2 KORINHTU 4:4 - Jinghpaw Hanson Version Bible

⁴ Karai Kasang a hkrang bung sumla ngu ai, Hkristu a hpung shingkang rawng ai kabu gara shiga a nhtoi gaw, n kam n sham ai ni hta n htoi tu u ga she, ndai mungkan ga na Hpara gaw, shanhte a myit mang ai hku shakyaw shamak kau ya manu ai.

Jinghpaw Common Language Bible 2009

⁴ Ndai mungkan ga a n hkru n kaja ai karai wa ngu ai Nat Satan wa gaw shanhte a myit ni hpe ningsin hte ka-up shamak tawn kau ya manu ai majaw, shanhte n kam n sham ma ai. Shi gaw dai Karai Kasang a hkrang bung sumla nan rai nga ai. Hkristu a hpung shingkang a lam dai Kabu Gara Shiga kaw na pru ai nhtoi hpe n mu lu shangun mu ai.

2 KORINHTU 4:4 ပူးပေါင်းရင်းမြစ်များ

1 HKAWHKAM 22:22

Yehowa gaw, “Kaning di lau na wu ta?” ngu nna san wu yang, dai wenyi gaw, “Ngai pru nna, shi a myihtoi ni mahkra a n-gup hta masu ai wenyi tai na nngai, ngu nna htan wu ai. Yehoaw mung, Nang shi hpe lau lu na wu ai; dai hku sa galaw su,” ngu dat wu ai.

SHAKAWN KUNGDAWN 50:2

Tsawm htum ai Ziun bum kaw nna, Karai Kasang gaw htoi tu nga ai.

ESAIA 6:10

Shanhte gaw, tinang myi hte n mu lu na hte, na hte n na lu nna, myit hte n chye na lu mu ga she, myit n kayin nna, shamai shatsai ai n hkrum lu hkra, shanhte a myit masin hpe shamak kau ya nna, shanhte a na hpe lahpang kau ya ai hte, shanhte a myi hpe pat kau ya mu, nga ai.

MAHTE 13:22

Ju hpun hta gat ai nli a lam gaw, dai ga hpe na la timung, ndai prat na myit tsang ai hte hkalem kau ai sutgan gaw, dai mungga hpe lim kau nna, asi n si lu ai wa hpe rai nga ai.

YAWHAN 1:14

Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.

YAWHAN 1:18

Karai Kasang hpe gade e muk galoi mung n mu yu ai; Kawa a lahpyen e rawng nga ai Kasha shingtai gaw, Karai Wa a hkum shadan dan nu ai.

YAWHAN 12:31

Ndai mungkan ga gaw, ya jeyang ai hkrum nga ai, ndai mungkan Du wa gaw, ya shinggan de shaden kau ai, hkrum na rai wa sai.

YAWHAN 12:35

Dai rai nna Yesu gaw, “Dai nhtoi gaw nanhte hta loi hkring mi sha naw nga na sai: dai nsin gaw nanhte hpe n lep myit ga, nanhte hta nhtoi naw nga yang hkawm sa mu: nsin e hkawm sa ai wa gaw tinang gade sa wa ai mung, n chye wu ai.

YAWHAN 12:40

Shanhte a myi hpe shi magap ya nna, Shanhte a myit masin hpe mung, shaja ya wu ai,” nga ai ga majaw, shanhte n kam n sham lu ma ai.

YAWHAN 12:45

Ngai hpe mada mu ai wa gaw, ngai e shangun dat ai wa hpe mada mu ai rai nga ai.

YAWHAN 14:30

Ya kaw nna ngai nanhte hte ga law law n tsun lu na ni ai: kaning rai nme law, mungkan ga a Du wa gaw, du magang ra ai: dai wa chyawm gaw nye a ntsa e hpa ahkang mung n lu na wu ai:

YAWHAN 15:24

Masha kaga n di lu ai amu, ngai shanhte hta n di nngai rai taw gaw, shanhte hta mara n nga na re ai: ya chyawm gaw shanhte ngai hte nye Wa hpe mu da ninglen, an lahkawng hpe n dawng n yawt rai masai.

YAWHAN 16:11

tara jeyang ai lam dawdan da na gaw, ndai mungkan ga a Du wa tara jeyang hkrum sai majaw, rai na rai nga ai.

YAWHAN 8:12

Dai re ai majaw Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai: nye a hpang hkan nang ai wa gaw, nsin hta n hkawm n sa lu na rai nna, asak a nhtoi lu la na ra ai,” ngu mu ai.

KASA 26:18

shanhte a myi jahpaw na matu, ngai nang hpe shanhte hpang de shangun dat de ai rai nna, na a amyu a lata na mung, maigan masha ni a lata na mung, hkye hkrang la na de ai,’ nga nna ngai hpe tsun nngai.

KASA 26:23

Hkristu nni nkri hkrum lu na hte, si ai ni kaw na shawng hkrung rawt wa lu nna, shi a amyu hte maigan amyu ni hpe nhtoi lam madun dan lu na ra ai, nga nna byin wa na ra ai lam ni a matu, myihtoi ni hte Mawshe tsun ai lam hta kaga, ngai hpa mung n tsun jan nngai,” ngu wu ai.

1 KORINHTU 10:20

Shing nga ngai n tsun ai sha, maigan ni jaw ai hkungga gaw, Karai Kasang hpe jaw ai n rai, nat ni hpe jaw nga ma ai, ngai tsun nngai: nanhte gaw nat ni hte kanawn mazum nga na, ngai n ra nngai.

2 KORINHTU 2:11

Satan a myit mang ai hku chyawm gaw anhte n chye ya gaw ai n rai.

