2 KORINHTU 3:6 - Jinghpaw Hanson Version Bible

⁶ ningnan ga shaka sara tai na shi anhte hpe shaging sharam ma ni ai; dai ga shaka gaw, laika hkum hta na n re ai sha, Wenyi hta na rai nga ai: kaning rai nme law, laika hkum gaw sat kau chye ai, Wenyi chyawm gaw jahkrung ya lu ai.

Jinghpaw Common Language Bible 2009

⁶ Anhte gaw ga shaka ningnan a matu amu gun hpai lu u ga, anhte hpe atsam marai jaw ai gaw Karai Kasang shi nan rai nga ai. Dai ga shaka ningnan gaw ka da ai tara hta rawng ai n re ai sha, Wenyi kaw na rai nga ai. Hpa majaw nga yang laika hkum hte ka da ai tara gaw asak hpe si shangun nga ai; dai Wenyi chyawm gaw asak jahkrung ya nga ai.

2 KORINHTU 3:6 ပူးပေါင်းရင်းမြစ်များ

YEREMIA 31:31

Yehowa ning nga ai: Yu mu, Israela nta hte Yuda nta ntsa e ga shaka ningnan ngai tawn da na nhtoi du na ra ai;

MAHTE 13:52

Bai shi gaw, Dai rai nna sumsing lamu mungdan a matu sape tai sai laika ka ai sara kadai mung, nta madu rai nga ai hte, tinang a sutdek hta na, nnan baw mung dingsa baw mung shapraw ai wa hte bung nga ai,” ngu nna shanhte hpe tsun mu ai.

MAHTE 26:28

dai gaw, yubak hpe raw dat kau myit ga, law law a matu ru kau ya ai, dai ga shaka hte seng ai, nye a asai rai nga li ai:

MARKU 14:24

Shanhte hpe shi tsun mu ai gaw, “Dai gaw, masha law law a matu ru kau ya ai, dai ga shaka hte seng ai, nye a asai rai nga li ai.

LUKA 22:20

Dai hte maren shana shat sha ngut jang, dai gawm hpe mung shi la nhtawm, “Ndai gawm gaw nanhte a matu ru kau ai, nye a asai hta gaw da ai, ga shaka ningnan rai nga ai.

YAWHAN 5:21

Kaning rai nme law, Kawa gaw si ai ni hpe sharawt nna jahkrung ya ai hte maren, Kasha wa mung shi ra mara ni hpe jahkrung ya wu ai.

YAWHAN 6:63

Asak jahkrung ai gaw Wenyi rai nga ai; hkum shan gaw hpa lam mung n la ai: ngai nanhte hpe tsun ai mungga gaw, Wenyi rai nga ai, asak mung rai nga ai.

ROMA 1:5

shi mying ningsang a marang e, amyu baw shagu dai kamsham ai lam hpe madat mara mu ga she, shi kaw nna chyeju hte kasa aya hpe anhte hkam la lu sagaw ai:

ROMA 3:20

kaning rai nme law, dai jep ai tara hte yubak lam hpe chye ginhka lu ai majaw, jep ai tara a magam bungli hku hte shi a man e kadai mung dinghpring ai kaw n du lu ma ai.

ROMA 4:15

Jep ai tara gaw pawt sindawng ai shapraw wu ai; jep ai tara n nga yang gaw, yubak mara mung n nga na re ai.

ROMA 4:17

Abraham hpe gaw, Amyu law law a kawa ngai nang hpe shatai sade ai, nga nna ka da nga ai hte maren si mat ai ni hpe jahkrung ya ai hte, garai n tai ai ni hpe ya e rai nga ai zawn ngu da ai rai nna, shi kamsham nga ai Karai Kasang a man e, anhte mahkra a kawa rai nga ai.

ROMA 7:6

Ya chyawm gaw, si mat hkrum ai hte anhte hpe sharen da ai baw hta na daw hka wa yang, jep ai tara kaw na shalawt dat ai anhte hkrum saga ai: dai rai nna, ga matsun dingsa hku n hkan ai sha, Wenyi a myit ningnan hte anhte daw jau nga ga ai.

ROMA 8:2

Kaning rai nme law, Hkristu Yesu hta e jahkrung ya ai Wenyi a tara gaw, yubak a tara hta na rai timung, si mat ai tara hta na rai timung, ngai hpe shalawt dat ni ai.

1 KORINHTU 11:25

Dai hte maren, shana shat sha ngut jang, dai gawm hpe mung shi la nhtawm, “Ndai gawm gaw nye a asai hta gaw da ai ga shaka nnan rai nga ai; nanhte galoi mung lu yang, ngai hpe adum nga na matu ndai galaw mu,” ngu nna tsun mu ai.

1 KORINHTU 12:28

Karai Kasang chyawm gaw nkau mi hpe dai Hpung hta e, langai ngu na hta kasa ni, lahkawng ngu na hta myihtoi ni, masum ngu na hta sara ni, dai hpang e lamik kumla galaw ai ni, dai hpang e machyi makaw shamai shatsai na chyeju lu ai ni, shingdep shingtau ai ni, salang bawmung ni hte ga amyu myu chye tsun ai ni, san tawn da manu ai.

1 KORINHTU 15:45

Dai hte maren, shawng na masha Adam gaw asak hkrung ai shinggyim masha tai wa ai, nga nna ka da nga ai: hpang chyahtum na Adam, chyawm gaw, jahkrung ya ai wenyi rai nga ai.

1 KORINHTU 3:10

Karai Kasang ngai hpe jaw da ai chyeju hte maren, hpaji rawng ai nta shachyaw ai wa zawn, ngai npawt nhpang gaw da se ai; kaga hte gaw dai hta e gaw kahtap mu ai. Kaning rai gaw kahtap na hpe langai hte langai yu yu nga mu ga.

