2 KORINHTU 6:10 - Jinghpaw Hanson Version Bible

¹⁰ adup achyin hkrum ai ni zawn rai timung, n si n mat ai ni; yawn hkyen hkrum ai ni zawn rai timung, tutnawng e a kabu nga ai ni; matsan mayan re ai ni zawn rai timung, masha law law hpe shalu jasu chye ai ni; hpa n lu ai ni zawn rai timung, yawng mayawng hpe madu nga ai ni rai nga ga ai rai nna, Karai Kasang a bungli daw ai sara ni rai nga ga ai gaw, lam shagu hta anhte hkum marai dan nga ga ai.

Jinghpaw Common Language Bible 2009

¹⁰ Yawn hkyen hkrum ga ai rai ti mung, anhte tut nawng e akabu nga ga ai, matsan mayan re ai ni zawn rai ga ti mung, masha law law hpe shalu jasu saga ai. Hpa n lu ai ni zawn rai ga ti mung, anhte kaja wa yawng mayawng hpe madu ai ni rai nga ga ai.

2 KORINHTU 6:10 ပူးပေါင်းရင်းမြစ်များ

SHAKAWN KUNGDAWN 84:11

Yehowa Karai Kasang ajan hte n-gang rai nga ai, Yehowa gaw chyeju hte arawng sadang jaw lu ai; Dingman ai hku hkan ai ni hpe, shi kaja ai hpa mung ndang na n rai.

GA SHAGAWP 13:7

Langai ngai gaw sut mahkawng timung, hpa n lu nga ai; Langai ngai gaw gam jaw kau timung, sut kaba lu nga ai.

GA SHAGAWP 16:16

Aja lu la ai hta, hpaji lu la ai gaw, gade grau a hka! Gumhpraw hta hpaji lata la ai gaw, grau mai nga ai.

MAHTE 5:12

kabu nna pyaw pyaw rai nga mu; kaning rai nme law, sumsing lamu hta e nanhte a shabrai kaba nga malit dai: nanhte a shawng na myihtoi ni hpe mung shanhte dai hte maren zingri zingrat di kau manu ai.

MAHTE 5:4

Yawn hkyen hkrum ai ni gaw, a lu ma ai; kaning rai nme law, shanhte shalan shabran ai hkrum na mara ai.

LUKA 6:21

Ya kawsi nga ai ni, nanhte a lu myit dai: kaning rai nme law, nanhte hkru kat lu na marin dai. Ya hkrap nga ai ni, nanhte a lu myit dai: kaning rai nme law, nanhte mani na marin dai.

YAWHAN 16:22

Dai hte maren nanhte ya yawn hkyen nga myit dai: rai timung, nanhte hte ngai bai hkrum lu nna, nanhte a myit masin kabu gara na ra ai: dai nanhte a kabu gara ai hpe kadai kashun la ya lu na n rai.

KASA 16:25

Rai timung, yuptung hpawa e Pawlu yan Sila gaw akyu hpyi ai hte, Karai Kasang hpe mahkawn mangoi nga ma ai rai nna, bawng dung ai ni shan a ga madat nga ma ai.

KASA 3:6

Petru chyawm gaw, “Aja, gumhpraw gaw ngai n lu nngai, rai timung, ngai lu ai nang hpe jaw de ga: Nazaret wa Yesu Hkristu a amying ningsang hte rawt hkawm wa u,” nga nna tsun let,

KASA 5:41

Shanhte chyawm gaw, Amying ningsang de a majaw she, kaya hkrum na gaw, ging nga ga ai, nga nna myit la ai majaw, kabu gara ai myit hte dai salang hpawng na pru wa ma ai.

ROMA 11:12

Dai hta kaga shanhte a ahtu kataw ai gaw mungkan ga a sutgan, shanhte a sum mat ai gaw maigan amyu ni a sutgan tai wa a yang gaw, shanhte a hkum sumhpa gaw grau nna, akyu shabyin na n rai ni?

ROMA 12:15

Kabu gara re ai ni hte rau kabu gara nga mu; hkrap ngu hkrap ngoi re ai ni hte rau hkrap ngu hkrap ngoi nga mu.

ROMA 15:13

Ya, Chyoi pra ai Wenyi a n-gun atsam hte myit mada ai lam hta nanhte gumring gumrat rai wa myit ga, myit mada npawt rai nga ai Karai Kasang gaw, kamsham ai lam hta e, chyeju hte ngwipyaw ai amyu myu nanhte hpe jahpring shatsup ya myit ga law.

ROMA 8:32

Shi kasha lala hpe lahpawt lama n di ai sha, anhte mahkra a matu mara shi hpe ap ya ai wa gaw, shi hte nawng yawng mayawng anhte hpe jaw na, n rai ni?

ROMA 9:2

nye kraw lawang e yawn hkyen kaba hte tutnawng na atsu atsam ngai hkam nga nngai gaw, Chyoi pra ai Wenyi hta e nye a myit nsam gaw, ngai hte sakse hkam ya ai.

1 KORINHTU 1:5

lam yawng mayawng hta ang ai, n-gup atsam shagu hte, chye chyang ai lam shagu hta, nanhte shi hta hkum tsup nga manit dai majaw,

2 KORINHTU 2:4

Kaning rai nme law, tsin-yam tsindam, myit ru myit yak law law hte, myi prwi law law pru let ngai nanhte hpe ka dat made ai; nanhte hpe myit yawn shangun na n re ai sha, ngai nanhte hpe nachying naw tsawra nga ai hpe nanhte chye lu myit ga, ngai ka dat made ai.

