2 KORINHTU 4:2 - Jinghpaw Hanson Version Bible

² makoi magap re ai kaya kahpa hpe anhte rap di kau sagaw ai hte, hkalem hkalau ai mung n hkan nna, Karai Kasang a mungga hpe gale galau n di ai sha, dai tengman ai lam shapraw shadan let, Karai Kasang a man e, masha yawng mayawng a myit masin kaw, anhte hkum a atsam marai anhte dan nga ga ai.

Jinghpaw Common Language Bible 2009

² Anhte gaw makoi magap ip da ai kaya kahpa amu nlang hte hpe rap di kau sagaw ai; anhte gaw hkalem hkalau ai hku n galaw ga ai, Karai Kasang a mungga hpe mung masu magaw gale galau n tsun ga ai. Anhte gaw Karai Kasang a man e dai teng man ai lam a nhtoi hta asak hkrung shamu shamawt nna masha hkum shagu a htauli htaula myit hte htap htuk ai hku nga ga ai.

2 KORINHTU 4:2 ပူးပေါင်းရင်းမြစ်များ

1 HKAWHKAM 18:34

Bai shi gaw, yam mali hta ntsin jahpring nna, wan nat hkungga hte hpun a ntsa e jaw bun mu,” ngu mu ai. Bai, “Naw jaw mu,” ngu mu ai hte maren bai jaw bun ma ai.

ROMA 1:16

Kaning rai nme law, dai kabu gara shiga hta ngai kaya shara rawng ai n rai: dai gaw shawng nnan e Yuda ni, dai hpang e Heleni masha ni hta kamsham ai ni kadai hpe mung hkye hkrang la shangun lu ai Karai Kasang a atsam rai nga ai.

ROMA 6:21

Dai rai nna, dai aten e nanhte hpa akyu lu la nga myit ta? ya e nan kaya kahpa ai baw lu la nga myit dai: dai ni a chyahtum gaw si mat ai hkrai rai nga ai.

1 KORINHTU 4:5

Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.

2 KORINHTU 1:12

Kaning rai nme law, Karai Kasang a chyoi pra nna san seng ai myit hte, dinghta hpaji n lawm ai sha, Karai Kasang a chyeju hte, mungkan ga e anhte htinglet nga nna, nanhte hte rau grau nna dai zawn rai nga ga ai hpe, anhte a myit masin a sakse hkam ai lam ngu ai gaw, anhte a gumrawng shara rai nga ai.

2 KORINHTU 11:3

Rai timung, lapu gaw shi a hkalem ai hte Ewa hpe lau kau wu ai zawn, Hkristu a san seng ai hte chyoi pra ai lam hpe kau da hkra, nanhte a myit mang hten na hpe, ngai tsang nga nngai.

2 KORINHTU 11:6

Tsun ai ga hta zai ai zawn rai timung, chye chyang ai lam hta gaw dai zawn n re ai sha, nanhte a man e lam shagu hta, dai gaw yawng mayawng hta, dan dan leng leng pru wa sai.

2 KORINHTU 2:17

Ndai bungli shachyen na kadai wa ging ram nga a ta? Kaning rai nme law, Karai Kasang a mungga hpe pau chye ai masha law law ni zawn anhte n rai nga ai sha, san seng ai myit hte mung, Karai Kasang kaw nna mung, Karai Kasang a man e anhte Hkristu hta tsun nga ga ai.

2 KORINHTU 5:11

Dai rai nna, dai Madu a hkrit kang hpa hpe chye ga ai majaw, anhte masha ni hpe madun shadik nga ga ai; Karai Kasang a man e chyawm gaw, anhte dan dan leng leng rai nga ga ai; nanhte a myit masin a man e mung, anhte dan leng nga ga ai, ngai nawn nga nngai.

2 KORINHTU 6:8

hpung shingkang hkrum ai rai timung, n kaw n law hkrum ai rai timung, shatan nhkan hkrum ai rai timung, shagrau ai hkrum ai rai timung:

2 KORINHTU 7:14

Nanhte a lam lama ma hta ngai shi hpe gumrawng nga nngai rai yang gaw, kaya kahpa ngai n hkrum nga nngai: anhte gaw lam shagu hta nanhte kaw tengman ai ga tsun saga ai hte maren, Titu a man e anhte a gumrawng ai mung tengman wa sai.

EHPESU 4:14

shing rai anhte ma chyangai naw n rai nga na hte, masha a n hkru n hkra ai, maw da ai hkalem hkalau ai hpaji hte maren, nbung ngu ai sharin shaga ai lam shagu gadau gadap ai hte nhting nhtang n hkrum ai sha,

EHPESU 5:12

kaning rai nme law, shanhte mayun mayaw e galaw ai gaw, ga hte tsun na pyi kaya kahpa rai nga ai.