2 KORINHTU 13:11 - Jinghpaw Hanson Version Bible

¹¹ Dai hta kaga gaw, hpunau ni e, kabu gara nga mu; hkum hkum tsup tsup rai nga mu; shangwi shapyaw ai hkam la mu; myit mang langai sha rai nga mu; ngwipyaw ai lam hkan nna, tsawra myit rawng ai hte ngwipyaw shangun ai Karai Kasang gaw nanhte hte rau anga nga na ra ai.

Jinghpaw Common Language Bible 2009

¹¹ Nye a hpu nau ni e, ya anhte shakram dat ga ai, nanhte yawng ngwi pyaw nga myit ga law! hkum hkum tsup tsup rai nga lu hkra matut nna shakut shaja nga mu. Nye a hpyi lajin ai ga ni hpe madat mara nna shada da myit hkrum nga let ngwi pyaw sim sa ai hku nga nga mu. Tsaw ra myit rawng ai hte ngwi pyaw shangun ai Karai Kasang gaw nanhte hte rau nga nga na ra ai.

2 KORINHTU 13:11 ပူးပေါင်းရင်းမြစ်များ

NINGPAWT NINGHPANG 37:4

Shanhte a kawa gaw shi kasha ni mahkra hta Yawsep hpe grau tsaw da wu ai gaw kahpu ni mu mu yang, shanhte gaw shi hpe n dawng nga ma ai rai nna, shi hpe ga ngwi ga sau hkaw mi muk n tsun kam ma ai.

NINGPAWT NINGHPANG 45:24

Nanhte hkrun lam e ga law ga la hkum rai myit, nga nna htet dat let, shanhte hpe shabawn dat mu ai rai nna, kahpu kanau ni pru mat wa ma ai.

MAHTE 1:23

Shi gaw, “Yu u, dai hkawnsek gaw na-um nasin rai wa na rai nna, shadang sha shangai na ra ai, Shi a amying, Emanuela shamying ya na maru ai,” nga ai: de a ga lachyum, “Karai Kasang anhte hte rau rai nga ai,” nga ai re ai.

MAHTE 5:48

Dai majaw, sumsing lamu na nanhte a Kawa gaw kup nga ai hte maren, nanhte mung kup kup rai nga mu.

MARKU 10:49

Yesu gaw, tsap let, “Shi hpe shaga wa marit,” nga ai. Dai rai nna shanhte gaw, dai myi kyaw ai wa hpe shaga ai hte, “Ngwipyaw n ga; rawt u, shi nang hpe shaga nga ai,” ngu mu ai.

MARKU 9:50

Jum gaw kaja nga ai: rai timung, jum hkawng mat yang gaw, hpa hte jashum la lu na myit ta? Nanhte hta jum sharawng da mu: nanhte shada da ahkau achyap rai nga mu,” ngu mu ai.

LUKA 9:61

Bai masha kaga langai wa mung, “Madu e, ngai nang kaw hkan nang na nngai; rai timung, nye nta na ni hpe wa shakram na ahkang naw jaw e,” ngu wu ai.

YAWHAN 17:23

nang ngai hpe shangun dat ndai hte nang ngai hpe tsawra ndai zawn, shanhte hpe mung tsawra nga ndai gaw, mungkan masha ni chye lu na matu mung, nang ngai e jaw ai hpung shingkang hpe, ngai shanhte hpe jaw da mase ai.

KASA 15:29

dai hte hpe nanhte koi gam nga yang, mai kaja na rai malit dai. Hkam kaja nga myit ga law,” nga ai.

KASA 18:21

Karai Kasang hkraw yang gaw, ngai nanhte hpang de bai du na ring ngai,” ngu nna shanhte hpe shakram da nhtawm, Ehpesu kaw na li hte pru mat wa ai.

KASA 23:30

Ndai wa hpe sat kau na, hpaji daw ai lam ngai hpe shana ma ai majaw, shaloi jang ngai shi hpe nang hpang de sa kau dat nna, shi e mara shagun mayu ai ni mung, na a man e sa shagun hkat na hku, hkang dat mawe ai,” nga ai.

ROMA 12:16

Langai hte langai shada da myit shara mu; arawng lam n tam ai sha, arawng n lu ai ni hte mazum hkau nga mu. Tinang hkum hpe hpaji rawng ai zawn, hkum nawn nga myit.

