2 KORINHTU 4:17 - Jinghpaw Hanson Version Bible

¹⁷ Kaning rai nme law, dandawng nga ai arai ni gaw ndai aprat na sha, n dan n dawng nga ai arai ni gaw htani htana na arai rai nga ai majaw, dandawng nga ai arai ni hpe anhte n tau yu ai sha, n dan n dawng ai arai ni hpe tau yu let,

Jinghpaw Common Language Bible 2009

¹⁷ Bai anhte jahkring jahkra hkrum hkra nga ai tsin-yam tsindam kaji kajaw mahtang gaw anhte hpe ruyak jam jau hta grau kaba ai hte htani htana re hpung shingkang hpe hkam la shangun na ra ai.

2 KORINHTU 4:17 ပူးပေါင်းရင်းမြစ်များ

NINGPAWT NINGHPANG 15:1

Dai hpang Yehowa a ga gaw Abram kaw shingran hta du nna, “Abram e, hkum hkrit et; ngai gaw na a makawp ninggang rai nga nngai; nang lu la na shabrai kaba la nga lit dai,” ngu wu ai.

SHAKAWN KUNGDAWN 119:67

Nni nkri garai n hkrum yu yang, ngai lam dam ni ai; Ya chyawm gaw, na a ga hpe ngai hkan nga nngai.

SHAKAWN KUNGDAWN 119:71

Na a ga madat ngai sharin la lu na, Nye a matu nni nkri hkrum na, mai nga ai.

SHAKAWN KUNGDAWN 30:5

Kaning rai nme law, shi hkring mi sha masin pawt nga ai, Shi a n-gaw nnyeng chyawm gaw, prat tup agrin nga ai; Shana e hkrap ngu hkrap ngoi gaw shang nga timung, Jahpawt e mahkawn mangoi shara rai nga ai.

SHAKAWN KUNGDAWN 31:19

Masha kasha ni a man e, nang hta shingbyi ai ni a matu nang galaw dan nna, Nang hpe hkrit kamyin ai ni a matu nang kyem da ai chyeju gaw, gade wa kaba nga a hka!

SHAKAWN KUNGDAWN 73:24

Na hpaji daw ai hte nang ngai hpe woi la nna, Hpang jahtum e, hpung shingkang hte ngai hpe hkap la na rai nga ndai.

ESAIA 26:20

Nye a amyu masha ni e, sa marit; kata gawk de shang nna, chyinghka la da u: pawt sindawng ai lai mat ai du hkra, na hkum hpe chyahkring mi makoi da u.

ESAIA 54:8

pawt sindawng let, ngai nye a myi man nang kaw na hkring mi sha kayin kau timung, prat dingsa n-gaw nwai myit hte nang hpe matsan naw dum na ra ai, nga nna nang hpe Hkye hkrang la ai Wa, Yehowa tsun nga ai.

ESAIA 64:4

Kaning rai nme law, nang hpe myit mada ai wa a matu, nang zawn chyeju madun ai Karai Kasang shaje, kadai wa mung, moi chyaloi nhkoi kaw nna n na, n chye ai hte, myi hte mung, mu yu ai n rai.

BU HKAWM 5:28

Shing n rai, num dai awu asin n rai, asan aseng rai yang gaw, shi lawt lu nna kashu kasha kap na ra ai.

MAHTE 5:12

kabu nna pyaw pyaw rai nga mu; kaning rai nme law, sumsing lamu hta e nanhte a shabrai kaba nga malit dai: nanhte a shawng na myihtoi ni hpe mung shanhte dai hte maren zingri zingrat di kau manu ai.

LUKA 6:23

Dai nhtoi hta e kabu gumlawt nga mu; kaning rai nme law, yu mu, nanhte a shabrai gaw sumsing lamu hta e kaba nga malit dai: shanhte a kaji kawa ni mung dai zawn myihtoi ni hpe di yu manu ai.

KASA 20:23

rai timung, gyit hkang ai hte zingri zingrat na gaw ngai hpe la nga ai, nga nna, mare shagu hta Chyoi pra ai Wenyi ngai e sakse hkam nga ai.

