2 KORINHTU 5:6 - Jinghpaw Hanson Version Bible

⁶ Dai re ai majaw anhte galoi mung myit kaba nga ai hte ndai hkumhkrang hta naw shanu nga yang, dai Madu hte anhte tsan gang nga ga ai hpe, chye nga ga ai;

Jinghpaw Common Language Bible 2009

⁶ Dai re ai majaw anhte gaw galoi mung nden marai hte hpring nga ga ai. Ndai dinghta hkum hkrang nta hta sha naw anga nga dingsa gaw Karai Kasang a nta hte tsan gang nga ga ai.

2 KORINHTU 5:6 ပူးပေါင်းရင်းမြစ်များ

1 HKAWHKAM LABAU 29:15

anhte gaw ji wa ni mahkra zawn, na a man e tsasam masha hte malet nhprang manam hkrai rai nga ga ai: anhte a ga ntsa e nga ai nhtoi hte gaw, shingnip hte bung nna myit mada shara n nga ai.

SHAKAWN KUNGDAWN 119:19

Ga ntsa e, manam sha ngai rai nga nngai, Na a htet da ai ga, nye a man e, hkum makoi da u.

SHAKAWN KUNGDAWN 39:12

Yehowa e, ngai akyu hpyi ai ga madat mara ya e, Ngai hpyi jahtau ai ga na la ya e; Nang kaw ngai manam rai nga nngai hte, Ngai ji wa ni zawn kaga buga masha rai nga nngai majaw, Nye a myi prwi hpe atsin sha hkum yu nga et.

GA SHAGAWP 14:26

Yehowa hpe hkrit hkungga ai gaw, shamyet shanat shara kaba rai nga ai; Kasha ni mung shingbyi shingwung shara lu na mara ai.

ESAIA 30:15

Bai, Israela a Chyoi pra ai Wa Madu Yehowa gaw, “Nanhte myit kayin nna asim sha nga ai gaw, nanhte a hkye hkrang la ai lam rai nga ai; asim sha nga let kamsham ai hte nanhte n-gun lagaw lu la na myit dai; rai timung, dai lam nanhte n ra myit dai.

ESAIA 36:4

Shaloi Rabshake gaw shanhte hpe, Hezekia hpe ning ngu tsun mu: Galu kaba htum ai Asuri hkawhkam gaw ning nga ai: “Nang gaw hpa hta shamyet shanat nga n ta?

2 KORINHTU 5:1

Dinghta ga na nta ngu ai anhte a sum gaw run mat wa rai timung, lata hte n galaw ai nta, sumsing lamu e htani htana re ai Karai Kasang kaw na wahpang anhte lu nga ga ai gaw, anhte chye nga ga ai.

2 KORINHTU 5:8

gaja wa anhte myit kaba nga ga ai rai nna, dai hkumhkrang hta n shanu ai sha, dai Madu kaw shanu lu u ga anhte grau nna ra nga ga ai.

HEBRE 10:35

Dai re ai majaw, shabrai kaba hte hpu ging ai nanhte a nden ja ai myit hpe, hkum kau hkum tat myit.

HEBRE 11:13

Ndai ni nlang hte gaw, ga ndat hte seng ai sali wunli n hkam la lu ai hte, tsan kaw na dai hpe tau mu nna shaga gintan let, ndai ga ntsa e tsasam hte malet, nhprang manam sha tai nga ai hpe yin la nna, dai makam masham hta si wa masai.

HEBRE 13:14

Kaning rai nme law, ndai dinghta ga e dinggrin nga na mare, anhte n lu ga ai; htawm hpang du na ra ai mare hpe, anhte tam nga ga ai.

1 PETRU 5:1

Dai re ai majaw, Hkristu a nni nkri hkrum ai lam hta sakse tai nga ai hte paw pru magang ra ai hpung shingkang hta hkambum lu ai nanhte a kanawn salang, ngai gaw, nanhte hta lawm ai Hpung salang ni hpe shadum jahprang dat mawe ga;

SHINGRAN 1:9

Yesu a nni nkri hta mung, mungdan hta mung, hkam sharang ai hta mung nanhte a kanawn manang rai nga ai, nanhte a hpunau wa, ngai Yawhan gaw, Karai Kasang a mungga hte Yesu a sakse majaw, Patmu ngu ai zunlawng hta nga nga nngai.