2 KORINHTU 3:16 - Jinghpaw Hanson Version Bible

¹⁶ Rai timung, dai Madu hpang de galoi tim kayin a yang gaw, dai man magap shaloi jang kun di kau ya na ru ai.

Jinghpaw Common Language Bible 2009

¹⁶ Rai ti mung dai magap hpe gun kau lu ai. Chyum Laika hta Mawshe a lam tsun da ai hte maren, shi gaw Madu hpang de kayin ai shaloi shi a man magap hpe gun kau ya hkrum nga ai.

2 KORINHTU 3:16 ပူးပေါင်းရင်းမြစ်များ

PRU MAT 34:34

Yehowa kaw shang ai shaloi, Mawshe gaw, bai pru wa hkra, shi a myi man magap raw da da di wu ai: shing rai bai pru nna, shi hpe hkang dat ai lam, Israela kashu kasha ni hpe htawn tsun tsun rai wu ai.

ESAIA 25:7

Bai shi gaw ndai bum ntsa e, masha amyu yawng a myi man magap hpe mung, amyu baw ni mahkra htinggrum ai yawn sumpan magap hpe mung, gun kau na ra ai.

ESAIA 29:18

Dai aten e na lahpang ai ni gaw chyum laika ga na lu na mara ai; myi kyaw ai ni gaw nsin e pyi mu lu na mara ai.

ESAIA 54:13

Na a kashu kasha ni yawng, Yehowa a sharin achyin ai hkam la nna, shanhte a ngwipyaw ai lam gaw, kaba la nga ai.

YEREMIA 31:34

dai ni gaw, Yehowa hpe chye u, nga nna langai hte langai tinang a htingbu wa hte, tinang hpunau wa hpe, sharin achyin ya nga na ma ai n rai; kaning rai nme law, kaji htum ai wa kaw nna, shanhte a kaba htum ai wa du hkra, nlang hte gaw ngai hpe chye ma na mara ai, nga nna Yehowa tsun ai: shanhte mara hpe ngai dat kau nna, shanhte a yubak hpe bai dum ya na ni ai, n rai, nga nna Yehowa tsun ai.

SHARUNG SHAYAWT 3:40

Anhte gaw, tinang hkan ai lam hpe sagawn yu nna, Yehowa hpang de nhtang wa saga.

ROMA 11:23

Shanhte mahtang, tinang a n kam n sham ai hta n nawng mat malu yang gaw, bai shachyaw ai hkrum lu na mara ai: Karai Kasang gaw, shanhte hpe bai shachyaw na di lu nga ai.

2 KORINHTU 3:15

dai ni du hkra, galoi mung Mawshe a ga hti yang, man magap gaw shanhte a kraw lawang e a htinggrum nga malu ai.

TARA JAHPRANG 30:10

nang galaw ai lam magup tai wa lu na hte, na a shayi shadang, sutgan yamnga, nsi naisi gumja wa na ra ai: kaning rai nme law, Yehowa gaw na nji nwa ni hta awng sharawng wu ai zawn, na a akyu matu nang hta mung awng sharawng na ra ai.

TARA JAHPRANG 4:30

Htawm hpang prat e ndai lam yawng mayawng hte katut nna ruyak kyin dut ai hkrum sha ai shaloi, na a Karai Kasang Yehowa hpang de bai wa nna, shi a nsen madat lu na marin dai: