2 KORINHTU 5:19 - Jinghpaw Hanson Version Bible

¹⁹ Karai Kasang gaw Hkristu hta nga let, mungkan ga hpe shi hkum lala hte htinglu htinglai ya nga ai; shanhte a mara gaw shi shanhte hpe n shagun ya mu ai rai nna, dai htinglu htinglai ya ai mungga gaw anhte hta e tawn da ya ma ni ai.

Jinghpaw Common Language Bible 2009

¹⁹ Anhte hkaw tsun ai mungga gaw, Karai Kasang gaw Hkristu hta e masha yawng mayawng hpe shi a jinghku ni tai wa shangun ai lam hte seng ai mungga rai nga ai. Karai Kasang gaw masha a yubak mara ni hpe n matsing da ya ai hta n ga, shanhte hpe shi a jinghku ni tai wa hkra gara hku galaw sai lam tsun gawn dan ai mungga anhte hpe jaw da mani ai.

2 KORINHTU 5:19 ပူးပေါင်းရင်းမြစ်များ

ESAIA 43:25

Nye a chyeju majaw, na a tara tawt lai ai lam arut kau ai hte, na a yubak hpe n dum ai wa gaw, ngai nan rai nga nngai.

ESAIA 44:22

Ngai gaw na a tara tawt lai ai hpe htat ai sumwi zawn, na a yubak mara hpe saiwan zawn, jahkoi kau we ai: ngai hpang de wa rit; ngai nang hpe mawai la ni ai.

BU HKAWM 9:16

Tutnawng shing rai nga nna, sumwi gaw ka-up nga ai hte, shana e wan zawn htoi nga ai.

MAHTE 1:23

Shi gaw, “Yu u, dai hkawnsek gaw na-um nasin rai wa na rai nna, shadang sha shangai na ra ai, Shi a amying, Emanuela shamying ya na maru ai,” nga ai: de a ga lachyum, “Karai Kasang anhte hte rau rai nga ai,” nga ai re ai.

YAWHAN 14:20

Ngai gaw nye Wa hta nga nga nngai mung, nanhte ngai hta nga nga myit dai mung, ngai nanhte hta nga nga nngai mung, dai shani e nanhte chye lu na marin dai.

YAWHAN 17:23

nang ngai hpe shangun dat ndai hte nang ngai hpe tsawra ndai zawn, shanhte hpe mung tsawra nga ndai gaw, mungkan masha ni chye lu na matu mung, nang ngai e jaw ai hpung shingkang hpe, ngai shanhte hpe jaw da mase ai.

ROMA 11:15

Kaning rai nme law, shanhte hpe kau da ai lam, mungdan ga a htinglu htinglai ya ai lam tai wa a yang gaw, shanhte hpe bai hkap la ai lam gaw, si mat ai kaw na hkrung wa ai hte bung nga na n rai ni?

1 KORINHTU 13:5

n se n sa n galaw ai, tinang a akyu n tam ai, sin pawt la htet n nga ai, mara n tam nga ai,

KOLOSE 2:9

kaning rai nme law, Hkristu a gawng shingma hta Karai Wa a marai hkum sumhpa a shanu nga ai.

1 TIMOHTI 3:16

Karai Kasang hpe nawku hkungga ai lam a sung htum ai gaw, kaba la ai lam rai nga ai, nga nna ndang shara n nga ai: “Shi gaw hkum shan hta dan pru wa sai, Wenyi hta e dinghpring ai hkrum nu ai; Lamu kasa ni gaw shi hpe mu lu manu ai; Maigan ni kaw shi a lam hkaw dan manu ai; Mungkan ga gaw shi hpe kamsham masai, Hpung shingkang hta shalun ai shi hkrum nu ai.”

1 YAWHAN 4:10

Anhte gaw, Karai Kasang hpe tsawra nga ga ai n rai, shi hkum nan anhte hpe tsawra nga ai hte, anhte a yubak a matu mara gawng malai hkungga tai u ga, shi a Kasha hpe shangun dat ai lam gaw, tsawra ai lam madung rai nga ai.