2 KORINHTU 5:17 - Jinghpaw Hanson Version Bible

¹⁷ Hkristu hta e marai langai ngai rai nga ai teng yang gaw, shi gaw ningnan hpan da ai wa rai nga ai; dingsa hte gaw lai mat wa sai, yu mu, dai hte gaw ningnan tai wa sai.

Jinghpaw Common Language Bible 2009

¹⁷ Kadai rai ti mung Hkristu hte langai sha tai mat ai shaloi shi gaw masha ningnan tai wa sai, shawng na dingsa hte gaw lai mat wa sai, yu mu yawng mayawng ningnan tai wa sai.

2 KORINHTU 5:17 ပူးပေါင်းရင်းမြစ်များ

SHAKAWN KUNGDAWN 51:10

Karai Kasang e, ngai hta san seng ai myit hpan tawn da nna, Agrin nga na Wenyi, nye a kata e shabai bang ya e.

ESAIA 45:17

Israela chyawm gaw, Yehowa a jaw e htani htana hkye hkrang la ai lam hkrum na ra ai; nanhte gaw htani htana prat dingsa e kaya kahpa hte mak mat ai n hkrum na myit dai.

EZEKELA 11:19

Ngai shanhte hpe myit masin langai sha hte, nanhte a kraw e wenyi ningnan bang ya na nngai:

EZEKELA 18:31

Nanhte galaw yu ai tawt lai ai amu mahkra hpe kau da nna, myit ningnan hte wenyi ningnan hkam la mu: Israela dap e, hpa majaw si mayu myit ta?

EZEKELA 36:26

Myit masin ningnan ngai nanhte hpe jaw nna, nanhte a kraw lawang hta, wenyi ningnan bang ya na nngai: nanhte a hkumhkrang na nlung salum hpe ngai shaw kau nna, shan salum bang ya na nngai.

MAHTE 12:33

Dai hpun kaja nga ai hte, de a asi mung kaja nga ai, ngu mu: shing n rai, dai hpun n kaja nga ai hte, de a asi n kaja nga ai, ngu mu: kaning rai nme law, hpun hpe gaw tinang a asi hte chye ginhka lu ai.

MAHTE 24:35

Sumsing lamu hte ginding aga lai mat wa timung, nye a ga gaw n lai mat na li ai.

LUKA 5:38

Tsabyi nnan hpe shanhpyi ndum nnan hta bang na rai nga ai.

YAWHAN 14:20

Ngai gaw nye Wa hta nga nga nngai mung, nanhte ngai hta nga nga myit dai mung, ngai nanhte hta nga nga nngai mung, dai shani e nanhte chye lu na marin dai.

YAWHAN 15:2

Ngai hta asi n si ai lakung shagu hpe gaw, shi krum kau wu ai: asi si ai lakung shagu hpe chyawm gaw, asi grau si u ga nga, tsan kau ya wu ai.

YAWHAN 15:5

“Ngai gaw tsabyi ru madung rai nga nngai, nanhte gaw lakung lakying ni rai nga myit dai: ngai hta noi nga nna, ngai mung dai wa hta noi nga ai rai yang gaw, dai wa gaw asi law law si wa lu ai: kaning rai nme law, ngai hte hka jang, nanhte hpa mung n galaw lu myit dai.

YAWHAN 17:23

nang ngai hpe shangun dat ndai hte nang ngai hpe tsawra ndai zawn, shanhte hpe mung tsawra nga ndai gaw, mungkan masha ni chye lu na matu mung, nang ngai e jaw ai hpung shingkang hpe, ngai shanhte hpe jaw da mase ai.

YAWHAN 3:3

Yesu gaw, “Ngai nang hpe gaja wa teng teng tsun de ga, Ntsa de nna n shangai ai masha gaw, Karai Kasang a mungdan mu lu na n rai,” ngu nna shi hpe htan wu ai.

YAWHAN 3:5

Yesu gaw, “Ngai nang hpe gaja wa teng teng tsun de ga, Hka hte Wenyi e n shangai ai masha gaw, Karai Kasang a mungdan hta shang lu na n rai;

ROMA 16:10

Hkristu hta e jet rai nga ai Apele hpe shakram ya mi. Aristobulu a nta na ni hpe shakram ya mi.

ROMA 16:11

Nye a baw sang wa Herodion hpe shakram ya mi. Narkiso a nta na dai Madu hta de ai ni hpe shakram ya mi.

ROMA 16:3

Ngai hte rau Yesu Hkristu a amu shingtau ai Priska yan Akula hpe shakram ya mi;

ROMA 16:7

Nye a baw sang re ai, ngai hte rau htawng rawng yu ai Androniku yan Yuni hpe shakram ya mi: dai yan gaw kasa ni hta e arawng lu ma ai rai nna, nye a shawng e Hkristu hta e de lu ma ai.

