2 KORINHTU 3:2 - Jinghpaw Hanson Version Bible

² Anhte a kraw lawang e ka da nna, masha yawng mayawng chye chyang lu ai hte hti yu lu ai anhte a laika nan, nanhte rai nga myit dai:

Jinghpaw Common Language Bible 2009

² Nanhte hkum nan masha shagu e hti nna chye lu ai anhte a myit masin hta ka tawn da ai laika hkum nan rai nga myit dai.

2 KORINHTU 3:2 ပူးပေါင်းရင်းမြစ်များ

ROMA 1:8

Nanhte a kamsham ai gaw mungkan ting chyam hkra kajai gumhkawng wa sai majaw, Yesu Hkristu a jaw e, nanhte mahkra a matu mara, nye a Karai Kasang hpe, ngai shawng shakawn kungdawn nngai.

1 KORINHTU 3:10

Karai Kasang ngai hpe jaw da ai chyeju hte maren, hpaji rawng ai nta shachyaw ai wa zawn, ngai npawt nhpang gaw da se ai; kaga hte gaw dai hta e gaw kahtap mu ai. Kaning rai gaw kahtap na hpe langai hte langai yu yu nga mu ga.

2 KORINHTU 11:11

Dai gaw hpa majaw rai kun? Nanhte hpe n tsaw n ra ai majaw rai kun? Karai Kasang gaw chye nga ai.

2 KORINHTU 12:15

Ngai chyawm gaw nanhte a myit masin a matu sutgan jahkrat mayu ai hta n-ga, nye a hkum hpe pyi jahkrat na grau nna ra nga nngai. Nanhte hpe ning rai ladu lai hkra tsawra nga nngai majaw, ngai hpe n dawng n yawt na mai nga a ni?

2 KORINHTU 3:1

Anhte gaw tinang a hkum marai hpe bai dan hpang ga ai kun? dai hta n-ga, masha nkau mi zawn nanhte hpang de, shing n rai nanhte kaw na tinang marai dan ai laika anhte ra ga ai kun?

2 KORINHTU 7:3

Nanhte hpe jeyang na ngai ning nga tsun nngai n rai; kaning rai nme law, rau si rau prawn lu hkra, nanhte nan anhte a kraw lawang e anga nga myit dai gaw, ngai shawng e tsun yu ni ai.

HPILIPI 1:7

Nye a bawng dung ai hta rai timung, dai kabu gara shiga a lam awlaw nna shagrin da ai hta rai timung, nanhte nlang hte gaw ngai hte rau chyeju jawm hkam la ai ni rai nga myit dai majaw, nanhte mahkra a lam ngai ning rai myit nga na gaw, ging dan nga ai rai nna, nye a myit masin hta e ngai nanhte hpe sharawng nga nngai.

1 HTESALONI 1:8

Kaning rai nme law, nanhte kaw na dai Madu a mungga gaw, Makedoni mung hte Ahkaia mung e kajai gumhkawng wa ai sha n-ga, Karai Kasang kaw ang wa ai, nanhte a makam masham gaw, shara shagu hkan e chyam wa sai rai nna, anhte gaw hpa mi tsun, shara mung n nga ai.