2 KORINHTU 3:7 - Jinghpaw Hanson Version Bible

⁷ Dai rai nna, hkoi mat chye ai Mawshe a myi man a hpung shingkang majaw, Israela masha ni shi a myi man hpe n azi yu lu hkra, laika hkum hte lungpa hta tawk ka da ai, si hkrung si htan daw ai aya gaw, hpung shingkang hte dan pru nga ai rai yang gaw,

Jinghpaw Common Language Bible 2009

⁷ Lungpa hta ka da ai jep ai tara hpe jaw ai shaloi, Karai Kasang a hpung shingkang htoi kabrim dan pru nga ai. Dai hpung shingkang a htoi ahkung ai gaw Mawshe a myi man kaw na yat yat hkoi mat wa magang nga ai. Rai ti mung nachying wa naw htoi kabrim nga ai majaw Israela amyu masha ni shi a myi man hpe n azi yu lu ma ai. Si hkrung si htan hpe byin shangun ai jep ai tara hpe dai zawn re ai hpung shingkang hte jaw ya ai rai yang gaw,

2 KORINHTU 3:7 ပူးပေါင်းရင်းမြစ်များ

NINGPAWT NINGHPANG 3:21

Yehowa Karai Kasang mung Adam hte shi a madu jan a matu shanhpyi hpun palawng galaw nna shan hpe shabu jahpun mu ai.

NEHEMIA 9:13

Nang nan Sina bum ntsa de yu wa nna, sumsing lamu kaw nna shanhte hpe shaga let, tengman tara dara ai lam, kangka re ai tara, mai kaja ai matsun maroi ga hte htet da ai ga, nang shanhte hpe jaw da mu ai:

SHAKAWN KUNGDAWN 119:174

Yehowa e, na a hkye hkrang la ai lam hpe ngai marit nga nna, Na a tara gaw ngai kabu shara rai nga ai.

SHAKAWN KUNGDAWN 119:97

Na a tara hpe ngai kade wa tsaw nga n hka! Ngai shani tup dai hpe myit aru nga nngai.

PRU MAT 24:12

Bai Yehowa gaw Mawshe hpe, “Ngai nga ai bum de lung nna wa nga rit; masha ni hpe, nang sharin achyin ya lu na matu, lungpa hta ngai ka da ai nye a matsun hte hkang ai tara, ngai nang hpe jaw de ga,” ngu wu ai.

PRU MAT 31:18

Shing rai Karai Kasang gaw Sina bum ntsa e Mawshe hte shaga ngut jang, shi a layung hte ka ai sakse ga kap ai lungpa lahkawng shi hpe ap ya dat wu ai.

PRU MAT 32:19

Shing rai dai dap de du wa yu yang, dumsu kasha hte ka nga ma la ai hpe wa mu wu ai; dai majaw Mawshe masin pawt bu nna, dai lungpa yan hpe shi lata na jahkrat kau ai hte dai bum lagaw e agrawp kau wu ai.

PRU MAT 34:1

Bai Yehowa gaw Mawshe hpe, “Shawng na lungpa yan zawn lungpa lahkawng naw ga la u: shawng na ngang agrawp kau ai lungpa hta ka ai ga hte maren, dai lungpa hta ngai bai ka na we ai.

KASA 6:15

Shaloi dai hpawng shingra e dung nga ai ni nlang, shi hpe jawm azi yu mu yang, shi a myi man lamu kasa myi man zawn rai nga lu ai gaw, shanhte mu ma ai.

ROMA 10:4

Kaning rai nme law, dinghpring ai kaw du lu mu ga, Hkristu gaw kamsham ai ni mahkra a matu mara, jep ai tara a chyahtum rai nga ai.

ROMA 4:15

Jep ai tara gaw pawt sindawng ai shapraw wu ai; jep ai tara n nga yang gaw, yubak mara mung n nga na re ai.

