2 KORINHTU 4:6 - Jinghpaw Hanson Version Bible

⁶ Nsin hta na nhtoi htoi na ra ai, nga nna tsun ai Karai Kasang gaw, Hkristu a myi man kaw na Karai kasang a hpung shingkang a chye chyang ai nhtoi hpe shapraw ya lu u ga she, anhte a kraw lawang e jahtoi ya ma ni ai.

Jinghpaw Common Language Bible 2009

⁶ Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

2 KORINHTU 4:6 ပူးပေါင်းရင်းမြစ်များ

NINGPAWT NINGHPANG 1:3

Shaloi Karai Kasang gaw, “Ahtoi tai wa u ga,” ngu wu ai rai nna, ahtoi tai wa ai.

SHAKAWN KUNGDAWN 63:2

Na a atsam hte hpung shingkang mu lu n ga, Dai chyoi pra ai Nta hta e ngai nang hpe mada nga nngai.

SHAKAWN KUNGDAWN 74:16

Shani hpe mung, shana hpe mung nang madu nga ndai, Shata hkum hte ajan hpe mung, nang hpan da nit dai.

SHAKAWN KUNGDAWN 90:16

Na a magam amu, na a ali ama ni hpe, Na a hpung shingkang, shanhte a kashu kasha ni hpe, madun ya mu.

ESAIA 35:2

Dai gaw grai wa pu an nna, sharawng let kabu gara ai hte mahkawn mangoi na ra ai: Lebanon a arawng sadang, Hkarmela hte Sharun a hpung shingkang, lu la na ra ai: shanhte gaw Yehowa a arawng sadang, anhte a Karai Kasang a hpung shingkang, mu lu na mara ai.

ESAIA 40:5

Yehowa a hpung shingkang mung dan pru nna ahkrang ashan yawng dai hpe rau mu lu na mara ai,” nga nna Yehowa a n-gup tsun nga ai.

ESAIA 45:7

Ngai nan nhtoi hpe jahtoi nna, nsin hpe hpan da we ai; ngai nan ngwipyaw lam shatai nna, gumle gumlau lam shabyin nngai: ndai lam yawng mayawng hpe shabyin ai Yehowa gaw, ngai nan rai nga nngai.

ESAIA 60:2

Kaning rai nme law, yu u, gaw ginding aga hpe, htat ai nsin gaw amyu baw ni hpe, ka-up na ra ai; rai timung, na a ntsa e Yehowa paw pru nna, shi a hpung shingkang na a ntsa e dan hkung na ra ai.

LUKA 10:22

Nye wa gaw arai yawng mayawng ngai hpe ap ya ni ai: Kasha kadai re ai gaw, Wa hta kaga kadai mung n chye ai; Wa kadai re ai mung, Kasha wa hte dai Kasha e jahtoi ya mayu ai wa hta kaga, kadai mung n chye nga ai.

YAWHAN 1:14

Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.

YAWHAN 11:40

Yesu gaw, “Nang kam n yang gaw, Karai Kasang a hpung shingkang nang mu lu na rin dai, ngu nna ngai tsun sade ai, n rai ni?” ngu nna shi hpe tsun wu ai.

YAWHAN 12:41

Esaia gaw shi a hpung shingkang mu lu ai rai nna, shi a lam shing nga tsun ai rai nga ai.

KASA 26:18

shanhte a myi jahpaw na matu, ngai nang hpe shanhte hpang de shangun dat de ai rai nna, na a amyu a lata na mung, maigan masha ni a lata na mung, hkye hkrang la na de ai,’ nga nna ngai hpe tsun nngai.

