2 KORINHTU 5:11 - Jinghpaw Hanson Version Bible

¹¹ Dai rai nna, dai Madu a hkrit kang hpa hpe chye ga ai majaw, anhte masha ni hpe madun shadik nga ga ai; Karai Kasang a man e chyawm gaw, anhte dan dan leng leng rai nga ga ai; nanhte a myit masin a man e mung, anhte dan leng nga ga ai, ngai nawn nga nngai.

Jinghpaw Common Language Bible 2009

¹¹ Anhte gaw dai Madu hpe hkrit kang ai ngu ai hpa rai nga ai hpe chye ga ai majaw kaga masha ni hpe lau la lu na matu shakut shaja ga ai. Karai Kasang anhte a lam akri akrai chye nga ai, nanhte mung nanhte a myit masin ni hta nye a lam atsawm sha chye nga myit dai ngu nna ngai myit mada nga nngai.

2 KORINHTU 5:11 ပူးပေါင်းရင်းမြစ်များ

NINGPAWT NINGHPANG 35:5

Shing rai shanhte htawt mat wa ma ai; grup yin na mare masha ni hta Karai Kasang a jahkrit shama ai nga nga ai majaw, shanhte Yaku a shadang sha ni hpe n hkan shachyut gwi mu ai.

YOBA 18:11

Hkrithpa gaw lam shagu hta shi hpe shinggrup nna, lahtin hprut hprut hkan shachyut na ra ai.

YOBA 31:23

Kaning rai nme law, Karai Wa shoihpa shoirang hpe ngai hkrit nna, shi daru magam man e hpa mung n galaw lu nngai.

YOBA 6:4

N-gun chyalai rawng ai wa a pala ni ngai hta jung nna, nye a wenyi gaw de a gung hpe chyup la nga ai: Karai Wa a hkrithpa ni, ngai hpe htim na, hkyen ma ai.

SHAKAWN KUNGDAWN 73:19

Ahkring sha shanhte hten mat wa ma hka! Tsin-yam kaba hte shanhte atsai awai hten mat masai.

SHAKAWN KUNGDAWN 76:7

Nang gaw hkrithpa Wa rai nga ndai: Nang masin pawt bu nga yang, Na a man e kadai tsap lu na rai nga a ta?

SHAKAWN KUNGDAWN 90:11

Na a ja la ai pawt sindawng ai hte, hkrit mai ai n-yun bu ai hpe, Kadai wa chye ya lu na rai nga a ta?

ESAIA 19:16

Dai shani e Egutu masha ni gaw num zawn tai nna, Zaw nawng zaw wa up ai Yehowa shanhte a ntsa e shada ai lata a majaw, shanhte hkrit kajawng nna gari mat na mara ai;

ESAIA 33:14

Yubak kap ai Ziun masha ni, hkrit nga ma ai; tara n hkungga ai ni, hkrit gari ma ai: Anhte hta na kadai wa hkru ai wan hta nga lu na ga ta? htani htana wan mang hta kadai shanu lu na ga ta?

NAHUM 1:6

Shi sindawng kahtet yang, kadai tsap nga lu na rai ta? shi masin pawt bu yang, kadai hkap ban lu na rai ta? shi a pawt bu kahtet ai gaw, wan zawn ru bun nga nna, shi a lata hte lunghkrung ni, agrawp mat ai hkrum nga ai.

MAHTE 10:28

Hkum tsawp hpe sha sat kau nna, myit masin hpe n sat kau lu ai ni hpe hkum hkrit mu: myit masin hte hpawn hkum tsawp hpe ngarai mung hta e jahten kau lu ai wa hpe grau nna hkrit nga mu.

MAHTE 25:46

Shaloi shanhte gaw n htum n wai ari de shang wa na mara ai; dinghpring ai ni mahtang n htum n wai asak de shang lu na mara ai,” ngu wu ai.

LUKA 12:5

Kadai hpe sha hkrit mai ai gaw, ngai nanhte hpe shadum made ga; Hkum tsawp hpe sat kau ngut jang, ngarai kata de jahkrat kau na ahkang lu ai wa hpe chyawm gaw, hkrit nga mu: rai sa, ngai nanhte hpe tsun made ai gaw, Dai wa hpe hkrit nga mu.

