2 KORINHTU 4:10 - Jinghpaw Hanson Version Bible

¹⁰ Yesu a hkrung ai asak gaw anhte a hkumhkrang hta dan pru lu u ga, Yesu a si wa ai lam hpe anhte hkumhkrang hta tutnawng e dagraw hkawm nga ga ai.

Jinghpaw Common Language Bible 2009

¹⁰ Madu Yesu gaw anhte a hkum hkrang hta asak hkrung shamu shamawt nga ai lam dan dawng na matu anhte a si chye ai hkum hkrang ni hta Yesu hkam sha lai wa sai si hkrung si htan nni nkri hpe tut nawng e hkam mana sha nga ga ai.

2 KORINHTU 4:10 ပူးပေါင်းရင်းမြစ်များ

YAWHAN 14:19

Loi hkring mi rai jang, mungkan ga gaw ngai hpe n mu dat na nu ai: nanhte chyawm gaw naw mu lu na marin dai: kaning rai nme law ngai ahkrung nga nngai majaw, nanhte mung ahkrung nga na marin dai.

ROMA 6:5

Kaning rai nme law, anhte a si hkam ai gaw shi a si hkam ai hte baw sha rai nga ai majaw, anhte nhpang sha tai nga ga yang gaw, bai hkrung rawt ai hta e mung, anhte shi hte nhpang rum na ga ai.

ROMA 6:8

Si mat ai ni kaw na hkrung sharawt la hkrum ai Hkristu gaw, galoi mung bai n si lu na hte, si hkrung si htan gaw galoi mung shi hpe n madu lu na nu ai, anhte chye ga ai majaw,

ROMA 8:36

“Na a jaw e anhte shani shagu sat kau ai hkrum ga ai, Sat na san da ai sagu hpe zawn, anhte hpe nawn da mi ai,” nga nna ka da nga ai hte maren, tsin-yam tsindam atsu atsam, zingri zingrat ai, hku hku hpang gara ai, singgu krin ai, shoihpa hkrithpa hte ri nhtu hkrum yang she, jahka kau lu na mi ni?

2 KORINHTU 1:5

Shing rai, Hkristu a nni nkri anhte hta e law htam wa ai hte maren, Hkristu a jaw e mung, anhte a shangwi shapyaw na lam, law htam wa nga ai.

2 KORINHTU 1:9

dai hta n-ga, anhte gaw tinang dai n shamyet ai sha, si mat ai ni hpe hkrung sharawt ya ai Karai Kasang hpe sha shamyet shanat nga u ga, anhte nan tinang hkum hta si na dawdan gun saga ai.

2 KORINHTU 13:4

kaning rai nme law, n-gun kya ai majaw wudang e jen da hkrum rai timung, Karai Kasang a n-gun atsam a gawp e shi ahkrung nga ai. Anhte mung Hkristu hte maren gawng kya nga ga timung, nanhte hta rawng ai Karai Kasang a n-gun atsam majaw, anhte shi hte rau ahkrung nga na ga ai.

2 KORINHTU 4:11

Kaning rai nme law, Yesu a asak hkrung ai gaw anhte a si chye ai hkum shan hta dan pru lu n ga, anhte naw hkrung nga ai ni gaw, Yesu a jaw e tut tut si ai de ap kau ai hkrum nga ga ai.

GALATI 6:17

Ya kaw nna kadai mung ngai hpe hkum sharu shatsang manu ga: kaning rai nme law, Yesu a nma hkang nye a hkum shing-yan hta ngai gun hkawm nga nngai.

KOLOSE 1:24

Ya chyawm gaw nanhte a matu mara ngai hkrum ai tsin-yam tsindam hta ngai kabu nga ai hte, dai Hpung ngu ai Hkristu a hkumhkrang a matu mara, shi a naw ngam nga ai nni nkri hpe nye a hkum shan hta e ngai jahkum shatsup nga nngai.

2 TIMOHTI 2:11

Da ndai gaw kangka re ai ga rai nga ai: Anhte shi hte rau si saga yang gaw, shi hte rau mung hkrung lu na ra ga ai;

1 PETRU 4:13

Hkristu gaw shi a hpung shingkang hta paw pru ai shaloi, kabu gara ai kaba hte nanhte kabu gara wa lu myit ga, shi a nni nkri hkrum ai lam hta, nanhte lawm lu myit dai majaw, kabu gara nga mu.

1 PETRU 4:14

Hkristu a amying nsang a majaw, nanhte asawng asang hkrum nga myit yang gaw, nanhte a lu myit dai; kaning rai nme law, hpung shingkang a Wenyi hte Karai Kasang a Wenyi gaw, nanhte a ntsa e awam nga ai.

SHINGRAN 1:17

Dai wa hpe mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, Hkum hkrit et, ngai gaw ningshawng wa mung, jahtum wa mung, rai nga ai hte,