2 KORINHTU 3:18 - Jinghpaw Hanson Version Bible

¹⁸ Anhte nlang hte chyawm gaw myi man a man magap kun di kau nna, dai Madu a hpung shingkang hpe jamna hta mada yu let, dai Madu ngu ai Wenyi a marang e, hpung shingkang htap mi hte htap mi lu la ai hte, shing re ai hkrang bung sumla hte nan galai mat mat rai nga ga ai.

Jinghpaw Common Language Bible 2009

¹⁸ Dai rai nna anhte yawng gaw man magap hpaw kau sai myi man ni hte dai Madu a hpung shingkang a shingna hpe bai nhtang htawng madun nga ga ai. Dai hpung shingkang nan wenyi ngu ai Madu kaw na du sa nna Madu hte grau grau bung jat wa ai hpung shingkang maga de anhte hpe galai shai wa shangun mi ai.

2 KORINHTU 3:18 ပူးပေါင်းရင်းမြစ်များ

SHAKAWN KUNGDAWN 84:7

Shanhte n-gun bai jat la la rai nna, Ziun bum na Karai Kasang a man e du lu ma ai.

YAWHAN 1:14

Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.

YAWHAN 12:41

Esaia gaw shi a hpung shingkang mu lu ai rai nna, shi a lam shing nga tsun ai rai nga ai.

YAWHAN 17:22

An gaw langai sha rai nga ga ai zawn, ngai gaw shanhte hta nga nga nna, nang mung ngai hta nga nga ai a marang e, shanhte langai sha tai wa nna, langai sha hta hkum tsup wa lu na matu mung,

YAWHAN 17:24

“Wa e, gingding aga garai n lat kaw nna, nang ngai hpe tsawra nga ndai majaw, nang ngai e jaw ai hpung shingkang hpe, ngai hpe jaw da ai ni mung mada mu lu mu ga, ngai nga ai shara e shanhte ngai hte rau nga nga lu na hpe, ngai ra nga nngai.

ROMA 12:2

Dai hta kaga, ndai dinghta ga a myit n hkan dagraw ai sha, Karai Kasang a mai kaja ai, sharawng awng ai hte hkum tsup re ai myit mang lam hpe nanhte chye ginhka lu myit ga, myit nnan lu la na hku arawn asam galai nga mu.

ROMA 13:14

Dai hta n-ga, Madu Yesu Hkristu hpe bu hpun dagraw nga mu: hkum shan a myit marin ai hku shadik na matu, hkum maw hkum hkyen nga myit.

ROMA 8:29

Kaning rai nme law, shi a Kasha gaw kahpu kanau lanlak hta e alat ningshawng tai u ga, shawng nna chye tawn da ai ni hpe, shi a Kasha a gawng shing-yan hte bung na matu, shi shanhte hpe shawng nna san tawn da mu ai:

ROMA 8:4

Karai Kasang gaw yubak a matu mara, yubak a hkumhkrang hte bung ai gawng shing-yan hte, shi hkum nan a Kasha hpe shangun dat ru ai rai nna, shinggyim hkum shan hta e yubak hpe dawdan wu ai.

ROMA 8:7

Dai hta kaga hkum shan myit gaw Karai Kasang a tara npu e n taw lu ai hte, dai hpe n madat lu ai majaw, Karai Kasang hpe n dawng n yawt ai myit sha rai nga ai;

1 KORINHTU 13:12

Ya gaw gumwai hku rai nga ai jamna shingna sha anhte naw mu nga ga ai; rai timung, dai shaloi e myi man yawng let mu na ra ga ai: ya gaw daw chyen mi sha ngai chye nngai; dai shaloi e, Karai Kasang ngai hpe chye chyang ai zawn, ngai mung chye na ring ngai.

1 KORINHTU 15:49

Dinghta ga a gawng shing-yan hpe anhte gun ga ai hte maren, sumsing lamu a gawng shing-yan hpe mung, anhte gun na ra ga ai.

2 KORINHTU 3:17

Dai Madu chyawm gaw dai Wenyi rai nga ai rai nna, dai Madu a Wenyi nga ai shara hkan e shanglawt mung rai nga ai.

2 KORINHTU 4:4

Karai Kasang a hkrang bung sumla ngu ai, Hkristu a hpung shingkang rawng ai kabu gara shiga a nhtoi gaw, n kam n sham ai ni hta n htoi tu u ga she, ndai mungkan ga na Hpara gaw, shanhte a myit mang ai hku shakyaw shamak kau ya manu ai.

2 KORINHTU 4:6

Nsin hta na nhtoi htoi na ra ai, nga nna tsun ai Karai Kasang gaw, Hkristu a myi man kaw na Karai kasang a hpung shingkang a chye chyang ai nhtoi hpe shapraw ya lu u ga she, anhte a kraw lawang e jahtoi ya ma ni ai.

2 KORINHTU 5:17

Hkristu hta e marai langai ngai rai nga ai teng yang gaw, shi gaw ningnan hpan da ai wa rai nga ai; dingsa hte gaw lai mat wa sai, yu mu, dai hte gaw ningnan tai wa sai.

GALATI 6:15

Kaning rai nme law, matu gadoi hkam ai lam rai timung, matu gadoi n hkam ai lam rai timung, hpa akyu n nga ai: hpan da ai hkum ningnan chyu sha, akyu rai nga ai.

KOLOSE 3:10

hpan tawn da ai wa a hkrang bung sumla hte maren rai nga ai chye chyang ai lam hta ningnan tai wa ai gawng shing-yan ningnan hpe nanhte dagraw nga myit dai:

1 TIMOHTI 1:11

dai gaw ngai hkam la ai a rawng ai Karai Kasang a hpung shingkang madun ai kabu gara shiga hte maren rai nga ai.

TITU 3:5

anhte hkum nan galaw ai dinghpring ai magam bungli a majaw n re ai sha, shi a matsan dum ai chyeju majaw she, bai shangai lam hte seng ai kashin kamun kau ya ai hte, anhte a hkye hkrang la ai Madu Yesu Hkristu a marang e,

YAKU 1:23

Dai mungga hpe na la nhtawm, nhkan galaw ai wa kadai mung, tinang a hkumhkrang a myi man hpe jamna hta e yu yu ai wa hte bung nga ai;

1 YAWHAN 3:2

Tsawra ai ni e, Karai Kasang a kashu kasha ni, anhte ya e rai nga ga ai rai nna, anhte hpa mi tai na, garai n dan pru nga ai: rai timung, shi dan pru nga yang, anhte shi hte bung na ga ai, anhte chye ga ai: kaning rai nme law, shi hkum hpe nan anhte mu lu na gaw ai.