ROMA 12:18

Nanhte rai lu myit dai daram, masha nlang hte hte myit hkrum nna hkau chyap nga mu.

ROMA 14:19

Dai re ai majaw, ngwipyaw ai lam hte, shada da sharin hkang na lam hpe, anhte hkan shachyut nga ga.

ROMA 15:13

Ya, Chyoi pra ai Wenyi a n-gun atsam hte myit mada ai lam hta nanhte gumring gumrat rai wa myit ga, myit mada npawt rai nga ai Karai Kasang gaw, kamsham ai lam hta e, chyeju hte ngwipyaw ai amyu myu nanhte hpe jahpring shatsup ya myit ga law.

ROMA 15:33

Ya, ngwipyaw ai a npawt Karai Kasang gaw, nanhte yawng mayawng hte rau anga nga u ga law. Amen

ROMA 16:20

Ngwipyaw ai a npawt Karai Kasang gaw, gade n na yang, nanhte a lagaw npu e Satan hpe kabye arin na ra ai. Anhte a Madu Yesu a chyeju gaw nanhte hte rau anga nga u ga law,

1 KORINHTU 1:10

Hpunau ni e, nanhte nlang hte gaw ga langai sha tsun nga nna, nanhte hta e hka wa bra wa na lam n nga ai sha, myit mang langai sha hte mung sumtu langai sha hta e nanhte hkum tsup lu myit ga, anhte a Madu Yesu Hkristu a amying ningsang a marang e, ngai nanhte hpe shadut jahkat dat made ai.

2 KORINHTU 1:4

Karai Kasang kaw na anhte hkum nan lu la sagaw ai shangwi shapyaw ai lam tau yu yang, dai shangwi shapyaw ai a marang e, tsin-yam tsindam amyu myu hkrum ai ni hpe shangwi shapyaw lu hkra, anhte a tsin-yam tsindam amyu myu hta shi anhte hpe shangwi shapyaw mi ai.

2 KORINHTU 13:9

Dai rai nna, anhte gawng kya nga nna nanhte n-gun ja nga yang, anhte kabu gara nga ga ai: shing rai nanhte hkum tsup lu myit ga, dai lam mung anhte ahpyi nga ga ai.

EHPESU 4:12

shi gaw nkau mi hpe kasa, nkau mi hpe myihtoi, nkau mi hpe kabu gara shiga hkaw hkawm ai ni, nkau mi hpe hpung up hte sara di nna, jaw da shajang mu ai.

EHPESU 4:3

Wenyi a myit hkrum ai lam hpe ngwipyaw ai makyit sumri hte hkan shatup na, larau ladau rai nga mu.

EHPESU 6:23

Kawa Karai Kasang hte, Madu Yesu Hkristu kaw nna, ngwipyaw ai hte makam masham hta lawm ai tsawra ai gaw, hpunau ni kaw anga nga u ga.

HPILIPI 1:27

Dai hta n-ga, nanhte a arawn alai gaw Hkristu a kabu gara shiga a lam hte ging dan nga u ga: shing rai jang, ngai du nna nanhte hpe hkrum lu rai timung, naw tsan gang nga rai timung, Wenyi langai sha hte nanhte lahpran tsap nga nna, myit masin langai sha hte dai kabu gara shiga a makam masham a lam hkying hkat nga myit dai gaw, ngai nanhte a lam na lu na nngai:

HPILIPI 3:16

rai timung, ya dep madep hte hte maren, dai arawn alai hta anhte hkawm nga ga.

HPILIPI 4:2

Dai Madu hta e myit langai sha rai nga mu ga, Eodia hpe ngai shadut jahkat nngai, Suntuki hpe mung shadut jahkat nngai.

HPILIPI 4:4

Dai Madu hta tutnawng e kabu gara nga mu; bai ngai tsun nngai, kabu gara nga mu.

HPILIPI 4:9

Ngai kaw e, nanhte sharin la nna hkap la ai hte, na yu nna mu yu ai lam hte hpe, hkan galaw nga mu: shaloi ngwipyaw ai a npawt Karai Kasang gaw, nanhte hte rau anga nga na ra ai.