ROMA 2:7

kaja ai bungli galaw let, shakut sharang nna hpung shingkang ma, arawng sadang ma, n hten n mat ai ma, tam ai ni hpe, htani htana asak jaw na ra ai;

ROMA 8:18

Kaning rai nme law, ndai aprat na tsin-yam tsindam gaw, anhte kaw e shadan shapraw na ra ai hpung shingkang hte shadawn n ging nga ai, ngai myit nga nngai.

ROMA 8:34

Dawdan lu ai wa gaw, kadai wa mi rai nga a ta? Si hkam nna, rai sa, si hkam ai hta n-ga, si mat ai ni kaw na hkrung sharawt la ai hkrum nhtawm, Karai Kasang a hkra lata e rai nga let, anhte a matu mara hpyi htinglu ya ai wa, Hkristu Yesu nan rai nga ai.

ROMA 8:37

N rai law, anhte hpe tsawra nga ai wa a majaw, ndai yawng hte hpe anhte grau nna hkap dang kau lu ai ni rai ga ai.

1 KORINHTU 2:9

Shing rai, ka da nga ai hte maren, “Myi e n mu, na hte n na yu nna, Masha myit hta n hkawn pru ai lam, Karai Kasang gaw shi hpe tsawra ai ni a matu mara lajang da ai hpa rai timung,” anhte tsun dan ga ai.

2 KORINHTU 3:18

Anhte nlang hte chyawm gaw myi man a man magap kun di kau nna, dai Madu a hpung shingkang hpe jamna hta mada yu let, dai Madu ngu ai Wenyi a marang e, hpung shingkang htap mi hte htap mi lu la ai hte, shing re ai hkrang bung sumla hte nan galai mat mat rai nga ga ai.

HPILIPI 1:19

kaning rai nme law, nye a myit ndawt ai hte myit mada nga nngai hte maren, hpa lam hta mung ngai kaya kahpa n hkrum ai sha, shawoi na hte maren ya e pyi, hkrung timung, si timung, nden ja ai myit ting hte Hkristu gaw nye a hkumhkrang hta shagrau ai hkrum lu na hpe,

2 HTESALONI 1:4

Dai rai nna nanhte hkam ai zingri zingrat hte nni nkri mahkra hta, nanhte a galu kaba ai myit hte makam masham a majaw, Karai Kasang a Hpung ni a man e anhte hkum nan lala, nanhte a jaw e gumrawng kabu nga ga ai.

2 HTESALONI 1:6

Kaning rai nme law, dai Madu Yesu gaw sumsing lamu de nna, shi a n-gun rawng ai lamu kasa ni hte rau wan shinglet hte paw pru nna,

2 TIMOHTI 2:10

Dai re ai majaw, lata la hkrum ai ni mung, Hkristu Yesu hta na hkye hkrang la ai chyeju hte nawng, htani htana a hpung shingkang hpe hkam la lu mu ga, dai ni a matu mara hkrum mahkrum ngai hkam sharang nga nngai.

YAKU 1:12

Agung alau hkrum yang shakut sharang ai wa gaw, a nga lu ai: kaning rai nme law, dinglik yu ai hkrum ngut jang, Karai Kasang shi e tsawra ai ni hpe ndat da ai asak janmau gaw, shi lu la na ru ai.

1 PETRU 4:7

Arai yawng mayawng htum mat na aten ni magang wa ra ai. Dai re ai majaw, nanhte myit su rai nga nna, akyu hpyi na matu htauli htaula rai nga mu.

1 PETRU 5:10

Nanhte mahtang chyahkring chyahkra nni nkri hkrum ai hpang, Hkristu hta e htani htana nga ai hpung shingkang a matu, nanhte hpe shaga la da ai, chyeju hkum hkum rawng ai Karai Kasang gaw, shi hkum nan, nanhte hpe shakup shatsup na, shangang shakang na hte n-gun sharawng na marin dai.

1 YAWHAN 3:2

Tsawra ai ni e, Karai Kasang a kashu kasha ni, anhte ya e rai nga ga ai rai nna, anhte hpa mi tai na, garai n dan pru nga ai: rai timung, shi dan pru nga yang, anhte shi hte bung na ga ai, anhte chye ga ai: kaning rai nme law, shi hkum hpe nan anhte mu lu na gaw ai.

YUDA 1:24

Ya chyawm gaw, kataw katan nrai hkra nanhte hpe bau sin lu ai rai nna, mara n rawng let, kabu gara la ai hte shi a hpung shingkang a man e nanhte hpe tawn da lu na,