2 KORINHTU 13:5 - Jinghpaw Hanson Version Bible

⁵ Nanhte gaw dai makam masham hta de nga myit dai kun, tinang dai chyam yu mu; nanhte tinang hkum hpe dinglik yu mu: dinglik yu ai n hkam lu ai ni, nanhte n rai nga myit yang me, Yesu Hkristu nan nanhte a hkum hta e rawng nga ai hpe, nanhte n chye nga myit ni?

Jinghpaw Common Language Bible 2009

⁵ Nanhte gaw dai makam masham hta asak hkrung nga ai ni rai n rai mu chye lu na matu tinang hkum hpe san jep nna jeyang yu nga mu. Nanhte tsep kawp sum hkrum ai ni n rai myit yang gaw, Hkristu Yesu nanhte hta nga nga ai lam hpe nanhte teng sha chye lu na myit dai.

2 KORINHTU 13:5 ပူးပေါင်းရင်းမြစ်များ

SHAKAWN KUNGDAWN 119:59

Nye a lam hpe ngai myit yu nga nna, Na a sakse ga hpang de, kayin wa nngai.

SHAKAWN KUNGDAWN 17:3

Nang nye a myit hpe dinglik ya yu nit dai; Shana e nang ngai hpe kawan yu nna, Ngai hpe chyam yu yang, hpa mung n mu ndai: Ngai myit ai lam nye a n-gup hte n shai li ai.

SHAKAWN KUNGDAWN 26:2

Yehowa e, ngai hpe dinglik yu nna chyam yu e, Nye a nhkyun ni hte masin salum hpe manaw yu u.

YEREMIA 6:30

Yehowa shanhte hpe kau da ai majaw, kau da mai ai gumhpraw,” ngu nna shanhte hpe shamying na ra ai.

SHARUNG SHAYAWT 3:40

Anhte gaw, tinang hkan ai lam hpe sagawn yu nna, Yehowa hpang de nhtang wa saga.

EZEKELA 18:28

Shi galaw yu ai, tawt lai ai yubak mahkra hpe sumru yu nna kau da ai majaw, shi teng teng hkrung nga na ra ai; shi si na, n rai.

HAGI 1:5

Dai re ai majaw, Zaw nawng zaw wa up ai Yehowa ning nga ai: Tinang lam sumru yu mu.

HAGI 1:7

Zaw nawng zaw wa up ai Yehowa ning nga ai: Tinang lam sumru yu mu.

YAWHAN 14:23

Yesu gaw, “Ngai e tsawra ai wa rai yang gaw, nye ga matsun hkan shatup na ra ai: nye Wa mung dai wa hpe tsawra na wu ai rai nna, an lahkawng gaw dai wa kaw sa nna shi hte rau hpawng de nga na ga ai.

YAWHAN 15:4

Tsabyi lakung gaw tsabyi ru madung hta n jung n noi yang gaw, shi chyu sha asi n si lu ai zawn, nanhte mung ngai hta n jung n noi myit yang gaw, asi n si lu na myit dai.

YAWHAN 17:23

nang ngai hpe shangun dat ndai hte nang ngai hpe tsawra ndai zawn, shanhte hpe mung tsawra nga ndai gaw, mungkan masha ni chye lu na matu mung, nang ngai e jaw ai hpung shingkang hpe, ngai shanhte hpe jaw da mase ai.

YAWHAN 17:26

nang ngai e tsawra ai n-gaw nwai myit gaw, shanhte hta anga nga u ga mung, ngai shanhte hta anga nga na matu mung, na a mying ningsang hpe ngai shanhte e shachye shachyang mase ai rai nna, a shachye shachyang nga na nngai law,” nga ai.

YAWHAN 6:56

Nye a ashan sha nna, nye a asai lu ai wa gaw, ngai hta rawng nga ai; dai wa hta mung ngai rawng nga nngai.

YAWHAN 6:6

Shing nga san ai gaw, Hpilip hpe chyam yu na nga nna rai nga ai: kaning rai nme law, kaning di na gaw, shi dai chye da nu ai.