1 HTESALONI 3:10

Nanhte a myi man mu lu nna, nanhte a makam masham hta naw ra nga ai hpe shatup shatsup lu u ga, anhte shani shana akyu grai hpyi nga ga ai.

1 HTESALONI 4:1

Bai lam mi gaw, hpunau ni e, nanhte gaw Karai Kasang a man e kaning rai hkawm lu nna shi ra ai hku shadik lu na, anhte kaw na nanhte hkam la ai hte nanhte hkawm yu myit dai hte maren, dai hta e grau nna law htam wa myit ga, Madu Yesu hta anhte nanhte hpe hpyi nem nna shadut jahkat dat ga ai.

1 HTESALONI 4:18

Dai re ai majaw, ndai ga hte nanhte shada da shangwi shapyaw hkat nga mu.

1 HTESALONI 5:13

shanhte a amu bungli majaw, tsawra ai myit hte shanhte hpe grai wa hkungga lara nga na, anhte nanhte hpe hpyi nem nga ga ai: nanhte mung shada da ngwipyaw nga mu.

1 HTESALONI 5:16

Tutnawng e kabu gara nga mu:

1 HTESALONI 5:23

Ngwipyaw ai a npawt Karai Kasang nan nanhte hpe hkum dinghkum shachyoi shapra myit ga; anhte a Madu Yesu Hkristu bai du sa ai shaloi e, nanhte a wenyi, myit masin hte hkumhkrang ting gaw, mara n kap hkra pau nga u ga.

2 HTESALONI 2:16

Ya, anhte hpe tsawra nga nna, chyeju a jaw e anhte hpe htani htana shangwi shapyaw ai hte, mai kaja ai myit mada shara jaw ai, anhte a Wa Karai Kasang hte anhte a Madu Yesu Hkristu nan,

2 HTESALONI 3:1

Bai, lam mi gaw, hpunau ni e, dai Madu a mungga gaw nanhte hta chyam wa nna hpung shingkang lawm nga ai hte maren, shara shagu hkan e chyam wa nna hpung shingkang lawm lu na hte,

2 HTESALONI 3:16

Ya, ngwipyaw ai a npawt, dai Madu nan, nanhte hpe tutnawng e lam shagu hta ngwipyaw ai, a jaw nga u ga. Dai Madu gaw nanhte nlang hte rau anga nga u ga law.

2 TIMOHTI 2:22

Dai rai nna, brang ram a myit kayut ai lam koi gam u: san seng ai myit hte dai Madu hpe shaga gang ai ni hte rau, dinghpring ai, kamsham ai, tsawra ai hte ngwipyaw ai hpe, hkan shachyut nga u.

HEBRE 12:14

Masha yawng mayawng hte ngwipyaw lu hkra mung, chyoi pra ai hpe dep lu hkra mung, hkan tam nga mu; chyoi pra ai n rawng yang gaw, kadai mung dai Madu hpe mu lu na n rai.

HEBRE 13:20

Anhte a Madu Yesu ngu ai, sagu hpung ni a sagu rem wa kaba hpe, htani htana ga shaka asai hte si ai ni kaw na bai woi wa ai, ngwipyaw ai a npawt Karai Kasang gaw,

YAKU 1:4

Dai hta n-ga, nanhte hkum hkum chyip chyip rai lu nna, hpa hta mung n kadawn myit ga, shakut sharang ai myit gaw tinang a atsup nga ai bungli hpe, shangut kau lu u ga.

1 PETRU 3:11

N hkru ai hpe koi kau nhtawm, kaja ai galaw nga u ga, Ngwipyaw ai hpe tam nna, hkan sa nga u ga.

1 PETRU 3:8

Dai hta n-ga, nanhte nlang shada da myit hkrum nna, myit yu machyi ai, hpunau shada da tsawra nna, matsan dum ai hte myit gyip ai;

1 PETRU 5:10

Nanhte mahtang chyahkring chyahkra nni nkri hkrum ai hpang, Hkristu hta e htani htana nga ai hpung shingkang a matu, nanhte hpe shaga la da ai, chyeju hkum hkum rawng ai Karai Kasang gaw, shi hkum nan, nanhte hpe shakup shatsup na, shangang shakang na hte n-gun sharawng na marin dai.

SHINGRAN 22:21

Madu Yesu Hkristu a chyeju gaw, chyoi pra ai ni hte rau anga nga u ga law. Amen.