2 KORINHTU 6:1 - Jinghpaw Hanson Version Bible

¹ Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

Jinghpaw Common Language Bible 2009

¹ Nanhte gaw Karai Kasang a chyeju hkam la ai ni rai nga myit dai hte maren dai chyeju hpe lahpawt lama n di kau myit ga, anhte Karai Kasang a shingdep shingtau ni hku nna nanhte hpe hpyi lajin dat ga ai.

2 KORINHTU 6:1 ပူးပေါင်းရင်းမြစ်များ

YEREMIA 8:8

“Dai rai yang, Anhte hpaji lu ga ai; Yehowa a tara anhte hta rai nga ai, nga nna nanhte kaning rai tsun lu na myit ni? gaja wa chyare ni a masu ai kanyit gaw, masu ai lam shapraw nga ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e!- u kanu gaw, u hkai ni hpe singkaw npu e jahpawng da ai zawn, na a nshu nsha ni hpe ngai gade lang jahpawng da mayu timung nanhte n hkraw nga myit dai.

KASA 11:23

Dai wa du nna, Karai Kasang a chyeju mu lu yang, kabu gara nga ai hte, shanhte dai Madu hta lashum shawt manoi manat nga na matu, nlang hte hpe shadum jahprang mu ai:

KASA 14:3

Dai majaw shan mung tsawmra na hkra dai yang nga nna, Madu hta hpa let nden ja ai myit hte hkaw dan mu ai rai nna, shi Madu mung, shan a lata hta lamik kumla hte mauhpa amu shabyin ya let, shi a chyeju mungga a lam, sakse hkam ya nga ai.

ROMA 12:1

Dai re ai majaw, hpunau ni e, nanhte a hkumhkrang hpe, hkrung nga ai, chyoi pra ai hte, Karai Kasang kaw sharawng awng ai hkungga matu nawng ya na, Karai Kasang a chyeju hte ngai nanhte hpe shadut shahkat dat made ai: dai gaw nanhte a myit masin a daw jau ai lam rai nga ai.

1 KORINHTU 3:9

Anhte chyawm gaw Karai Kasang a shingdep shingtau ni rai nga ga ai: nanhte gaw Karai Kasang a yi hkauna hte, Karai Kasang a wahpang htingnu, rai nga myit dai.

2 KORINHTU 10:1

Nanhte a man e myit grit ai hte, tsan gang nga yang nanhte a lam nden ja ai myit madun ai, ngai Pawlu nan, Hkristu a sumnung ai hte myit gyip ai hpe tau yu nna, nanhte hpe shadut jahkat dat made ai:

GALATI 2:21

Karai Kasang a chyeju hpe ngai gang kau nngai n rai: kaning rai nme law, dinghpring ai gaw jep ai tara hta lu la a yang gaw, Hkristu gaw kaman lila sha si hkam kau nu ai.”

GALATI 3:4

Ning san ai nni nkri hpe nanhte kaman sha hkam kau manu ni? gaja wa, dai gaw kaman lila mahkoi rai nga ai kun.

1 HTESALONI 3:5

Dai rai nna ngai naw n sharang nga lu nngai majaw, gunglau ai wa gaw nanhte hpe gunglau ai hte anhte a bungli kaman lila tai mat nhten, nga nna nanhte a makam masham hpe chye lu na, ngai shangun dat we ai.

TITU 2:11

Kaning rai nme law, a rawng ai myit mada ai lam ngu ai, galu kaba htum ai Karai Kasang hte anhte a hkye hkrang la ai Madu Hkristu Yesu a hpung shingkang a dan pru na lam a la nga let;

HEBRE 12:15

Nanhte hta na langai ngai, Karai Kasang a chyeju hkam la ai hta n yet mat myit ga mung, nanhte hpe sharu shatsang lu hkra, hka la ai ru tu pru nna, law malaw hpe awu asin di kau ai n hkrum myit ga mung,

HEBRE 12:25

Nanhte gaw dai mungga tsun dat ai wa hpe n ningdang kau myit ga, sadi nga mu; kaning rai nme law, ga ntsa na shadum jahprang ai wa hpe ndang kau ai ni yubak n lawt lu ma ai teng yang gaw, sumsing lamu de na shadum jahprang ai wa hpe nawng kau ai ni anhte gaw, dai hta grau nna n lawt lu na ga ai:

HEBRE 4:1

Dai re ai majaw, shi a ban sa ai de shang lu na, ga sadi naw nga nga dingsa, nanhte hta na langai ngai dai de hkoi n dep lu na hpe, anhte myit tsang nga ga.

1 PETRU 4:10

Langai hte langai chyeju kumhpa lu la ai hte maren, Karai Kasang a chyeju amyu myu hpe, kaja ai hpajau wa jau ai zawn, nanhte shada da dai hpe jau hkat nga mu.

1 SAMUELA 14:45

Mung masha ni mahtang, “Israela amyu matu nde wa hkye hkrang la ai chyeju shapraw ai wa, Yonahtan, si lu na rai ni? Dai gaw n rai u ga; Yehowa anga nga ai hte maren, shi a kara singgawng mi muk, ga n hkrat lu na re ai; kaning rai nme law, shi dai ni Karai Kasang hte rau, jawm shaja nu ai,” ngu mu ai. Shing di masha ni gaw, Yonahtan hpe, si ai kaw na hkrang la mu ai.