2 KORINHTU 4:11 - Jinghpaw Hanson Version Bible

¹¹ Kaning rai nme law, Yesu a asak hkrung ai gaw anhte a si chye ai hkum shan hta dan pru lu n ga, anhte naw hkrung nga ai ni gaw, Yesu a jaw e tut tut si ai de ap kau ai hkrum nga ga ai.

Jinghpaw Common Language Bible 2009

¹¹ Yesu a sak hkrung ai lam gaw anhte a si chye ai hkum hkrang hta dan dawng mu lu u ga, anhte gaw anhte a sak hkrung lam ting hte hta, aten shagu Yesu a matu si hkam na lam hta hkawm sa nga ga ai.

2 KORINHTU 4:11 ပူးပေါင်းရင်းမြစ်များ

SHAKAWN KUNGDAWN 141:7

Dai gaw, aga hpe htu nna, galau kau ai hte bung nga ai,” nga nna, ngai shapyaw ai ga hpe, shanhte na ma ai.

SHAKAWN KUNGDAWN 44:22

Gaja wa na a jaw e anhte shani shagu sat kau ai hkrum ga ai; Sat na san da ai sagu hpe zawn, anhte hpe nawn da mi ai.

ROMA 8:11

Dai hta kaga, si mat ai ni kaw na Yesu hpe hkrung sharawt la ai wa a Wenyi gaw, nanhte hta e rawng nga a yang gaw, si mat ai ni kaw na Hkristu Yesu hpe hkrung sharawt la ai wa gaw, nanhte hta e rawng nga ai shi a Wenyi a lata hte nanhte a si chye ai hkumhkrang ni hpe mung, jahkrung ya na marin dai.

ROMA 8:36

“Na a jaw e anhte shani shagu sat kau ai hkrum ga ai, Sat na san da ai sagu hpe zawn, anhte hpe nawn da mi ai,” nga nna ka da nga ai hte maren, tsin-yam tsindam atsu atsam, zingri zingrat ai, hku hku hpang gara ai, singgu krin ai, shoihpa hkrithpa hte ri nhtu hkrum yang she, jahka kau lu na mi ni?

1 KORINHTU 15:31

Ngai gaw, hpunau ni e, shani shagu si hkam nga nngai, ngu nna anhte a Madu Hkristu Yesu hta e nanhte a lam ngai lu ai gumrawng shara hpe tau yu nna tsun wam nga nngai.

1 KORINHTU 15:49

Dinghta ga a gawng shing-yan hpe anhte gun ga ai hte maren, sumsing lamu a gawng shing-yan hpe mung, anhte gun na ra ga ai.

2 KORINHTU 4:10

Yesu a hkrung ai asak gaw anhte a hkumhkrang hta dan pru lu u ga, Yesu a si wa ai lam hpe anhte hkumhkrang hta tutnawng e dagraw hkawm nga ga ai.

2 KORINHTU 4:12

Dai rai nna, anhte hta e si hkrung si htan, nanhte hta e chyawm gaw asak hkrung ai gaw, a shachyen nga ai.

2 KORINHTU 5:4

Ndai sum hta e naw nga nga ai ni anhte gaw, lit hpe gun hpai let a madai nga ga ai rai nna, ndai sum hpe anhte kun di kau mayu ga ai n re ai sha, si mat chye ai gaw asak hkrung ai hta lup mayu kau ai hkrum u ga, hkumhkrang nta hpe dagraw na mahtang ra nga ga ai.

2 KORINHTU 6:9

hkalem sha ai ni zawn rai timung, tengman nga ga ai ni; gade e n dum n chye ai ni zawn rai timung, kajai gumhkawng hkrum ai ni; si hkrung si htan hkrum ai ni rai timung, yu mu, anhte ahkrung nga ga ai;