2 KORINHTU 5:20 - Jinghpaw Hanson Version Bible

²⁰ Dai re ai majaw Karai Kasang gaw anhte a lata e shadum jahprang nga ai zawn, Hkristu a lam htinglet ya ai kasa ni anhte rai nga ga ai; Karai Kasang hte htinglu htinglai mu, ngu nna Hkristu a jaw e anhte hpyi nem ga ai.

Jinghpaw Common Language Bible 2009

²⁰ Dai rai nna anhte gaw Hkristu a lam htinglet ya ai kasa ni tai let, Karai Kasang shi nan anhte a n-gup aga hku nna nanhte hpe lajin nga ai. Nanhte gaw shi hpe hpyen ai ni tai nga ai kaw nna shi a jinghku ni tai wa mu ngu, Hkristu a malai anhte hpyi nem nga ga ai.

2 KORINHTU 5:20 ပူးပေါင်းရင်းမြစ်များ

2 HKAWHKAM 17:13

Rai timung Yehowa gaw, Nanhte a n hkru ai lam ni kaw na kayin wa mu; nanhte a nji nwa ni hpe ngai hkang da ai hte, nye a shangun ma myihtoi ni a n-gup hta nanhte kaw shagun dat ai tara yawng hte maren, ngai hkang da ai lam ni hte matsun maroi ga hpe hkan nang nga mu, ngu nna myihtoi shagu hte, myi san ai ni yawng a n-gup e, Israela amyu masha ni hte Yuda amyu masha ni hpe sakse hkam ya mu ai.

2 HKAWHKAM LABAU 36:15

Shanhte a kaji kawa ni a Karai Kasang Yehowa gaw, shi a amyu hpe mung, shi shanu nga ai shara hpe mung matsan dum nga ai majaw, jau jau rawt nna, lang mi hte lang mi shi a kasa ni hpe shanhte hpang de shangun dat timung,

NEHEMIA 9:29

Na a tara de shanhte kayin wa lu hkra, nang shanhte hpe shadum jahprang timung, shanhte gumrawng ai hku galaw nna, na a hkang da ai ga ni hpe n madat ma ai; asak jahkrung ya chye ai, na a matsun maroi ga ni hpe, shanhte tawt lai ai hte, myit magaw nna du ja nga let, hpa mung n madat ma ai.

YOBA 22:21

Shi hte hkau chyap nna, ngwipyaw nga u; shing rai yang, ngamu ngamai hkrum na ndai.

YOBA 33:23

Rai timung, masha wa hpe tengman ai lam madun dan na matu, lamu kasa hkying mun hta na htinglu htinglai ya ai wa langai mi, shi a makau e tsap nga ai, rai yang;

YOBA 33:6

Yu u, Karai Wa man e nang hte maren ngai rai nga nngai: Shi ngai hpe mung, ga kagam hta na shachyaw ni ai.

GA SHAGAWP 13:17

Tara n lang ai shangun ma gaw, tinang amu hpe hprai kau nga ai; Kangka re ai kasa chyawm gaw hkam kaja ai lam rai nga ai.

ESAIA 27:5

Shing n rai, shi nye a n-gun hta hpa nna, ngai hte jinghku hku u ga, rai sa, ngai hte jinghku hku u ga.

YEREMIA 38:20

Yeremia chyawm gaw, Shanhte nang hpe ap kau lu na n rai; ngai nang hpe htawn tsun ai Yehowa nsen hpe madat mara u: shing rai, nang lawt lu nna asak hkrung nga lu na ndai.

YEREMIA 44:4

Ngai chyawm gaw, jau jau rawt nna, nye a shangun ma myihtoi ni mahkra hpe nanhte hpang de shangun dat yang, Ngai n dawng n yawt ai, ndai matsat shabat amu ni hpe hkum galaw myit, ngu nna tsun timung,

MALAHKI 2:7

Kaning rai nme law, hkinjawng wa gaw, Zaw nawng zaw wa up ai Yehowa a kasa rai nga ai majaw, shi a nten ni chye chyang ai lam kyem da nna, masha ni gaw shi a n-gup hta na tara tam lu na mara ai.

LUKA 10:16

Nanhte a ga madat ai wa gaw, nye a ga madat ai mung, rai nga ai. nanhte hpe gang kau ai wa gaw, ngai hpe mung gang kau ai, rai nga ai: ngai hpe gang kau ai wa gaw, ngai hpe shangun dat ai wa hpe mung, gang kau ai rai nga ai,” ngu nna tsun dat mu ai.

LUKA 14:23

Shing nga jang madu gaw, ‘Lam nmaw ni hte sun nhpan hkan pru sa nna, nye a nta hpring wa u ga, shanhte hpe adip akrip woi bang rit:

YAWHAN 20:21

Bai Yesu gaw, “Nanhte ngwipyaw nga myit ga; nye Wa ngai hpe shangun dat nngai hte maren, ngai mung nanhte hpe shangun dat made ai,” ngu nna shanhte hpe tsun mu ai.

ROMA 5:10

Kaning rai nme law, anhte hpyen ni naw rai nga ga yang, shi a Kasha a si hkam ai a majaw, anhte Karai Kasang hte htinglu htinglai ai hkrum lu saga ai rai yang gaw, htinglu htinglai hkam la ngut jang, shi a asak sumdam hta e, anhte hkye hkrang la ai grau nna hkrum na ga ai.

2 KORINHTU 12:10

Dai rai nna Hkristu a jaw e hkam ai gawng kya ai, hkala nba ai, kyin dut ai, zingri zingrat ai hte nni nkri re ai hta ngai kabu nga nngai: kaning rai nme law, ngai gawng kya nga yang, n-gun atsam rawng nga nngai.

2 KORINHTU 3:6

ningnan ga shaka sara tai na shi anhte hpe shaging sharam ma ni ai; dai ga shaka gaw, laika hkum hta na n re ai sha, Wenyi hta na rai nga ai: kaning rai nme law, laika hkum gaw sat kau chye ai, Wenyi chyawm gaw jahkrung ya lu ai.

2 KORINHTU 5:11

Dai rai nna, dai Madu a hkrit kang hpa hpe chye ga ai majaw, anhte masha ni hpe madun shadik nga ga ai; Karai Kasang a man e chyawm gaw, anhte dan dan leng leng rai nga ga ai; nanhte a myit masin a man e mung, anhte dan leng nga ga ai, ngai nawn nga nngai.

2 KORINHTU 6:1

Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

EHPESU 6:20

ngai mai tsun ai hte maren n hkrit n kang ai sha tsun dan lu hkra, nye a n-gup hpaw ai shaloi, tsun dan lu na mung sumtu, ngai hpe jaw ya u ga, nye a matu mung akyu a hpyi nga mu.

KOLOSE 1:20

shi a wudang na hkaw ai asai hte mahku mara shatai let, shi a lata e yawng hte hpe shi hkum hte htinglu htinglai ya nga ai: rai sa, sumsing lamu e nga ai hte hpe rai timung, ginding aga e nga ai hte hpe rai timung, shi a lata hte htinglu htinglai ya nga ai.

1 HTESALONI 4:8

Dai rai nna, n kaw n law re ai wa kadai mung, masha hpe n rai, nanhte hta shi a Chyoi pra ai Wenyi jaw ya ai Karai Kasang hpe n kaw n law di da wu ai.