ROMA 1:28

Bai, Karai Kasang hpe chye chyang na man ya e n gawn n sawn di mu ai majaw, n hpru n mai re ai amu galaw mu ga, Karai Kasang gaw shanhte hpe tuk shamak ai myit hta nawng kau mu ai rai nna,

ROMA 8:10

Hkristu gaw nanhte hta e nga nga a yang gaw, hkumhkrang gaw yubak a majaw si nga rai timung, wenyi mahtang dinghpring ai a majaw ahkrung nga ai.

1 KORINHTU 11:28

Dai majaw kadai wa mung tinang hkum hpe san dinglik yu nhtawm, dai muk hta e sha u ga, dai gawm hta na mung lu u ga.

1 KORINHTU 11:31

Anhte gaw tinang dai hpe gawn dinglik ga yang gaw, tara dara ai n hkrum na ga ai.

1 KORINHTU 3:16

Nanhte gaw Karai kasang a nawku htingnu rai nga nna, Karai Kasang a Wenyi gaw nanhte hta e rawng nga malit dai hpe, nanhte n chye nga myit ni?

1 KORINHTU 6:15

Nanhte a hkumhkrang ni Hkristu a daw shan ni rai nga ai hpe, nanhte n chye nga myit ni? Dai rai yang gaw, Hkristu a daw shan ni hpe ngai jahka kau nna shawa num a daw shan ni shatai na rai nga a ni? Shing n rai law.

1 KORINHTU 6:19

Dai hta n-ga, nanhte a hkumhkrang gaw, Karai kasang kaw na nanhte lu la ai hte, nanhte hta e rawng nga ai Chyoi pra ai Wenyi a htingnu rai nga ai, nanhte n chye nga myit ni? Nanhte gaw tinang hkum hpe pyi up lu ai n rai;

1 KORINHTU 6:2

Chyoi pra ai ni gaw mungkan ga hpe tara dara na mara ai, nanhte n chye nga myit ni? Mungkan ga gaw nanhte e tara dara ai hkrum a yang gaw, kaji htum ai lam hte hpe tara dara na, nanhte n ging nga myit ni?

1 KORINHTU 9:24

Gat shingjawng ai shara e yawng gat ma timung, marai langai wa sha dai kumhpa lu la nga ai, nanhte n chye nga myit ni? Shing rai nanhte lu la hkra gat shingjawng nga mu;

1 KORINHTU 9:27

masha kaga hpe tara hkaw ngut ai hpang, ngai hkum nan sum kau ai n hkrum u ga, nye a hkum hpe ngai htwi kau nna, dai hpe shagrit da we ai.

2 KORINHTU 6:16

Karai Kasang a nawku ai htingnu gaw, gawngngu sumla ni hte rau kaning rai kahtep lu na a ta? Kaning rai nme law, Ngai shanhte a kata de shanu nga nna ginrun nga na hte, Shanhte a Karai Kasang ngai tai na nngai rai nna, Shanhte gaw nye a amyu tai na mara ai, nga nna Karai Kasang tsun dan nga ai hte maren, ahkrung nga ai Karai Kasang a nawku ai htingnu gaw, anhte rai nga ga ai.

GALATI 2:20

Ngai gaw Hkristu hte rau wudang hta jen da ai hkrum nngai. Ngai hkum nan naw hkrung nga nngai n rai, Hkristu gaw ngai hta e ahkrung nga ai: ya e dai hkum shan hta ngai hkrung nga nngai gaw, ngai hpe tsawra nna, nye a matu mara shi hkum dai shi ap kau ai Karai Kasang a Kasha a makam masham hta sha ngai hkrung nga nngai.

GALATI 4:19

Nye a ma kaji ni e, Hkristu a shing-yan nanhte hta hkum wa ai du hkra, shangai wa ai shinggyim machyi hpe ngai nanhte a matu naw hkam nga nngai.

GALATI 6:4

Langai hte langai gaw tinang a bungli hpe dinglik yu u ga; shaloi shi gaw masha kaga hta n rai, tinang hta sha gumrawng shara rai na ra ai;

EHPESU 3:17

Hkristu gaw nanhte a kraw lawang e makam masham hte shanu nga lu u ga, shi a n taw n tsang ai hpung shingkang hte maren, nanhte hpe chyeju gam jaw na hte,

KOLOSE 1:23

shi a si hkam ai a marang e, shi a hkumhkrang na ashan hta e shi ya e nanhte hpe htinglu htinglai ya manit dai: dai kabu gara shiga a gun hpai ai wa ngai Pawlu nan tai wa ni ai.