1 KORINHTU 3:5

Apolo gaw kadai rai nga a ta? Pawlu mung kadai rai nga a ta? Shan gaw shangun ma rai nga nna, shan a jaw e nanhte kamsham ai kaw du lu myit dai: dai Madu e jaw da mu ai hte maren, shan langai hte langai shachyen lu ma ai.

2 KORINHTU 11:23

Shanhte Hkristu a bungli gun hpai ai ni rai ma yang gaw, ngai mahtang grau nna rai nga nngai, ngu nna mana bu ai wa zawn ngai tsun nngai. Amu bungli grau nna ngai galaw nngai; htawng hkrat ai grau nna ngai hkrum nngai; ladu lai ai shingna ngai hkam ni ai; si hkrung si htan law law lang ngai hkrum nngai.

2 KORINHTU 3:14

Shanhte a myit mang ai hku chyawm gaw shaja kau ai hkrum ma ai; kaning rai nme law, dai ni nan du hkra, dai ga shaka dingsa hti yang, myi na man magap gaw a htinggrum nga ai rai nna, dai gaw Hkristu e kun di kau nu ai hpe, shanhte kaw shapraw shadan manu ai n rai:

2 KORINHTU 3:3

tsi hte n re ai sha, hkrung nga ai Karai Kasang a Wenyi hte, bai, lungpa hta mung n re ai sha, hkum shan a kraw lawang e ka da nga ai, anhte a lata hte lajang da ai Hkristu a laika nan nanhte rai nga myit dai gaw, dan dan leng leng rai nga ai.

2 KORINHTU 3:7

Dai rai nna, hkoi mat chye ai Mawshe a myi man a hpung shingkang majaw, Israela masha ni shi a myi man hpe n azi yu lu hkra, laika hkum hte lungpa hta tawk ka da ai, si hkrung si htan daw ai aya gaw, hpung shingkang hte dan pru nga ai rai yang gaw,

2 KORINHTU 3:9

Kaning rai nme law, dawdan chye ai daw ai aya gaw hpung shingkang rawng ai rai yang gaw, dinghpring shangun ai daw ai aya gaw hpung shingkang hta grau nna law htam wa na ra ai.

GALATI 3:21

Dai rai nna jep ai tara gaw Karai Kasang a ga ndat hte nhtan shai nga a ni? Shing n rai law; kaning rai nme law, hkrung ai asak jaw lu ai jep ai tara jaw da sai rai yang gaw, dinghpring ai gaw, gaja wa, jep ai tara hta e rai na ra ai.

EHPESU 2:1

Nanhte mung, nanhte a tawt lai ai bungli hte yubak a majaw chyasi rai nga ai shaloi e,

EHPESU 2:5

Hkristu hte hpawn jahkrung ma ni ai; chyeju hte sha nanhte hkye hkrang la ai hkrum manit dai;

EHPESU 3:7

Karai Kasang a chyeju hte ngai hpe jaw da ai kumhpaw kumhpa a majaw, shi a atsam shachyen ai hte maren, dai kabu gara shiga a shangun ma ngai tai ni ai.

TARA JAHPRANG 27:26

“Ndai jep ai tara ga hpe n hkan galaw ai wa gaw dingnye hkrum u ga le,” nga nna dagam yang, amyu masha ni nlang hte gaw, “Amen,” ngu nna htan na rai mu ai.

1 TIMOHTI 4:6

Ndai lam hte gaw nang hpunau ni hpe shadum jahprang nga n yang gaw, nang hkan nang nga ai makam masham a mungga hte mai kaja ai sharin shaga ai lam hta pan kaba wa ai majaw, Hkristu Yesu a amu gun hpai wa kaja, nang rai na ndai.

2 TIMOHTI 1:11

dai kabu gara shiga hta, hkaw dan ai wa mung, kasa hte sara aya mung, ngai hpe dang da ni ai.

HEBRE 12:24

ga shaka ningnan a htinglu wa Yesu hpang de mung, Abela asai hta grau kaja ai lam chye tsun ai lapri bun ai asai hpang de mung, du manit dai.

HEBRE 13:20

Anhte a Madu Yesu ngu ai, sagu hpung ni a sagu rem wa kaba hpe, htani htana ga shaka asai hte si ai ni kaw na bai woi wa ai, ngwipyaw ai a npawt Karai Kasang gaw,

HEBRE 7:22

ning nga dagam ai ga hte aya hkam la lu ai wa gaw grau nga ai hte maren, Yesu gaw grau kaja ai ga shaka a ama hkam tai wa sai.

HEBRE 8:13

Ya, ga shaka ningnan, nga nna shi tsun ai gaw, shawng na ga shaka hpe ningsa shatai kau wu ai; ningsa hte aprat kaba ai arai chyawm gaw, wai mat magang nga ai.

1 PETRU 3:18

Kaning rai nme law, Hkristu mung yubak a majaw kalang sha mi si hkam nu ai; Karai Kasang hpang de anhte hpe woi wa lu hkra, dinghpring ai wa gaw, n ding n hpring ai ni a matu mara si hkam ai hte, dai hkum tsawp nan si mat timung, dai wenyi hta ahkrung nga ai:

1 YAWHAN 1:1

Shawng npawt kaw nna nga ai rai nna, anhte na yu ai hte, anhte a myi hte mu yu ai hpe, anhte mada yu ai hte anhte a lata hte hkra ai, asak hkrung ai mungga a lam, anhte nanhte hpe gawn dan ga ai;