA 43:7

Dai wa gaw, “Masha kasha e, ndai shara gaw, nye a tingnyang dung ai shara, nye a lagaw lahpan kabye shara rai nga ai; ndai yang e Israela kashu kasha ni a ka-ang e, htani htana ngai nga nga na nngai: Israela amyu masha ni hte, shanhte a hkawhkam ni gaw, tinang a shut hpyit ai hte mung, hkawhkam ni a si mang ni hte mung, tsaw ai kawng ni a ntsa e, nye a chyoi pra ai mying ningsang hpe htawm hpang de awu asin di kau lu na n rai:

EZEKELA 43:9

Ya chyawm gaw, tinang a shut hpyit ai amu hte, tinang a hkawhkam ni a si mang hpe, ngai kaw na shatsan kau mu ga: ngai mung shanhte a ka-ang e htani htana anga nga na nngai.”

HOSEA 14:8

Ehprim gaw, ‘Hpara sumla ni htawm hpang de, ngai hte hpa seng a ta?’ nga nna tsun na ra ai. Ngai shi a ga madat nna, shi hpe yu na nngai: ngai gaw tsit lali ai marau hpun zawn rai nga nngai; na a si, ngai kaw na pru na ra ai.

HOSEA 2:23

Dai aten e ngai madat na nngai: sumsing lamu a ga hpe ngai madat nna, dai hte gaw lamu ga hpe madat na mara ai;

JAW JAU 26:12

Nanhte hta ngai rau hkawm rau sa nna, nanhte a Karai Kasang tai na nngai; nanhte mung nye a amyu tai na marin dai.

ZEHPANI 1:5

sumsing lamu na zaw nawng zaw wa ni hpe, tinang a nta ntsa e nawku ai ni hpe mung, Yehowa hte Malhkam hpara hpe, rau nawku nna, dagam nga ai ni hpe mung;

ZEHKARIA 13:9

Ngai gaw dai htammi hpe wan ka-ang hku lai wa shangun nna, gumhpraw hpe jen ai hte maren, ngai shanhte hpe jen yu nna, aja hpe dinglik yu ai zawn, shanhte hpe dinglik yu na nngai; shaloi shanhte gaw nye a amying hpe shaga nna, ngai shanhte a ga madat na nngai; ngai gaw, ‘Ndai ni nye a amyu rai nga ai,’ nga nna tsun yang, shanhte gaw, ‘Yehowa anhte a Karai Kasang rai nga ai,’ nga nna yin la na mara ai.

ZEHKARIA 8:8

ngai shanhte hpe woi wa nna, shanhte gaw Yerusalem mare kata e shanu nga na mara ai; shing rai shanhte gaw nye a amyu tai nna, ngai gaw shanhte a tengman ai hte dinghpring ai Karai Kasang tai na nngai,” nga ai.

MAHTE 16:16

Simun Petru gaw htan nna, “Nang gaw Hkristu ngu ai ahkrung nga ai Karai Kasang a Kasha rai nga ndai,” ngu wu ai.

MAHTE 6:24

Kadai rai ting mung, madu lahkawng kaw chyang lu na n rai; shi langai mi hpe n dawng nna kaga hpe tsawra na wu ai; shing n rai langai mi hpe kasawt nna, kaga hpe n kaw n law di na wu ai; nanhte Karai Kasang hpe mung, mungkan a sutgan hpe mung, rau chyang lu na myit dai n rai.

LUKA 5:36

Ga shadawn hte mung shi shanhte hpe tsun mu ai gaw, “Palawng nnan hta na achyen gang je la nna, palawng dingsa hta kadai n kapa ga ai; shing di yang, palawng nnan hpe gang je kau nna palawng dingsa mung nnan hta na achyen hte n pre na ra ai.

YAWHAN 14:23

Yesu gaw, “Ngai e tsawra ai wa rai yang gaw, nye ga matsun hkan shatup na ra ai: nye Wa mung dai wa hpe tsawra na wu ai rai nna, an lahkawng gaw dai wa kaw sa nna shi hte rau hpawng de nga na ga ai.

YAWHAN 6:56

Nye a ashan sha nna, nye a asai lu ai wa gaw, ngai hta rawng nga ai; dai wa hta mung ngai rawng nga nngai.

ROMA 8:11

Dai hta kaga, si mat ai ni kaw na Yesu hpe hkrung sharawt la ai wa a Wenyi gaw, nanhte hta e rawng nga a yang gaw, si mat ai ni kaw na Hkristu Yesu hpe hkrung sharawt la ai wa gaw, nanhte hta e rawng nga ai shi a Wenyi a lata hte nanhte a si chye ai hkumhkrang ni hpe mung, jahkrung ya na marin dai.

ROMA 8:9

Nanhte hta e chyawm gaw Karai Kasang a Wenyi rawng nga myit yang gaw, nanhte hkum shan myit hta e n rai, Wenyi hta e nan rawng nga myit dai. Langai ngai gaw Hkristu a Wenyi n rawng yang dai wa shi hte n seng nga ai.