KOLOSE 1:27

Dai sung htum ai lam chyawm gaw, shi a chyoi pra ai ni hpe ya e shadan dan nu ai; ndai sung htum ai lam a hpung shingkang ngu ai sutgan gaw, maigan masha ni hta hpa rai nga ai gaw, shanhte hpe shadan dan u ga, Karai Kasang gaw ra nga ai: dai gaw, Hkristu gaw nanhte hta e nga ai hpe, hpung shingkang myit mada ai lam ngu ai, rai nga ai.

KOLOSE 2:19

dai baw hta nna, hkum ting gaw hkrihkraw lamyi hte lasa ni hta lanawn ya ai hkrum nna shachyaw nga let, Karai Kasang a kaba wa shangun ai hte kaba wa nga ai.

KOLOSE 2:7

shi hta e ru jung nna gaw da nga ai hte, nanhte sharin achyin la ai hte maren, nanhte a makam masham hta ngang ngang hkang hkang rai nga let, dai hta e shakawn kungdawn ai hte law htam wa mu.

1 TIMOHTI 2:15

Rai timung, shatep ai hte makam masham, tsawra nna chyoi pra ai hku hkan nang nga yang gaw, dai kasha shangai na lam a marang e shi hkye hkrang la ai hkrum na ra ai.

2 TIMOHTI 3:8

Yanne yan Yambre gaw Mawshe hpe hkum shadang nga ai zawn, dai ni mung dai tengman ai lam hpe hkum shadang ma ai: shanhte gaw myit hten tsam mat wa nna, kamsham lam hta maju n jung ai masha rai nga ma ai.

TITU 1:13

Dai sakse teng nga ai. Dai rai nna, Yuda maumwi hpe mung, tengman ai lam hpe jahka kau ai masha ni a htet da ai ga hpe mung, n madat la ai sha,

TITU 1:16

Karai Kasang hpe chye chyang ga ai, nga ma timung, matsat shabat re ai ni hte n madat mara ai ni rai nga nna, mai kaja ai amu yawng mayawng a matu n htuk ma ai majaw, tinang a arawn alai hte shi hpe nyet kau ma ai.

TITU 2:2

dingla ni gaw, myit sharam chye ai tem si re ai, myit su nna, kamsham ai, tsawra ai hte shakut sharang ai hta, kunghpan wa mu ga.

HEBRE 12:15

Nanhte hta na langai ngai, Karai Kasang a chyeju hkam la ai hta n yet mat myit ga mung, nanhte hpe sharu shatsang lu hkra, hka la ai ru tu pru nna, law malaw hpe awu asin di kau ai n hkrum myit ga mung,

HEBRE 4:1

Dai re ai majaw, shi a ban sa ai de shang lu na, ga sadi naw nga nga dingsa, nanhte hta na langai ngai dai de hkoi n dep lu na hpe, anhte myit tsang nga ga.

HEBRE 6:8

ju hpun hte atsing sha shatut yang chyawm gaw, kau da ai hkrum nna, dagam hkrum magang nga ai hte, de a jahtum gaw, wan nat kau hkrum na, rai nga ai.

YAKU 4:4

La shaw ai ni e, mungkan ga hpe jinghku hku ai myit gaw, Karai Kasang hpe n dawng n yawt ai myit rai nga ai, nanhte n chye nga myit ni? Dai rai nna, mungkan ga a jinghku tai mayu ai wa kadai rai timung, Karai Kasang hpe n dawng n yawt ai wa tai nga ai.

1 PETRU 5:9

Mungkan ga e nga ai nanhte a nhpu nnau ni mung, dai zawn re ai nni nkri hkrum nga ai hpe nanhte chye lu nna, kamsham ai myit hte dai Nat hpe dakring dakan di ahkap nga mu.

SHINGRAN 2:5

Dai re ai majaw, nang garai n hkrat yang na shara hpe bai dum u; myit malai lu u, shawng na arawn alai bai hkan u: shing n rai yang, ngai nang kaw du nna, nang myit malai n lu yang gaw, na a pyengdin hpe de a shara na sit kau ya na de ai.