2 KORINHTU 2:17 - Jinghpaw Hanson Version Bible

¹⁷ Ndai bungli shachyen na kadai wa ging ram nga a ta? Kaning rai nme law, Karai Kasang a mungga hpe pau chye ai masha law law ni zawn anhte n rai nga ai sha, san seng ai myit hte mung, Karai Kasang kaw nna mung, Karai Kasang a man e anhte Hkristu hta tsun nga ga ai.

Jinghpaw Common Language Bible 2009

¹⁷ Anhte gaw kaga masha law law ni zawn, Karai Kasang a mungga hpe manu hpa ai gun rai hpe zawn dut mari ai lam n galaw ga ai. Rai ti mung anhte gaw Karai Kasang e shangun dat ai ni rai nna, Hkristu a shangun ma ni hku nna Karai Kasang a man e dai mungga hpe teng man san seng ai myit hte hkaw tsun ga ai.

2 KORINHTU 2:17 ပူးပေါင်းရင်းမြစ်များ

YEREMIA 5:31

myihtoi ni masu ai ga htoi nna, hkinjawng ni dai lam hkan let, up nga ma ai; nye a amyu masha ni mung dai lam hpe ra ma ai; dai rai nna, hpang jahtum e nanhte hpa galaw na myit ta?”

MAHTE 24:24

Kaning rai nme law, masu ai Hkristu hte rai timung, masu ai myihtoi hte rai timung paw pru nna, lata la sai ni hpe pyi shadam lu yang, shadam kau lu hkra lamik kumla hte mauhpa amu kaba madun dan na ra ai.

KASA 20:20

nanhte a matu akyu rawng ai lam magup hpe n ginhtim da ai sha, shawa yawng a man e da, nta shagu hkan e da,

KASA 20:27

Kaning rai nme law, Karai Kasang a ra ai hku hte tup, nanhte hpe hkaw dan na, ngai ginhtim yu nngai n rai.

1 KORINHTU 5:8

Dai rai nna, dingsa matsi hte n rai, n hkru n hkra ai hte hpye ai amu ngu ai matsi hte mung n re ai sha, matsi n rawng ai san pra nna tengman ai hte, anhte poi galaw sha ga.

2 KORINHTU 1:12

Kaning rai nme law, Karai Kasang a chyoi pra nna san seng ai myit hte, dinghta hpaji n lawm ai sha, Karai Kasang a chyeju hte, mungkan ga e anhte htinglet nga nna, nanhte hte rau grau nna dai zawn rai nga ga ai hpe, anhte a myit masin a sakse hkam ai lam ngu ai gaw, anhte a gumrawng shara rai nga ai.

2 KORINHTU 1:18

Gaja wa, Karai Kasang teng nga ai hte maren, anhte a ga gaw nanhte kaw, Rai sa, n rai sa, ngu ai n rai.

2 KORINHTU 11:11

Dai gaw hpa majaw rai kun? Nanhte hpe n tsaw n ra ai majaw rai kun? Karai Kasang gaw chye nga ai.

2 KORINHTU 12:19

Bai, anhte gaw nanhte a man e mara raw ai ga tsun nga ga ai, nanhte a nawn nga myit ni? Hkristu hta Karai Kasang a man e nan, anhte tsun nga ga ai. Rai timung, tsawra ai ni e, nanhte hpe shadaw shalan na matu, lam yawng mayawng hte gaw rai nga ai.

2 KORINHTU 4:2

makoi magap re ai kaya kahpa hpe anhte rap di kau sagaw ai hte, hkalem hkalau ai mung n hkan nna, Karai Kasang a mungga hpe gale galau n di ai sha, dai tengman ai lam shapraw shadan let, Karai Kasang a man e, masha yawng mayawng a myit masin kaw, anhte hkum a atsam marai anhte dan nga ga ai.