ROMA 5:20

Shut hpyit ai amu law jat wa mu ga, jep ai tara gaw shang lawm wa sai:

ROMA 7:10

dai rai nna, asak hte seng ai ga matsun gaw, si ai lam tai wa sai, ngai dum nngai:

ROMA 7:22

Kaning rai nme law, nye kraw lawang myit hte Karai Kasang a tara hta e ngai kabu gara nga nngai;

ROMA 7:5

Kaning rai nme law, hkum shan a myit hta anhte naw rawng nga ga yang gaw, si hkrung si htan a matu asi si u ga, jep ai tara a jaw e yubak a marin marit ai baw, anhte a daw shan ni hta e katu nga mali ai.

1 KORINHTU 13:10

rai timung, dai hkum tsup re ai gaw du ngut jang, daw chyen re ai gaw hkoi mat na ra ai.

2 KORINHTU 3:3

tsi hte n re ai sha, hkrung nga ai Karai Kasang a Wenyi hte, bai, lungpa hta mung n re ai sha, hkum shan a kraw lawang e ka da nga ai, anhte a lata hte lajang da ai Hkristu a laika nan nanhte rai nga myit dai gaw, dan dan leng leng rai nga ai.

2 KORINHTU 3:6

ningnan ga shaka sara tai na shi anhte hpe shaging sharam ma ni ai; dai ga shaka gaw, laika hkum hta na n re ai sha, Wenyi hta na rai nga ai: kaning rai nme law, laika hkum gaw sat kau chye ai, Wenyi chyawm gaw jahkrung ya lu ai.

2 KORINHTU 3:8

Wenyi hta na daw ai aya gaw, hpung shingkang hta grau nna tai na, n rai ni?

GALATI 3:10

Dai hta kaga, jep ai tara a magam bungli hta hpa ai ni kadai rai timung, dagam dala a npu e rai nga ma ai: kaning rai nme law, Tara laika hta ka da mada hte maren galaw na n shatup nga ai wa kadai rai timung, dagam dala hkrum na mara ai, nga nna ka da nga sai.

GALATI 3:21

Dai rai nna jep ai tara gaw Karai Kasang a ga ndat hte nhtan shai nga a ni? Shing n rai law; kaning rai nme law, hkrung ai asak jaw lu ai jep ai tara jaw da sai rai yang gaw, dinghpring ai gaw, gaja wa, jep ai tara hta e rai na ra ai.

TARA JAHPRANG 4:13

Nanhte hkan nga lu na matu, hkang da ai ga shaka ngu na tara ga kanu shi mung, shi nan nanhte hpe tsun dan nna, lungpa lahkawng hta ka da nu ai.

TARA JAHPRANG 4:8

Dai hta kaga, dai ni ngai nanhte hpe tawn da ya ai tara made dinghpring ai matsun maroi ga hte hkang ai tara ga gaw, amyu kaga gale ni hta kadai wa lu a ta?

TARA JAHPRANG 5:22

“Ga dai ni gaw dai bum e awan, sumwi hta htat ai nsin kata nna, Yehowa shi nan nsen kaba hte nanhte hpawng nga shawa ting hpe tsun dat nu ai: dai hte hta tsun jat sai n rai: ga dai ni hpe mung lungpa lahkawng hta shi ka nna ngai e ap ya ni ai.

TARA JAHPRANG 9:15

Shaloi ngai gaw kayin nna dai bum na yu wa nngai; dai bum mung wan grung nga ai; dai ga shaka lungpa yan hpe mung nye a lata maga hpra lang da we ai.

HEBRE 12:18

Kaning rai nme law, nanhte gaw lata e ahtawk hkrum lu ai hte wan grung nga ai bum de mung, achyang amang re ai, nsin chyip mak re ai, laru ru ai,

HEBRE 3:3

Kaning rai nme law, nta de da ai wa gaw, dai nta hta grau ai arawng sadang lu ai made, Yesu gaw Mawshe hta grau ai hpung shingkang lu ging nga ai.

HEBRE 9:4

dai hta e manam pyaw ai baw nat ai aja hkungri hte, hkum ting ja sup ai ga shaka sumpu rawng nga ai: dai sumpu kata e, manna rawng ai ja di mung, apu pu ai Arun a dawhkrawng mung, ga shaka lungpa yan mung, rawng nga ai;