2 KORINHTU 12:7 - Jinghpaw Hanson Version Bible

⁷ Ya dai chyahtum chyalai re ai shingran a majaw, ngai myit nau wa n kaba u ga, ngai hpe abyen na Satan a salung sala ngu ai, nye hkum shan hta ju ai aju ngai hkrum nga nngai; shing rai ngai nau wa myit n kaba nngai.

Jinghpaw Common Language Bible 2009

⁷ Ngai mu lu ai jahtum chyalai mau hpa shingran a majaw ngai hta myit kaba gumrawng ai lam n nga u ga, nye a hkum shan hta ju machyi ai lam langai mi hkam sha nga nngai. Dai machyi ai lam gaw Satan wa e shangun dat ai kasa wa zawn ngai hpe abyen nna nye a gumrawng ai kawng hpe daw kau ya nga ai.

2 KORINHTU 12:7 ပူးပေါင်းရင်းမြစ်များ

NINGPAWT NINGHPANG 32:25

Shaloi Yaku shi hkrai sha hti nga nna masha langai mi nhtoi htoi hkra shi hte kamu hkat nga ai.

NINGPAWT NINGHPANG 32:31

Dai majaw Yaku dai shara hpe Hpeniela ngu nna shamying wu ai: kaning rai nme law, Ngai gaw Karai Ksang hte myi man tut hkrum timung, ngai n si nngai, nga ai.

2 HKAWHKAM LABAU 26:16

Ya shi gaw hpung shingkang lu la jang, shi a akyu hten hkra myit kaba wa nna shi a Karai Kasang Yehowa hpe shut kau wu ai: kaning rai nme law, manam pyaw ai baw nat nawng ai hkungri ntsa e, manam pyaw ai baw nat nawng na matu, Yehowa a nawku htingnu kata de shi shang wa ai.

2 HKAWHKAM LABAU 32:31

Rai timung, shi a mung hta mauhpa amu byin ai lam, Babelon du salang ni san yu na matu, kasa shangun dat yang, shi hpe chyam yu na hte, shi myit masin hta rawng ai lam mahkra hpe chye lu hkra, Karai Kasang gaw shi hpe dat tawn da wu ai.

YOBA 2:6

Shing rai Yehowa gaw, “yu u, shi na a lata e rai nga ai; shi a asak hpe sha shalawt da u,” ngu nna Satan hpe tsun wu ai.

YOBA 2:7

Dai rai nna Satan gaw Yehowa kaw na pru mat wa nna, Yoba hpe lagaw lahpan kaw nna baw pungding du hkra krwi jap tu ahpra shangun wu ai.

EZEKELA 28:24

Shing rai, Israela amyu grup yin e dè nga nna, shanhte hpe n kaw n law di ai ni hta na, ju chye ai ju hpun, zingri zingrat ai masawn, htawm hpang de n nga lu nna, ngai Yehowa rai nga ai hpe, shanhte chye lu na mara ai.”

Daniela 5:20

Rai timung, gumrawng gumtawng lam hkan galaw hkra, shi myit kaba nna masin ja nga yang, shi gaw hkawhkam tingnyang na gum-yu yu mat ai hkrum nna, shi a hpung shingkang hkoi mat wa sai;

HOSEA 2:6

Gaja wa, shi a kasha ni gaw, liknga ma ni rai nga ai majaw, ngai shanhte hpe matsan n dum na nngai:

BU HKAWM 33:55

Dai mung masha ni hpe nanhte atsai awai n shachyut kau myit yang, naw ngam nga ai ni gaw, nanhte a myi hta ju shingna zawn, nanhte a garep hta masawn zawn tai nna, nanhte nga nga ai mungdan hta e nanhte hpe shatsang na mara ai.

MAHTE 26:67

Shaloi shanhte gaw shi a myi man hpe mayen mahtaw bun ai hte shi hpe htwi mu ai:

MAHTE 4:10

Dai rai nna Yesu gaw, “Satan e, pru mat wa u; dai Madu, na a Karai Kasang hpe nang nawku lu na rai nna, shi hpe hkrai daw lu na re ai,” nga nna she ka da nga ai shi hpe ngu wu ai.

LUKA 13:16

Dai rai yang gaw, ndai Abraham a shayi sha hpe mung, shi matsat ning tup, Satan e gyit hkang da ai sumri hta na, laban nhtoi e mai raw dat ai, n rai ni?” ngu nna htan wu ai.

1 KORINHTU 4:11

Ya ten du hkra anhte kawsi hpang gara, singgu krin, adup adep hkrum nna, nga shara garen nga ai hte,

1 KORINHTU 5:5

shing re ai wa Satan hpe ap ya na, ngu nna rau nga ai zawn, ndai amu galaw ai wa hpe anhte a Madu Yesu a mying ningsang hte, ya e pyi ngai jeyang ngut se ai.

2 KORINHTU 10:10

Kaning rai nme law, shi a laika ni gaw li la ai hte atsam rawng ai laika rai lu ai rai timung, shi hkum nan rau nga nga yang, shi a hkum hpung n rawng nna, shi a tsun ai ga akyu n rawng lu ai, nga nna tsun ai ni nga ma ai.

2 KORINHTU 10:5

masha a myit mang ai hku hte, Karai Kasang a chye chyang ai lam hpe hkum da mayu ai tsaw matsaw hte hpe, anhte sharun shabya lu ai hte, Hkristu a ga madat mara na lam a npu e myit mang shagu hpe sharen da mu ai;

2 KORINHTU 11:20

Kaning rai nme law, marai langai ngai nanhte hpe rim yam ai, kashun sha ai, rim la ai, tinang a hkum hpe shagrau ai hte nanhte hpe shabyi kahpret ya myit yang gaw, dai wa hpe nanhte sharang ya nga myit dai.

2 KORINHTU 12:1

N gumrawng nga ai gaw n nga lu nngai; rai timung dai gaw htaphtuk nga ai n rai: ya chyawm gaw, dai Madu kaw na myi le le ai hte shingran mu ai lam, ngai gaw tsun hpang na nngai.

GALATI 4:13

Nanhte ngai hpe hpa n shut n hpyit yu myit dai: dai hta n-ga, shawng nnan e dai kabu gara shiga nanhte hpe hkaw dan made yang, ngai hkumhkrang machyi makaw hkrum ai majaw hkring nna hkaw dan made ai gaw, nanhte chye nga myit dai;

TARA JAHPRANG 17:20

shi a mungdan a tingnyang ntsa dung nga lu ai shaloi, Lewi masha hkinjawng ni a lata e nga ai, ndai tara laika hpe shabawn mi ka htawt la nna, dai hpe lang nga let, shi hkrung nga ai prat dingsa hte matsing nga na rai wu ai.

TARA JAHPRANG 8:14

na a myit gumrawng wa nna, Egutu mung mayan tai ai nta na nang hpe shaw woi wa ai wa;

1 TIMOHTI 3:6

Gumrawng ai myit rawng nna, nat a jeyang ai hku hta n hkrat wa u ga, sape nnan wa hpe mung, hkum rai.

TARA AGYI 2:3

Dai rai nna, ngai tsun made ga, ndai mung na masha ni hpe, ngai nanhte kaw na shachyut kau ya sa na n rai; shanhte gaw nanhte a garep hta aju, shanhte a Hpara ni mung nanhte a mahkam tai na mara ai” ngu nna tsun wu ai.