LUKA 16:31

Abraham gaw, ‘Mawshe hte myihtoi ni a ga shanhte n madat ma yang gaw, si ai ni hta na langai mi bai hkrung rawt wa rai timung, madat kam na ma ai n rai,’ ngu nna shi hpe htan wu ai,” ngu nna shanhte hpe tsun mu ai.

KASA 13:43

Tara jawng na bra mat wa jang, Yuda ni hte tara hkungga ai proselutu ni law law wa, Pawlu yan Barnaba kaw hkan nang ma ai rai nna, Karai Kasang a chyeju hta shanhte grin nga na matu, shanhte hpe shadum jahprang shaja mu ai.

KASA 18:13

“Ndai wa jep ai tara hte nhtan shai ai hku, Karai Kasang hpe nawku na nga, masha ni hpe woi gunglau nga ai,” ngu nna mara shagun mu ai.

KASA 18:4

Laban nhtoi shagu, tara jawng hta Yuda masha hpe mung, Heleni masha hpe mung, tsun hkat let awn da mu ai.

KASA 19:26

Rai timung ya gaw, Ehpesu mare hta sha nrai sa, Asi mung ting ganoi rai hkra, ndai Pawlu ngu ai wa e, masha lata hte shachyaw ai baw Karai Kasang n re ai, nga nna masha law law hpe gunglau ai hte myit shayit kau ya manu ai, nanhte nan mu nga chye nga myit dai.

KASA 26:26

Ndai lam hpe Hkawhkam wa nan chye da wu ai; shi a man e dingsa tsun ai mung, rai nga nngai: kaning rai nme law, ndai lam gaw njut nnaw e sha n byin re ai majaw, hkawhkam wa shi n chye ai mi n nga na re ai, ngu nna ngai kam nga nngai.

KASA 28:23

Ya shanhte shi hte hkrum chyai na nhtoi madat da nhtawm, shi manam nga ai nta de masha law law wa sa hpawng nga ma ai: shaloi shi gaw, jahpawt kaw nna shana de du hkra, Mawshe a tara hte myihtoi ni a ga hta hkan nna, Karai Kasang a mungdan lam sakse hkam ai hte, Yesu a lam shanhte hpe shapraw shadan dan mu ai.

2 KORINHTU 2:17

Ndai bungli shachyen na kadai wa ging ram nga a ta? Kaning rai nme law, Karai Kasang a mungga hpe pau chye ai masha law law ni zawn anhte n rai nga ai sha, san seng ai myit hte mung, Karai Kasang kaw nna mung, Karai Kasang a man e anhte Hkristu hta tsun nga ga ai.

2 KORINHTU 5:20

Dai re ai majaw Karai Kasang gaw anhte a lata e shadum jahprang nga ai zawn, Hkristu a lam htinglet ya ai kasa ni anhte rai nga ga ai; Karai Kasang hte htinglu htinglai mu, ngu nna Hkristu a jaw e anhte hpyi nem ga ai.

2 KORINHTU 6:1

Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

GALATI 1:10

Kaning rai nme law, ning nga tsun ai gaw, masha myi man pa na ngai ra nga nngai kun? shing n rai, Karai Kasang a myi man pa na ngai ra nga nngai kun? Masha ra ai hku hkan nang na ngai tam nga nngai kun? Masha ra ai hku ngai naw hkan nang nga yang gaw, Hkristu a ali ama ngai rai na nngai n rai.

EHPESU 5:21

Hkristu hpe hkrit kamyin ai hte nanhte shada da a npu e a taw nga mu.

HEBRE 10:31

Hkrung nga ai Karai Kasang a lata de hkrat wa ai lam gaw, nachying hkrithpa lam rai nga ai.

HEBRE 12:29

kaning rai nme law, anhte a Karai Kasang gaw, hkru wa ai wan rai nga ai.

YUDA 1:23

kaga nkau mi hpe wan hta na kare la mu ai zawn, hkye hkrang la mu; bai kaga nkau mi hpe, hkrit kang ai hte matsan dum nga mu; rai timung dai hkum shan hta na matsat shabat kap ai palawng hpe pyi, n dawng n yawt rai nga mu.

SHINGRAN 20:15

Asak laika hta amying n lawm ai wa kadai mung, dai wan nawng hta jahkrat bang kau ai hkrum nga ai.