2 KORINHTU 6:7

tengman ai mungga hta, Karai Kasang a n-gun atsam hta mung; dinghpring ngu ai hpyen hking gaw hkra maga pai maga e sumraw ai hte,

GALATI 1:6

Hkristu a chyeju hta nanhte hpe shaga la ai wa kaw na nde wa alawan hka wa nna, kabu gara shiga kaga hpang de hkan nang myit dai majaw, ngai amau nga nngai.

1 HTESALONI 2:4

dai kabu gara shiga lang ging ai ni ngu ai, Karai Kasang a ahkang hkam ga ai hte maren, masha hpe sharawng awng ai zawn n rai, anhte a kraw lawang hpe manaw yu ai Karai Kasang hpe sharawng awng na zawn, anhte tsun nga ga ai.

TITU 1:11

shanhte a n-gup mai matsut nga ai; shanhte gaw n san n seng ai sut matu n mai sharin ai lam sharin shaga ya nna, htinggaw ting ting hpe shabrun kau mu ai.

HEBRE 11:27

Kamsham ai hte, Egutu hkawhkam a masin pawt ai hpe n hkrit ai sha, dai mung na pru kau da wu ai, kaning rai nme law, myi hte n mu lu ai wa hpe mu lu ai hpe zawn, shakut sharang nga ai.

1 PETRU 4:11

Yesu Hkristu a marang e, lam shagu hta e, Karai Kasang gaw shagrau shatsaw ai hkrum wa u ga, marai langai ngai ga tsun nga a yang gaw, Karai Kasang a mungga hte maren tsun nga u ga; langai ngai galaw daw nga a yang gaw, Karai Kasang jaw da ai n-gun lagaw hte maren, galaw daw nga u ga. Yesu Hkristu nan, hpung shingkang hte n-gawn tawa hpung shingkang, htani htana prat dingsa e anga nga ai law. Amen.

1 YAWHAN 4:1

Tsawra ai ni e, wenyi shagu hpe hkum kam nga myit; dai wenyi ni Karai Kasang kaw na rai nga ma ai kun, chyam yu nga mu; kaning rai nme law, masu ai myihtoi law law wa, mungkan ga de sa wa masai.

YUDA 1:4

Kaning rai nme law, tara n hkungga ai, anhte a Karai Kasang a chyeju hpe mak kayut ai amu hte galai kau ma ai rai nna, anhte a Hpareng wa hte Madu shingtai ngu ai Yesu Hkristu hpe nyet kau nhtawm, ndai dawdan ai hkrum na matu, moi chyaloi nhkoi kaw nna, ka matsing da ai masha nkau mi gaw, anhte kaw e mayun shang wa masai.

SHINGRAN 12:9

Shaloi, mungkan ga ting hpe hkalem kau ai, Nat hte Satan ngu ai, moi na lapu rai nga ai baren numraw kaba gaw, jahkrat kau ai hkrum wu ai: shi gaw, le ga de jahkrat kau hkrum ai rai nna, shi a ali ama ni mung shi hte rau jahkrat kau ai hkrum ma ai.

SHINGRAN 19:20

Shaloi dai matse labye rim la ai hkrum wu ai; dai matse labye a masat dingsat hkam la nna, de a hkrang sumla nawku ai ni hpe hkalem kau na matu, matse labye a man e lamik kumla galaw dan ai masu ai myihtoi mung, shi hte rau rim la ai hkrum wu ai: shan lahkawng gaw, kan hte hkru nga ai wan nawng kata de, chyahkrung jahkrat bang kau ai hkrum ma ai:

SHINGRAN 2:20

Rai timung, tinang dai myihtoi num nga ai, dai numsha Yezebela gaw, nang hta naw nga lu ai majaw, nang hpe mara shagun shara ngai mu nngai: shi gaw nye a shangun ma ni hpe, hpye ai amu galaw na hte sumla ni hpe nawng ya ai hkungga sha na lam sharin ya nna, shanhte hpe shut shangun mu ai.