2 KORINHTU 12:9 - Jinghpaw Hanson Version Bible

⁹ Dai rai nna shi gaw, “Nye a chyeju gaw na a matu ram nga ai; masha a gawng kya ai hta nye a n-gun atsam hkum tsup nga ai,” nga nna ngai hpe tsun ni ai. Dai re ai majaw, Hkristu a n-gun atsam gaw nye a ntsa e a up nga u ga, nye a gawng kya ai hta grau nna ngai gumrawng na ra nga nngai.

Jinghpaw Common Language Bible 2009

⁹ Rai ti mung Karai Kasang gaw, “Nye a chyeju gaw na a matu ram ging nga ai, hpa majaw nga yang, nang gawng kya ai shaloi nye a n-gun atsam gaw ja dik rai nga ai,” nga nna ngai hpe mahtai jaw ni ai. Dai re ai majaw Hkristu a n-gun atsam gaw ngai hpe makawp maga nna shingbyi shangun nga ai lam myit hta hkam sha lu n ga, nye a gawng kya ai lam a majaw ngai kabu gumrawng n ma rai nga nngai.

2 KORINHTU 12:9 ပူးပေါင်းရင်းမြစ်များ

2 HKAWHKAM 2:15

Ya shi a tawtap e rai nga ai, Yerihko mare na myihtoi ma ni gaw shi hpe mu ma yang, shanhte gaw, “Elia a wenyi nan Elisha ntsa e shanu nga ai,” nga nna, shi hpe sa tau la ai hte, shi a man e ga de dingnyawm dagup nga ma ai.

SHAKAWN KUNGDAWN 8:2

Nang hpe je hpre ai ni a majaw, Gumlau ni hte manawn ai ni hpe jasim kau mu ga, Ma chyangai hte chyu chyu ai ni a n-gup hta, nang hpung shingkang tawn da ndai.

ESAIA 11:2

Yehowa a wenyi ngu ai, hpaji byeng-ya hte nyan jaw ai wenyi, hpaji daw ai hte daru magam rawng ai wenyi, chye chyang ai hte Yehowa hpe hkrit hkungga ai wenyi, shi a ntsa e shanu nga na ra ai:

ESAIA 43:2

Nang hka rap wa yang, ngai nang hte rau rai nga nngai; hka nu hka shi ni hpe rap wa yang, lim wa na n rai; wan hpe kabye yang, hkru na n rai, wan shinglet mung galip na n rai.

ZEHPANI 3:17

Na a Karai Kasang Yehowa gaw, na a ka-ang e rai nga ai; shi gaw daru magam rawng nna, hkye hkrang la na ra ai: na a lam shi kabu gara nna, sharawng awng na ra ai; shi gaw tsawra nna, atsin sha rai nga ai: mahkawn mangoi let, shi nang hta myit kabu nga na ra ai.

MAHTE 28:18

Shing rai Yesu shanhte hpang de sit sa wa nna, Sumsing lamu hta e mung, ginding aga hta e mung, up hkang na ahkang nlang hte, ngai hpe ap ya ni ai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, yu mu, lamu ga aprat htum hkra, ngai nanhte hte rau dinggrin anga nga na nngai law, ngu nna shanhte hpe matsun dat mu ai.

LUKA 21:15

kaning rai nme law, nanhte a gumlau maga na ni nlang, n hkap htang lu hkra, ngai nanhte hpe n-gup ga hte hpaji jaw na made ai.

1 KORINHTU 10:13

Masha n jan lu ai agung alau gaw nanhte hkrum hkra myit dai n rai; Karai Kasang mung sadi sahka nga ai rai nna, nanhte n jan lu ai agung alau hkrum na ahkang n jaw nga ai sha, nanhte jan lu myit ga, dai agung alau hte rau pru wa na hkat shi hkat da na ru ai.

1 KORINHTU 15:10

Rai timung, ngai rai nga nngai hte maren, Karai Kasang a chyeju majaw ngai rai nga nngai; ngai hkam la ai shi a chyeju gaw, ngai hta e kaman lila n rai nga ai sha, shanhte nlang hte hta ngai grau nna bungli gun hpai nngai; dai gaw ngai n rai, ngai hte rau anga nga ai Karai Kasang a chyeju sha rai nga ai.

1 KORINHTU 2:3

Bai, ngai gaw, gawng kya ai hte, hkrit kamyin nna hkrit gari ai law law hte, nanhte hte rau nga nga nngai rai nna,

1 KORINHTU 2:5

Karai Kasang a atsam hte sha grin nga lu u ga, nye a aga hte nye a hkaw dan ai gaw, shalen chye ai hpaji byeng-ya ningtam n nang ai sha, Wenyi hte atsam rawng ai sakse lam rai nga ai.

2 KORINHTU 11:30

Ngai gumrawng nga n yang gaw, nye a gawng kya ai lam ngai gumrawng nga nngai.

2 KORINHTU 12:1

N gumrawng nga ai gaw n nga lu nngai; rai timung dai gaw htaphtuk nga ai n rai: ya chyawm gaw, dai Madu kaw na myi le le ai hte shingran mu ai lam, ngai gaw tsun hpang na nngai.

2 KORINHTU 12:10

Dai rai nna Hkristu a jaw e hkam ai gawng kya ai, hkala nba ai, kyin dut ai, zingri zingrat ai hte nni nkri re ai hta ngai kabu nga nngai: kaning rai nme law, ngai gawng kya nga yang, n-gun atsam rawng nga nngai.

2 KORINHTU 12:15

Ngai chyawm gaw nanhte a myit masin a matu sutgan jahkrat mayu ai hta n-ga, nye a hkum hpe pyi jahkrat na grau nna ra nga nngai. Nanhte hpe ning rai ladu lai hkra tsawra nga nngai majaw, ngai hpe n dawng n yawt na mai nga a ni?

2 KORINHTU 12:5

Dai wa a lam ngai gumrawng na nngai: nye a gawng kya ai lam n rai yang gaw, nye hkum a lam ngai gumrawng na nngai n rai.

EHPESU 3:16

shi a Wenyi a jaw e nanhte a kraw kata na masha hpe, atsam hte shadaw shalan nna,

HPILIPI 4:13

ngai hpe n-gun lagaw shaja ya ai wa a majaw, lam shagu hpe ngai hkam lu nngai.

KOLOSE 1:11

shi a hpung shingkang re ai n-gun nga ai hte maren, shakut sharang nna kabu gara ai hte myit galu kaba hkum tsup hkra, n-gun lagaw amyu myu hte shaja ya ai hkrum myit ga mung,

1 TIMOHTI 1:14

Hkristu Yesu hte seng ai makam masham hte tsawra ai hte hpawn, anhte a Madu a chyeju gaw ladat hta lai hkra law htam wa sai.

HEBRE 11:34

wan nsa hpe sat kau lu ma ai, ri nhtu hta na lawt lu ma ai, gawng kya ai shani e n-gun shaja ya ai lu la ma ai, majan shani e share lu ma ai hte masha tsasam ni a luksuk ni hpe jahtaw kau lu ma ai.

HEBRE 4:16

Dai rai nna, matsan dum ai hkam la lu na hte, kyin dut ai aten e shadaw shalan ai chyeju mu lu hkra, chyeju tingnyang man de, anhte nden ja ai myit hte sit shang wa ga.

YAWSHU 1:9

Nang hpe ngai hkang sade ai, n rai ni? n-gun da ting nna myit nden shaja u; hkum hkrit et, myit hkum hten et: kaning rai nme law, nang sa wa ai lam magup hta na a Karai Kasang Yehowa rau rai nga ai,” ngu nna tsun wu ai.”