2 KORINHTU 2:12

Dai hta kaga, Hkristu a kabu gara shiga a lam, Troa mare de ngai sa du yang, dai Madu a marang e nye a matu chyinghka hpaw malang nga timung,

2 KORINHTU 3:11

Kaning rai nme law, hkoi mat chye ai aya gaw hpung shingkang rawng a yang gaw, agrin nga ai aya gaw grau nna hpung shingkang rawng na ra ai.

2 KORINHTU 3:14

Shanhte a myit mang ai hku chyawm gaw shaja kau ai hkrum ma ai; kaning rai nme law, dai ni nan du hkra, dai ga shaka dingsa hti yang, myi na man magap gaw a htinggrum nga ai rai nna, dai gaw Hkristu e kun di kau nu ai hpe, shanhte kaw shapraw shadan manu ai n rai:

2 KORINHTU 3:18

Anhte nlang hte chyawm gaw myi man a man magap kun di kau nna, dai Madu a hpung shingkang hpe jamna hta mada yu let, dai Madu ngu ai Wenyi a marang e, hpung shingkang htap mi hte htap mi lu la ai hte, shing re ai hkrang bung sumla hte nan galai mat mat rai nga ga ai.

2 KORINHTU 4:6

Nsin hta na nhtoi htoi na ra ai, nga nna tsun ai Karai Kasang gaw, Hkristu a myi man kaw na Karai kasang a hpung shingkang a chye chyang ai nhtoi hpe shapraw ya lu u ga she, anhte a kraw lawang e jahtoi ya ma ni ai.

GALATI 1:4

Dai Madu gaw, anhte a Kawa Karai Kasang a myit ra ai hte maren, ya e rai nga ai n hkru ai mungkan ga na anhte hpe mawai la u ga, anhte a yubak a matu mara shi hkum hpe nan ap kau ya wu ai.

EHPESU 2:2

ndai mungkan a n-gawn shawa hte, nbung hta hkang ai du wa ngu ai, n madat mara ai kasha ni hta, ya e shachyen nga ai wenyi a lam hte maren, nanhte shawng e hkawm nga manit dai.

EHPESU 6:12

Kaning rai nme law, anhte a gasat gala ai gaw, asai yan ashan hpe n re ai sha, du agyi ni hpe mung, ahkang aya lu ai ni hpe mung, ndai sin mak nga ai mungkan a hpung shingkang rawng ai ni hpe mung, sumsing lamu lahta tang e nga ai. n hkru n hkra ai nat a luksuk ni hpe mung, gasat gala nga ga ai.

HPILIPI 2:6

shi gaw Karai Kasang a ahpraw nsam hta pra nga timung, Karai Kasang hte maren rai nga na shingjawng kashun ai hku n nawn ai sha,

KOLOSE 1:15

Shi gaw myi e n mu lu ai Karai Kasang a hkrang bung sumla rai nga ai hte, hpan da ai arai yawng mayawng hta alat rai nga ai.

KOLOSE 1:27

Dai sung htum ai lam chyawm gaw, shi a chyoi pra ai ni hpe ya e shadan dan nu ai; ndai sung htum ai lam a hpung shingkang ngu ai sutgan gaw, maigan masha ni hta hpa rai nga ai gaw, shanhte hpe shadan dan u ga, Karai Kasang gaw ra nga ai: dai gaw, Hkristu gaw nanhte hta e nga ai hpe, hpung shingkang myit mada ai lam ngu ai, rai nga ai.

1 TIMOHTI 1:11

dai gaw ngai hkam la ai a rawng ai Karai Kasang a hpung shingkang madun ai kabu gara shiga hte maren rai nga ai.

TITU 2:13

anhte hpe sharin ya na matu, Karai Kasang a chyeju gaw dan pru wa sai rai nna, masha yawng hpe hkye hkrang la ai lam hpaw wa sai:

HEBRE 1:3

shi gaw Karai Kasang a hpung shingkang a ningchya hte, shi a gawng shing-yan a hkrang sumla rai nga ai rai nna, shi a mungga atsam hte yawng mayawng hte hpe bau sin da ai: yubak mara hpe jasan jaseng kau ngut jang, matsaw ningtsang na daru magam a hkra maga de shi dung nga ai rai nna,

HEBRE 6:4

Kaning rai nme law, jahtoi ya ai lang mi hkrum yu nna, sumsing lamu na chyeju kumhpa hpe chyim yu ai hte, dai Chyoi pra ai Wenyi hpe jawm hkam la nna,

2 PETRU 1:19

Dai rai nna, grau grin wa nga ai myihtoi ga mung, anhte lu sagaw ai; nanhte a myit masin hta e nhtoi leng wa nna, nhtoi gintawng pru wa ai ten du hkra, nsin sin ai shara de htoi tu nga ai pyengdin hpe zawn, dai myihtoi ga hpe nanhte a hkan nang nga na, mai kaja nga ai.

1 YAWHAN 2:11

Shi a kahpu kanau hpe n dawng n yawt ai wa chyawm gaw, dai nsin hta e de nga ai rai nna, dai nsin hta e hkawm sa nga ai: dai nsin gaw shi a myi hpe shakyaw kau ya wu ai majaw, tinang sa wa ai lam hpe shi n chye wu ai.

1 YAWHAN 2:8

Bai maga mi de hkang da ai ga ningnan ngai nanhte hpe ka dat nngai: dai gaw shi hta e mung, nanhte hta e mung, teng nga ai: kaning rai nme law, dai nsin gaw hkoi mat wa nna, dai tengman ai nhtoi gaw, ya e pyi htoi tu nga ai.

1 YAWHAN 5:19

Anhte gaw Karai Kasang kaw na rai nga ga ai, rai nna, mungkan ting gaw dai n hkru ai wa hta e lup mat wa ai hpe, anhte chye nga ga ai.