1 KORINHTU 12:8

Kaning rai nme law, langai mi hpe, dai Wenyi a jaw e, hpaji mungga; kaga wa hpe dai Wenyi a jaw e chye chyang ai mungga;

2 KORINHTU 2:10

Kadai wa a mara nanhte raw dat myit yang gaw, ngai mung raw dat nngai: kaning rai nme law, ngai lama ma raw dat ni yang gaw, Satan gaw anhte hpe n dang kau u ga, nanhte a majaw, Hkristu a man e, ngai raw dat nngai;

2 KORINHTU 3:18

Anhte nlang hte chyawm gaw myi man a man magap kun di kau nna, dai Madu a hpung shingkang hpe jamna hta mada yu let, dai Madu ngu ai Wenyi a marang e, hpung shingkang htap mi hte htap mi lu la ai hte, shing re ai hkrang bung sumla hte nan galai mat mat rai nga ga ai.

2 KORINHTU 4:4

Karai Kasang a hkrang bung sumla ngu ai, Hkristu a hpung shingkang rawng ai kabu gara shiga a nhtoi gaw, n kam n sham ai ni hta n htoi tu u ga she, ndai mungkan ga na Hpara gaw, shanhte a myit mang ai hku shakyaw shamak kau ya manu ai.

EHPESU 1:17

Anhte a Madu Yesu Hkristu a Karai Kasang ngu ai, hpung shingkang a Kawa gaw, shi hkum nan hpe chye chyang lu mu ga, hpaji byeng-ya hte shingran shapraw ai Wenyi nanhte hpe jaw ya u ga hte;

EHPESU 1:18

shi shaga la ai a jaw e myit mada shara gaw gade wa kaba nga ai mung; n taw n tsang ai hpung shingkang rawng ai shi a sali wunli gaw chyoi pra ai ni hta e gade wa kaba nga ai mung; kamsham nga ai anhte hta e shi a nachying galu kaba htum ai atsam gaw, gade wa galu kaba nga ai mung,

EHPESU 5:8

kaning rai nme law, nanhte shawng e nsin mak rai nga myit timung, ya gaw dai Madu hta e, nhtoi rai nga myit dai.

HPILIPI 2:6

shi gaw Karai Kasang a ahpraw nsam hta pra nga timung, Karai Kasang hte maren rai nga na shingjawng kashun ai hku n nawn ai sha,

KOLOSE 1:15

Shi gaw myi e n mu lu ai Karai Kasang a hkrang bung sumla rai nga ai hte, hpan da ai arai yawng mayawng hta alat rai nga ai.

1 HTESALONI 2:12

kawa gaw tinang a kasha ni hpe di ai hte maren, langai hte langai hte hpe anhte shadum jahprang nna, shangwi shapyaw ai hte sakse hkam ya ai hpe, nanhte nan chye nga myit dai.

HEBRE 1:3

shi gaw Karai Kasang a hpung shingkang a ningchya hte, shi a gawng shing-yan a hkrang sumla rai nga ai rai nna, shi a mungga atsam hte yawng mayawng hte hpe bau sin da ai: yubak mara hpe jasan jaseng kau ngut jang, matsaw ningtsang na daru magam a hkra maga de shi dung nga ai rai nna,

HEBRE 6:4

Kaning rai nme law, jahtoi ya ai lang mi hkrum yu nna, sumsing lamu na chyeju kumhpa hpe chyim yu ai hte, dai Chyoi pra ai Wenyi hpe jawm hkam la nna,

1 PETRU 1:12

Kaning rai nme law, ndai shanhte daw ai amu hte gaw, tinang a matu n re ai sha, nanhte a matu rai nga ai hte, sumsing lamu de na shangun dat ai Chyoi pra ai Wenyi a ahkang hte, kabu gara ai shiga, nanhte hpe hkaw dan ai ni, ya nanhte hpe gawn dan lu na amu rai nga ai gaw, shanhte hpe mung madun dan manu ai: dai amu hte hta lamu kasa ni mung, azi yu mayu nga ma ai.

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.

2 PETRU 1:19

Dai rai nna, grau grin wa nga ai myihtoi ga mung, anhte lu sagaw ai; nanhte a myit masin hta e nhtoi leng wa nna, nhtoi gintawng pru wa ai ten du hkra, nsin sin ai shara de htoi tu nga ai pyengdin hpe zawn, dai myihtoi ga hpe nanhte a hkan nang nga na, mai kaja nga ai.