ROMA 9:26

Shing rai, “Nanhte nye a amyu n rai nga myit dai, nga nna shanhte hpe tsun dan ai shara, dai yang e pyi, Hkrung nga ai Karai Kasang a kasha ni ngu na marin dai,” nga ai.

1 KORINHTU 10:21

Dai Madu a gawm hte nat ni a gawm hpawn, nanhte lu lu na myit dai n rai; dai Madu a sha ku hte nat ni a sha ku hta rau nanhte shang sha lu na myit dai n rai.

1 KORINHTU 6:19

Dai hta n-ga, nanhte a hkumhkrang gaw, Karai kasang kaw na nanhte lu la ai hte, nanhte hta e rawng nga ai Chyoi pra ai Wenyi a htingnu rai nga ai, nanhte n chye nga myit ni? Nanhte gaw tinang hkum hpe pyi up lu ai n rai;

EHPESU 2:20

kasa ni hte myihtoi ni, gaw da ai wahpang npawt hta nanhte de kahtap myit dai; Hkristu Yesu nan dai hta e grau htum ai njut nlung rai nga ai;

EHPESU 2:22

Wenyi a jaw e Karai Kasang a rawng nga na wahpang tai myit ga, nanhte mung shi hta e jawm de nga myit dai.

EHPESU 3:17

Hkristu gaw nanhte a kraw lawang e makam masham hte shanu nga lu u ga, shi a n taw n tsang ai hpung shingkang hte maren, nanhte hpe chyeju gam jaw na hte,

TARA JAHPRANG 5:7

Ngai hta kaga Karai Kasang shaje hpe hkum naw hkum du et.

1 TIMOHTI 3:15

Karai Kasang a nta e kaning rai arawn alai hkan mai na nang chye lu n ga, ndai lam ngai nang hpe ka dat nngai; dai nta chyawm gaw, hkrung nga ai Karai Kasang a Hpung rai nga nna, tengman ai a sumsai dawnu hte npawt hkridun mung rai nga ai.

2 TIMOHTI 1:14

Nang hpe ap ya da ai aya kaja hpe, anhte hta rawng nga ai Chyoi pra ai Wenyi hte, a mahkyu nga u.

HEBRE 3:6

anhte mung, anhte a nden ja ai lam hte myit mada ai lam a gumrawng shara hpe, jahtum nhtoi du hkra ngang ngang manat nga ga yang gaw, dai nta nan rai nga ga ai.

HEBRE 8:10

Da ndai gaw, dai nhtoi ni a hpang e Israela a nta hte ngai shaka na ga shaka rai nga ai: Nye a tara hpe shanhte a myit hta ngai bang da nna, Shanhte a kraw lawang hta ka da na we ai; Ngai shanhte a Karai Kasang tai na we ai, Shanhte mung nye a amyu tai na mara ai;

YAKU 4:5

Dai hta kaga, anhte hta e bang rawng da ai Wenyi gaw, manawn masham du hkra myit marin nga ai kun? nga nna Chyum laika tsun ai gaw, kaman rai nga ai, nanhte nawn da mu ni?

1 PETRU 2:5

Nanhte mung ahkrung nga ai nlung hte zawn, wenyi hte seng ai nta hpe de nga manit dai rai nna, Yesu Hkristu a marang e, sharawng awng wa nna, wenyi hte seng ai hkungga Karai Kasang hpe jaw lu na matu, chyoi pra ai hkinjawng amyu tai wa manit dai.

1 YAWHAN 4:12

Karai Kasang hpe gadai muk, galoi e mung, n mada mu lu ai: anhte shada da tsawra nga ga yang gaw, Karai Kasang gaw anhte hta e rawng nga ai rai nna, shi a tsawra ai myit gaw, anhte hta e dik wa lu ga ai.

1 YAWHAN 4:15

Yesu Hkristu gaw Karai Kasang a Kasha rai nga ai, nga nna yin la ai wa kadai hta e rai timung, Karai Kasang anga nga ai rai nna, shi mung Karai Kasang hta e anga nga ai.

SHINGRAN 2:1

Ehpesu mare na Hpung a kasa hpe ning ngu ka dat u; Hkra lata hta dai shagan sanit lang da nna, aja pyengdin sanit ni a ka-ang e hkawm sa ai wa ning nga nga ai:

SHINGRAN 21:3

Bai, dai tingnyang kata na nsen kaba gaw, “Yu mu, Karai Kasang a sum gaw shinggyim masha ni hte rau rai nga ai rai nna, shi shanhte hte rau hpawng de nga na hte, shanhte gaw shi a amyu ni tai na mara ai: Karai Kasang gaw shi hkum nan shanhte hte rau nga nga nna, shanhte a Karai Kasang tai na ra ai:

SHINGRAN 21:7

Dang lu ai wa gaw ndai hte a Sali wunli hkam la lu na ra ai rai nna, ngai gaw shi a Karai Kasang tai na hte, shi gaw nye a kasha tai na ra ai.