2 KORINHTU 13:10 - Jinghpaw Hanson Version Bible

¹⁰ Dai re ai majaw, nanhte hte rau nga ai shaloi sharun shabya na matu n rai, shadaw shalan na matu sha dai Madu ngai hpe jaw da ai ahkang aya hte maren, aja awa n di u ga she, ya e naw tsan gang nga yang, ning rai ngai ka dat nngai.

Jinghpaw Common Language Bible 2009

¹⁰ Nanhte hte tsan gang nga yang ngai ndai laika hpe ka ai lam gaw, ngai nanhte kaw du sa ai shaloi Madu ngai hpe jaw da ai ahkang aya hpe sheng mareng di nna n jai lang ra na matu rai nga ai. Dai ahkang aya gaw nanhte hpe sharun shabya kau na matu n rai, nanhte hpe gaw gap na matu she rai nga ai.

2 KORINHTU 13:10 ပူးပေါင်းရင်းမြစ်များ

1 KORINHTU 4:21

Nanhte gara hku ra nga myit ta? Ngai gaw shingna hte, shing n rai, tsawra nna sumnung ai wenyi hte, nanhte hpang de sa du na kun?

1 KORINHTU 5:4

dai Madu a nhtoi hta e, ndai wa a wenyi hkye hkrang la ai hkrum u ga, hkumhkrang hten bya na matu,

2 KORINHTU 10:2

anhte gaw hkum shan hking hte hkawm nga ga ai myit nna, anhte a lam nawn ya ai ni nkau mi hpe nachying nden ja ai myit madun na ngai maw nga nngai hte maren, nanhte hte rau nga yang, dai hte wa nden ja ai myit madun shara n nga u ga, ngai hpyi nem nngai.

2 KORINHTU 10:4

anhte a majan gasat na ri nhtu ni gaw hkum shan hte n seng ai sha, hpyen dap ni hpe sharun shabya na matu, Karai Kasang a man e atsam n-gun rawng nga ai;

2 KORINHTU 10:8

Nanhte hpe sharun shabya na majaw n rai, nanhte hpe shadaw shalan na matu, dai Madu anhte hpe jaw da sai ahkang aya a lam ngai grai wa naw gumrawng nga timung, ngai hkrit kaya hkrum na nngai n rai;

2 KORINHTU 13:2

Ngai bai du yang gaw matsan n dum na nngai, ngu nna shawng e tsun ni ai hte maren, ya nanhte hte rau garai n nga rai timung, lahkawng lang na bat e rau nga ai hte maren, ya du hkra shut hpyit ai ni hte kaga yawng mayawng hte hpe, ngai tsun magang made ai;

2 KORINHTU 13:8

Kaning rai nme law, tengman ai ga hte nhtan shai let anhte hpa mung n galaw lu ai sha, tengman ai ga a maga e nga yang she, galaw lu ga ai.

2 KORINHTU 2:3

Dai hta kaga, nye a kabu gara ai lam gaw, nanhte nlang hte a kabu gara ai lam rai nga ai, ngu nna nanhte nlang hte hpe ngai myit kam nngai majaw, ngai sa du ai shaloi e ngai hpe kabu gara mai shangun ai ni gaw myit yawn shara n shabyin u ga she, shawng na laika nan ngai ka dat made ai.

2 KORINHTU 6:6

san pra ai hta, chye chyang ai hta, myit galu kaba ai hta, mai kaja ai hta, Chyoi pra ai Wenyi hta, n sawt ai tsawra ai myit hta,

TITU 1:13

Dai sakse teng nga ai. Dai rai nna, Yuda maumwi hpe mung, tengman ai lam hpe jahka kau ai masha ni a htet da ai ga hpe mung, n madat la ai sha,