ROMA 16:9

Anhte hte rau Hkristu a amu shingtau ai Orban hte, ngai tsawra ai Staku hpe shakram ya mi.

ROMA 7:6

Ya chyawm gaw, si mat hkrum ai hte anhte hpe sharen da ai baw hta na daw hka wa yang, jep ai tara kaw na shalawt dat ai anhte hkrum saga ai: dai rai nna, ga matsun dingsa hku n hkan ai sha, Wenyi a myit ningnan hte anhte daw jau nga ga ai.

ROMA 8:1

Dai re ai majaw ya gaw, Hkristu Yesu hta e nga ai ni a matu mara, dawdan shara n nga ai.

1 KORINHTU 1:30

Shi a jaw e Hkristu Yesu hta e nanhte rai la nga myit dai: shi gaw, anhte a matu mara, Karai Kasang kaw na, hpaji byeng-ya lam, dinghpring ai lam, shachyoi shapra ai lam hte htingrai htingrat ai lam, tai wa sai.

1 KORINHTU 13:11

Ngai ma kaji naw rai nga yang, ma ga ngai ga ai hte ma myit naw rawng nna, ma a myit mang ai hku naw taw nngai; ya ngai salang wa jang she, ma kaji a lam ngai shinggan kau nngai.

2 KORINHTU 12:2

Ya shi mali ning na wa sai, Hkristu hte seng ai wa langai mi hpe ngai chye nngai; dai wa gaw masum na sumsing lamu du hkra woi lung wa ai hkrum wu ai: shi gaw hkumhkrang lawm ai kun, ngai n chye nngai, n lawm ai kun, ngai n chye nngai, Karai Kasang sha chye nga ai.

2 KORINHTU 5:16

Dai re ai majaw, ya kaw nna anhte kadai hpe mung hkum shan ahpraw hpe tau yu yang, n chye nga ga ai; Hkristu a hkum shan ahpraw hpe pyi anhte chye lu saga ai rai timung, ya kaw nna dai zawn hpa n chye ga ai.

2 KORINHTU 5:19

Karai Kasang gaw Hkristu hta nga let, mungkan ga hpe shi hkum lala hte htinglu htinglai ya nga ai; shanhte a mara gaw shi shanhte hpe n shagun ya mu ai rai nna, dai htinglu htinglai ya ai mungga gaw anhte hta e tawn da ya ma ni ai.

2 KORINHTU 5:21

Shi hta e Karai Kasang a dinghpring ai ni anhte tai wa u ga, shi yubak n chye ai wa hpe, anhte a matu mara yubak shatai wu ai.

GALATI 3:28

Nanhte yawng mayawng gaw Hkristu hta e langai sha rai nga myit dai majaw, Yuda wa ngu na mi n nga, Heleni wa ngu na mi n nga; mayam ngu na mung n nga, shanglawt ngu na mung n nga; lasha, numsha ngu na mi mung n nga lu ai.

GALATI 5:6

Kaning rai nme law, Hkristu hta e matu gadoi hkam ai lam rai timung, matu gadoi n hkam ai lam rai timung, hpa akyu n nga ai rai nna, tsawra myit hte shachyen ai makam masham hkrai sha, akyu rawng nga ai.

GALATI 6:15

Kaning rai nme law, matu gadoi hkam ai lam rai timung, matu gadoi n hkam ai lam rai timung, hpa akyu n nga ai: hpan da ai hkum ningnan chyu sha, akyu rai nga ai.

EHPESU 2:10

Kaning rai nme law, anhte shi a magam bungli rai nga ga ai; mai kaja ai bungli shachyen na, Hkristu Yesu hta e hpan da ai ni gaw, anhte rai nga ga ai: dai mai kaja ai bungli hta anhte hkawm nga u ga, Karai Kasang gaw dai ni hpe shawng nnan e lajang tawn da mu ai.

EHPESU 2:15

dai n dawng n yawt lam ngu ai matsun maroi ga hta rawng nga nna, htet da ai ga hte seng ai jep ai tara hpe, shi a hkum shan hta e shi htawm kau nu ai; shing rai, dai amyu lahkawng gaw shi hta e masha ningnan langai sha hpan tawn da u ga, shi gaw ngwipyaw ai lam shatai wu ai:

HPILIPI 4:21

Hkristu Yesu hta e nga ai chyoi pra ai ni nlang hte hpe shakram dat mu. Ngai hte rau nga ai hpunau ni gaw nanhte hpe shakram dat ma ai.