2 KORINHTU 12:4 - Jinghpaw Hanson Version Bible

⁴ shi gaw hkumhkrang lawm ai kun, n lawm ai kun, ngai n chye nngai, Karai Kasang sha chye nga ai.

Jinghpaw Common Language Bible 2009

⁴ Shi gaw dai yang e, shinggyim masha a ga hkum ni hte n mai tsun ai, masha a n-gup hte tsun na ahkang n nga ai ga ni hpe na la wu ai.

2 KORINHTU 12:4 ပူးပေါင်းရင်းမြစ်များ

EZEKELA 31:9

Karai Kasang a sun hta tu ai Eden hpun mahkra gaw, dai hpe manawn ai du hkra, de a gung dam ai lakung lakying ni hte, ngai dai hpe tsawm shangun nngai.

EZEKELA 8:3

Shi gaw lata hkrang ladawn nna, nye a kara latsin mi lang nga ai: shaloi Wenyi gaw aga hte lamu lapran e ngai hpe pawn shalun nna, Karai Kasang kaw na shingran hte, Yerusalem mare a dingdung maga ang ai kata wang chyinghka de, ngai hpe woi wa nngai: dai yang e, nsu nnawn shangun ai, nsu nnawn ngu ai sumla tingnyang rai nga ai.

LUKA 23:43

Shaloi Yesu gaw, “Ngai nang hpe teng teng tsun de ga, Dai ni jang nang ngai hte rau Hparadisu e nga na rai nga ai,” ngu nna shi hpe htan wu ai.

KASA 8:39

Hka na lung wa ma yang, dai Madu a Wenyi Hpilip hpe woi mat wa nna, Unuk wa mung shi sa wa ai lam de kabu gara let bai wa wu ai rai nna, shi e bai n mu wu ai.

1 KORINHTU 13:1

Ngai gaw masha a ga hte lamu kasa ni a ga amyu myu hpe chye tsun rai timung, tsawra ai myit n rawng yang gaw, mahku rawng ai sumseng hte, ngoi gara ai shupsheng sha ngai tai nga nngai.

2 KORINHTU 12:2

Ya shi mali ning na wa sai, Hkristu hte seng ai wa langai mi hpe ngai chye nngai; dai wa gaw masum na sumsing lamu du hkra woi lung wa ai hkrum wu ai: shi gaw hkumhkrang lawm ai kun, ngai n chye nngai, n lawm ai kun, ngai n chye nngai, Karai Kasang sha chye nga ai.

1 HTESALONI 4:17

dai hpang, dai Madu hpe Ka-ang ganghkau e hkrum na matu, hkrung nga ai hte naw hti ngam nga ai ni anhte gaw, shanhte hte rau sumwi ntsa de shalun la ai hkrum na ra ga ai rai nna, anhte gaw dai Madu hte rau tutnawng e anga nga na ra ga ai.

SHINGRAN 12:5

Shaloi dai numsha gaw, amyu baw shagu hpe hpri sumdoi hte up na ra ai shadang lasha shangai wu ai: shi a kasha hpe Karai Kasang a man de mung, shi a tingnyang man de mung, gare shalun la wu ai.

SHINGRAN 2:7

Wenyi gaw Hpung ni hpe kaning nga tsun ai gaw, na tu ai wa gaw na la u ga. Dang lu ai wa hpe, Karai Kasang a Hparadisu e tu ai asak hkrung ai hpun a asi, sha lu na ahkang, ngai jaw na we ai.