2 KORINHTU 4:15

Kaning rai nme law, masha law law ni a gawp e chyeju gaw jat wa ai majaw, shakawn kungdawn ai ga gaw Karai Kasang a hpung shingkang matu mara law htam wa u ga, yawng mayawng gaw nanhte a matu mara rai nga ai.

2 KORINHTU 4:7

Rai timung, dai chyahtum chyalai re ai n-gun atsam gaw anhte kaw na n re ai sha, Karai Kasang kaw na pru nga u ga she, ndai sutgan gaw, ga dibu hta sha anhte rawng da gaw ai.

2 KORINHTU 8:9

kaning rai nme law, anhte a Madu Yesu Hkristu gaw sut su nga ai rai timung, nanhte a matu mara matsan mayan hkrum nna, shi a matsan mayan ai hta nanhte sut su lu na rai nga ai chyeju hpe, nanhte chye nga myit dai.

EHPESU 3:16

shi a Wenyi a jaw e nanhte a kraw kata na masha hpe, atsam hte shadaw shalan nna,

EHPESU 3:8

Rai sa, anhte a Madu Hkristu Yesu hta e shatawng da ai prat dingsa na bawng hkut ai hku hte maren, lamu lahta tang e nga ai du magam ni hte ahkang aya lu ai ni kaw, Karai Kasang a chyahtum chyalai re ai hpaji byeng-ya hpe, dai Hpung a lata hte, ya e shana dan u ga,

HPILIPI 2:17

Dai hta n-ga nanhte a makam masham a hkungga hte daw jau ai a ntsa e, ngai hpe dumhpung zawn ru jaw ma timung, ngai kabu nga nna, nanhte mahkra hte rau a kabu nga nngai.

HPILIPI 4:4

Dai Madu hta tutnawng e kabu gara nga mu; bai ngai tsun nngai, kabu gara nga mu.

KOLOSE 1:24

Ya chyawm gaw nanhte a matu mara ngai hkrum ai tsin-yam tsindam hta ngai kabu nga ai hte, dai Hpung ngu ai Hkristu a hkumhkrang a matu mara, shi a naw ngam nga ai nni nkri hpe nye a hkum shan hta e ngai jahkum shatsup nga nngai.

KOLOSE 3:16

Hkristu a mungga gaw hpaji byeng-ya amyu myu hte nanhte hta n taw n tsang ashanu nga u ga: shakawn kungdawn ga, mahkawn mangoi ga, Wenyi hte seng ai laka ga hte, chyeju hku hkan nna, nanhte shada da sharin shaga nna shadum jahprang nga let, nanhte a kraw lawang hta Karai Kasang hpe mahkawn mangoi nga mu.

1 HTESALONI 1:6

Nni nkri law law hkrum timung, Chyoi pra ai Wenyi a kabu gara ai hte dai mungga hpe hkap la let, nanhte gaw anhte a samnang ai ni mung, dai Madu a samnang ai ni mung, tai nga manit dai rai nna,

1 HTESALONI 5:16

Tutnawng e kabu gara nga mu:

1 TIMOHTI 4:8

kaning rai nme law, hkumhkrang hpe jahpan ai lam gaw akyu loi sha mi nga ai rai timung, tara hkungga ai myit gaw lam shagu hta akyu nga ai rai nna, ndai aprat hte rai timung, htawm hpang na prat hte rai timung, seng ai ga ndat rawng nga ai.

1 TIMOHTI 6:18

shanhte mai kaja ai galaw nga na, mai kaja ai bungli hta sut su let, karan kachyan jaw ai hte, jaw jahproi ai myit rawng nga nna,

HEBRE 10:34

Dai hta n-ga, bawng dung ai ni hpe mung nanhte matsan dum manit dai; nanhte a arung arai kashun kashe la ya ai hpe mung, nanhte kabu gara ai myit hte hkam mana kau nna, dai hta grau reng ai dinggrin anga nga ai arung arai nanhte lu nga ai gaw, gaja wa chye dum myit dai.

YAKU 2:5

Ngai tsawra ai hpunau ni e, madat mara la mu: kamsham ai sutgan hta lu su nna, Karai Kasang hpe tsawra ai ni a matu mara, ndat da ai mungdan a sali wunli hpe hkam la lu mu ga, Karai Kasang gaw mungkan ga na matsan mayan ni hpe lata la manu ai, n rai ni?

1 PETRU 4:13

Hkristu gaw shi a hpung shingkang hta paw pru ai shaloi, kabu gara ai kaba hte nanhte kabu gara wa lu myit ga, shi a nni nkri hkrum ai lam hta, nanhte lawm lu myit dai majaw, kabu gara nga mu.

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai timung, nang sut su nga ndai: Yuda masha ngu ai, rai timung, Yuda masha n teng ai sha, Satan a nawku jawng ngu ai ni a shatan nhkan ai hpe, ngai chye nga nngai.

SHINGRAN 21:7

Dang lu ai wa gaw ndai hte a Sali wunli hkam la lu na ra ai rai nna, ngai gaw shi a Karai Kasang tai na hte, shi gaw nye a kasha tai na ra ai.