2 KORINHTU 5:5 - Jinghpaw Hanson Version Bible

⁵ Dai chyeju nan lu la na anhte hpe shachyen ai wa gaw, Karai Kasang rai nga ai; shi gaw dai Wenyi a masat dingsat mung, anhte hpe jaw da ma ni ai.

Jinghpaw Common Language Bible 2009

⁵ Dai galai mat na lam hpe anhte a matu lajang ai wa chyawm gaw Karai Kasang rai nga ai. Shi gaw anhte hkam la na rai nga ai chyeju nlang hte a matu hkam dahka galaw ya ai hku nna shi anhte hpe wenyi jaw mani ai.

2 KORINHTU 5:5 ပူးပေါင်းရင်းမြစ်များ

ESAIA 29:23

Shi a kashu kasha ni gaw, ngai hpajang da ai amu hpe, shi a ka-ang e mu mada yang, shanhte gaw nye a mying hpe shagrau sha-a na mara ai: gaja wa Yaku a Chyoi pra ai Wa hpe hkungga lara nna, Israela a Karai Kasang hpe hkrit kamyin na mara ai.

ESAIA 60:21

Na a amyu masha ni gaw, hkum ting dinghpring ai ni, tai na mara ai; ngai gaw arawng sadang lu la na matu, shanhte gaw, ngai hkai da ai bawng, nye lata shabyin ai amu ngu ai mungdan hpe, prat dingsa madu na mara ai.

ESAIA 61:3

Ziun mare hta sharung shayawt ai ni hpe, wan dap a malai nampan shanghkawng, sharung shayawt ai a malai kabu gara ai namman, myit kaji ai a malai kabu gara ai hpun palawng jaw na matu mung, shi ngai hpe shangun dat nngai; shing rai, Yehowa gaw arawng sadang lu la na matu, shanhte gaw, shi hkai da ai dinghpring ai hpun ni ngu ai mying, mying na mara ai.

ROMA 8:23

Dai hta n-ga, Wenyi a chyeju nloi hpe hkam la sai ni anhte mung, anhte a kraw lawang hta e, anhte nan madai nga nna, anhte a hkumhkrang a htingrai htingrat ai lam ngu ai, kasha yin la na chyeju hpe, a la nga ga ai.

2 KORINHTU 1:22

shi gaw anhte hpe dazik shakap da nna, anhte a kraw lawang e Wenyi ngu ai masat dingsat jaw da ma ni ai.

2 KORINHTU 4:17

Kaning rai nme law, dandawng nga ai arai ni gaw ndai aprat na sha, n dan n dawng nga ai arai ni gaw htani htana na arai rai nga ai majaw, dandawng nga ai arai ni hpe anhte n tau yu ai sha, n dan n dawng ai arai ni hpe tau yu let,

EHPESU 2:10

Kaning rai nme law, anhte shi a magam bungli rai nga ga ai; mai kaja ai bungli shachyen na, Hkristu Yesu hta e hpan da ai ni gaw, anhte rai nga ga ai: dai mai kaja ai bungli hta anhte hkawm nga u ga, Karai Kasang gaw dai ni hpe shawng nnan e lajang tawn da mu ai.

EHPESU 4:30

Hkye hkrang la hkrum ai nhtoi du hkra, nanhte hpe dazik shakap ai Karai Kasang a Chyoi pra ai Wenyi hpe, myit hkum shayawn myit.

1 YAWHAN 3:24

Shi a hkang da ai ga hpe hkan shatup ai wa gaw, shi hta e anga nga ai rai nna, shi mung dai wa hta e anga nga ai: shi anhte hpe jaw da ai Wenyi a majaw, anhte hta e shi anga nga ai gaw, anhte chye nga ga ai.