2 KORINHTU 13:8 - Jinghpaw Hanson Version Bible

⁸ Kaning rai nme law, tengman ai ga hte nhtan shai let anhte hpa mung n galaw lu ai sha, tengman ai ga a maga e nga yang she, galaw lu ga ai.

Jinghpaw Common Language Bible 2009

⁸ Hpa majaw nga yang, anhte gaw teng man ai lam hte nhtan shai ai hpa mung n galaw ga ai, teng man ai lam a maga de sha tsap ga ai.

2 KORINHTU 13:8 ပူးပေါင်းရင်းမြစ်များ

1 HKAWHKAM 22:28

Mihkaia gaw, “Nang gaja wa ngwipyaw ai hte bai wa n yang gaw, Yehowa nye a n-gup hte ga htawn tsun sai n rai,” ngu wu ai. Bai shi gaw, “Mung masha ni e, Yawng hte gaw, dum nga mu law,” nga ai.

GA SHAGAWP 21:30

Hpaji gade, chye chyang ai myit gade, hpaji daw ai lam gade rai timung, Yehowa hpe dang lu na lam n nga ai.

GA SHAGAWP 26:2

U tsa gaw pyau hkawm nna, pilan gaw pyen mat wa ai zawn, Kaman e dagam ai ga gaw, byin lu na n rai.

MARKU 9:39

Yesu mahtang, “Shi hpe hkum hkum myit: nye a amying hte magam amu galaw ai wa gaw, nye a lam hpe n kaja ai ga alawan tsun lu na, kadai mung n nga ai:

2 KORINHTU 10:8

Nanhte hpe sharun shabya na majaw n rai, nanhte hpe shadaw shalan na matu, dai Madu anhte hpe jaw da sai ahkang aya a lam ngai grai wa naw gumrawng nga timung, ngai hkrit kaya hkrum na nngai n rai;

2 KORINHTU 13:10

Dai re ai majaw, nanhte hte rau nga ai shaloi sharun shabya na matu n rai, shadaw shalan na matu sha dai Madu ngai hpe jaw da ai ahkang aya hte maren, aja awa n di u ga she, ya e naw tsan gang nga yang, ning rai ngai ka dat nngai.

2 KORINHTU 13:7

Dai hta kaga, anhte dinglik hkam lu ai lam dan wa u ga n re ai sha, anhte dinglik n hkam lu ai ni zawn rai na ga ai rai timung, nanhte gaw kaja ai lailen galaw lu myit ga hte, n kaja ai lai len n galaw myit ga, ngu nna Karai Kasang hpe anhte ahpyi nga ga ai.

2 KORINHTU 13:9

Dai rai nna, anhte gawng kya nga nna nanhte n-gun ja nga yang, anhte kabu gara nga ga ai: shing rai nanhte hkum tsup lu myit ga, dai lam mung anhte ahpyi nga ga ai.

1 TIMOHTI 1:20

Shanhte hta Humeni yan Alesandru lawm ma ai rai nna, shan gaw shatan nhkan ga koi gam nga na sharin la mu ga, ngai shan hpe Satan a lata de ap kau mase ai.