2 KORINHTU 5:10 - Jinghpaw Hanson Version Bible

¹⁰ Kaning rai nme law, dai hkumhkrang hte kaja ai rai timung, n kaja ai rai timung, galaw saga ai hte maren, langai hte langai hkam la shajang mu ga, anhte nga manga Hkristu a tingnyang man e dawng pru na ra ga ai.

Jinghpaw Common Language Bible 2009

¹⁰ Hpa majaw nga yang, anhte nlang hte gaw tara daw dan ai hkrum na matu Hkristu a tingnyang man de dawng pru na rai ga ai. Dai shaloi e anhte langai hte langai gaw, ndai hkum hkrang nta e naw nga nga yang galaw hkawm sa kau sai kaja ai amu, n kaja ai amu a matu ang ai hte maren hkam la shajang na ga ai.

2 KORINHTU 5:10 ပူးပေါင်းရင်းမြစ်များ

NINGPAWT NINGHPANG 18:25

dinghpring ai ni hpe n shawp ai ni hte rau sat kau na hte, dinghpring ai ni hpe n shawp ai ni e zawn jahkrum na gaw nang hte tsan nga u ga; rai sa, dai gaw nang hte tsan nga u ga: ga ntsa ting a Tara agyi wa gaw dingman ai hku galaw na n rai ni?” Ngu nna tsun wu ai.

1 HKAWHKAM 8:32

nang gaw sumsing lamu hta e madat mara la nna, na a mayam ni hpe tara dara ya mu: shut ai wa hpe mara hte maren shi a baw ntsa e tai u; dinghpring ai wa hpe dat dat nna, shi dinghpring ai hte maren akyu jaw u law.”

1 HKAWHKAM 8:39

nang gaw sumsing lamu e nga ai, na shanu shara hta madat mara ya mi; nang masha myit masin hpe chye ya nga ai hte maren, yubak hpe raw dat kau ya nna, langai hte langai hte hpe amu bungli galaw ai hku hkan nna htang ya mu; nang chyu sha shinggyim masha ni a myit masin hpe chye ya nga ndai.

YOBA 34:11

Masha galaw ai hte maren, shi matai htang na ra ai; tinang lam hte maren, hkrum sha shangun na ra ai.

SHAKAWN KUNGDAWN 62:12

Madu e, nang kaw nna chyeju pru nga ai: Kaning rai nme law, tinang galaw ai hte maren, Nang langai hte langai hpe bai htang na ndai.

SHAKAWN KUNGDAWN 98:9

Kaning rai nme law, lamu ga hpe tara dara na shi du sa nna, Mungkan ga hpe dingman ai hte, amyu baw ni hpe malang ai hku hte, tara dara na ra ai.

HPAJI NINGLI 11:9

Shabrang wa e, na a brang ram prat e kabu gara nga u; brang ram aten e na a myit masin ngwipyaw nga nna, nang myit sharawng awng ai hte, na a myi madun ai de, hkan sa u; rai timung, dai lam yawng mayawng a matu, Karai Kasang nang hpe tara dara na ra ai, adum nga u.

HPAJI NINGLI 12:14

Kaning rai nme law, Karai Kasang gaw makoi magap da ai amu yawng mayawng hpe, kaja ai rai timung, n kaja ai rai timung, tara tingnyang hta dawdan na ra ai.

EZEKELA 18:30

Dai rai nna, Israela dap e, nanhte langai hte langai a arawn alai hte maren, ngai nanhte hpe jeyang na nngai,” nga nna Madu Yehowa tsun ai. “Kayin marit; nanhte a tawt lai ai lam mahkra hta na kayin marit: shing rai nanhte gaw, yubak mara majaw, ahtu kataw hkrum na n rai.

MAHTE 16:27

Kaning rai nme law, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe bai htang na ra ai.

KASA 10:42

Shi Madu nan mung, hkrung ai ni hte si sai ni a tara agyi tai na, Karai Kasang san da ai wa rai nga sai lam, mung masha ni hpe tsun dan let sakse hkam na matu shi anhte hpe hkang da ma ni ai.

KASA 17:31

kaning rai nme law, shi e san da sai wa a lata hte mungkan ga hpe dingman ai hku dawdan na nhtoi gaw, shi tawn da nu ai: dai wa hpe si ai ni kaw na shi hkrung sharawt la ai hte, dai san da ai lam hta, masha yawng a man e kam ram ai sakse tawn da nu ai,” ngu nna tsun nga ai.

ROMA 2:16

shing rai, nye a kabu gara shiga hte maren, Karai Kasang gaw Yesu Hkristu a lata hte, masha ni a n dan n leng ai lam hte hpe tara dara na nhtoi hta e rai na ra ai.

ROMA 6:19

Nanhte gawng shingma kya nga myit dai majaw, masha a hku hkan nna sha ngai tsun nngai: kaning rai nme law, n tara ai bungli galaw u ga, nanhte a daw shan ni hpe awu asin re ai hte n tara ai a mayam ni tai na, nanhte ap kau manit dai hte maren, chyoi pra ai lu la hkra, dinghpring ai a mayam ni tai na, nanhte a daw shan ni hpe ya e ap ya mu.

1 KORINHTU 4:5

Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.

2 KORINHTU 7:3

Nanhte hpe jeyang na ngai ning nga tsun nngai n rai; kaning rai nme law, rau si rau prawn lu hkra, nanhte nan anhte a kraw lawang e anga nga myit dai gaw, ngai shawng e tsun yu ni ai.

EHPESU 6:8

Mayam rai timung, shanglawt rai timung, mai kaja ai bungli hpa rai timung galaw a yang gaw, dai Madu gaw, langai hte langai hte hpe jaw htang na ru ai, chye nga mu.

HEBRE 9:27

Shinggyim masha ni mung, lang mi sha si wa nna, dai hpang e dawdan hkrum na ra ai zawn,

1 PETRU 4:5

rai timung, ahkrung nga ai ni hte si mat ai ni hpe dawdan na jin jin rai nga ai wa a man e, shanhte nan lala, jahpan gawn dan na maru ai.

SHINGRAN 2:23

Shi a kashu kasha ni hpe si lam hte ngai sat kau na we ai: shaloi, nhkyun hte kraw lawang hpe sawk yu ai wa ngai rai nga nngai gaw, Hpung ni yawng chye lu n mara ai: nanhte hta na langai hte langai hte hpe, tinang ni a amu hte maren ngai htang jaw na made ai.

SHINGRAN 22:12

Yu u, ngai alawan du na ring ngai; langai hte langai hpe tinang a amu hte maren bai htang jaw na, ging dan ai shabrai ngai lang da we ai.

1 SAMUELA 2:10

Yehowa hpe daw ai ni, agrawp kau ai hkrum na mu ai; shanhte a ntsa e mu shangoi dat na wu ai: Yehowa lamu ga htum hkra tara dara nna shi a hkawhkam wa hpe n-gun shaja na wu ai, Shi a Namman chya ai wa a nrung sharawt ya na wu ai,” nga nna shakawn wu ai.

1 SAMUELA 2:3

Grang dagat ai ga hkum tsun manit, Tinang n-gup na gumrawng ai gaw hkum shapraw manit: Yehowa chye ningchyang Karai rai nga ai, Amu lam magup hpe shen yu nga ai.