2 KORINHTU 13:7 - Jinghpaw Hanson Version Bible

⁷ Dai hta kaga, anhte dinglik hkam lu ai lam dan wa u ga n re ai sha, anhte dinglik n hkam lu ai ni zawn rai na ga ai rai timung, nanhte gaw kaja ai lailen galaw lu myit ga hte, n kaja ai lai len n galaw myit ga, ngu nna Karai Kasang hpe anhte ahpyi nga ga ai.

Jinghpaw Common Language Bible 2009

⁷ Nanhte gaw shut ai lam hpe n galaw myit ga, ngu nna anhte Karai Kasang kaw akyu hpyi ga ai. Dai gaw, anhte chyam dinglik ai hpe awng dang ai lam madun dan na matu n rai, anhte ni gaw hkrat sum mat ai ni zawn san ti mung, nanhte teng man ai hpe galaw lu myit ga she hpyi ya nga ga ai.

2 KORINHTU 13:7 ပူးပေါင်းရင်းမြစ်များ

1 HKAWHKAM LABAU 4:10

Yabet mung, Israela Karai Kasang hpe, “Nang ngai hpe shaman ya nna, nye a lamu ga jarit dam lada di ya e! Ngai yawn hkyen ai hta lawt lu n ga na a lahpum hte n hkru n hkra ai hta na ngai hpe magawp maga la e!” ngu nna hpyi jahtau wu ai. Karai Kasang mung shi hpyi ai ga madat mara ya wu ai.

MAHTE 6:13

Agung alau nga ai de, anhte hpe n sa shangun ai sha, N kaja ai lam hta na, shaw la mi law.

YAWHAN 17:15

Ndai ni hpe mungkan ga na htawt la na, ngai hpyi nngai n rai, n shawp n kap ai hta na shanhte hpe makawp maga na she, ngai hpyi nngai.

ROMA 1:28

Bai, Karai Kasang hpe chye chyang na man ya e n gawn n sawn di mu ai majaw, n hpru n mai re ai amu galaw mu ga, Karai Kasang gaw shanhte hpe tuk shamak ai myit hta nawng kau mu ai rai nna,

ROMA 12:17

N kaja ai a majaw, n kaja ai hku kadai hpe mung hkum tai mu, Masha yawng mayawng a man e htaphtuk ai ningli madun na, myit yu nga mu.

ROMA 13:13

Tangpyaw shalai ai hte chyaru nang ai, shawa num gaswi ai hte ngang kayut ai, ga law ga la ai hte manawn masham ai hpe n hkan tam ai sha, shani chyingtung na shingdi ai zawn anhte a hkawm nga ga.

ROMA 16:10

Hkristu hta e jet rai nga ai Apele hpe shakram ya mi. Aristobulu a nta na ni hpe shakram ya mi.

1 KORINHTU 11:19

Kaning rai nme law, nanhte hta e tengman ai ni dan pru u ga, bra wa na lam pyi nanhte hta e byin lu na ra ai.

2 KORINHTU 10:10

Kaning rai nme law, shi a laika ni gaw li la ai hte atsam rawng ai laika rai lu ai rai timung, shi hkum nan rau nga nga yang, shi a hkum hpung n rawng nna, shi a tsun ai ga akyu n rawng lu ai, nga nna tsun ai ni nga ma ai.

2 KORINHTU 10:18

Kaning rai nme law, tinang hkum hpe shagrau ai wa n rai, dai Madu shagrau ai wa chyu sha, ging dan ngu ai hkam la nga ai.

2 KORINHTU 13:6

Anhte mahtang dinglik n hkam lu ai ni n rai nga ga ai hpe, nanhte chye lu myit ga, ngai myit mada nga nngai.

2 KORINHTU 13:8

Kaning rai nme law, tengman ai ga hte nhtan shai let anhte hpa mung n galaw lu ai sha, tengman ai ga a maga e nga yang she, galaw lu ga ai.

2 KORINHTU 13:9

Dai rai nna, anhte gawng kya nga nna nanhte n-gun ja nga yang, anhte kabu gara nga ga ai: shing rai nanhte hkum tsup lu myit ga, dai lam mung anhte ahpyi nga ga ai.

2 KORINHTU 6:4

shakut sharang ai law law hta, tsin-yam tsindam hta, kyin dut ai hta, shagyeng ai hta,

2 KORINHTU 8:21

kaning rai nme law, dai Madu a man e sha n rai, masha a man e mung htaphtuk ai ningli madun na, anhte myit yu nga ga ai.

HPILIPI 4:8

Dai hta kaga, hpunau ni e, hpa tengman ai lam rai timung, hpa htuk htap re ai lam rai timung, hpa dinghpring ai lam rai timung, hpa san seng ai lam rai timung, hpa sharawng awng ai lam rai timung, hpa sha-a ram ai lam rai timung, arawng re ai lam lama ma, shakawn kungdawn re ai lam lama rai nga yang gaw, dai lam hte hpe myit ada yu nga mu.

1 HTESALONI 5:23

Ngwipyaw ai a npawt Karai Kasang nan nanhte hpe hkum dinghkum shachyoi shapra myit ga; anhte a Madu Yesu Hkristu bai du sa ai shaloi e, nanhte a wenyi, myit masin hte hkumhkrang ting gaw, mara n kap hkra pau nga u ga.

1 TIMOHTI 2:2

hkawhkam ni hte ahkang aya lu ai ni mahkra a matu mara mung, hpyi nem ai, akyu hpyi ai, hpyi htinglu ya ai hte shakawn kungdawn nga u ga, shaje mahkra a shawng e, ngai shadut jahkat dat nngai.

2 TIMOHTI 2:15

Nang chyawm gaw, kaya shara n rawng ai sha, dai tengman ai mungga hpe ding ding chye hpajang ai magam gun hpai wa zawn, Karai Kasang a man e myi man pa lu hkra, na hkum shadan dan na, a shaja nga u.

2 TIMOHTI 4:18

Dai madu gaw n hkru n hkra ai lam yawng hta na ngai hpe mawai la nna, shi a sumsing lamu mungdan hkap hkra, hkye hkrang la na ra ai: shi gaw htani htana prat dingsa hpung shingkang anga nga u ga law Amen.

YAKU 1:12

Agung alau hkrum yang shakut sharang ai wa gaw, a nga lu ai: kaning rai nme law, dinglik yu ai hkrum ngut jang, Karai Kasang shi e tsawra ai ni hpe ndat da ai asak janmau gaw, shi lu la na ru ai.

1 PETRU 2:12

tara maigan de na ni, nanhte hpe baw law nna n kaja ai hku shatu ma yang, nanhte a kaja ai amu mu la nna, dai dawdan ai nhtoi hta e Karai Kasang hpe shagrau lu mu ga, shanhte a man e nanhte a arawn alai tsup nga lu u ga law.