2 KORINHTU 12:2 - Jinghpaw Hanson Version Bible

² Ya shi mali ning na wa sai, Hkristu hte seng ai wa langai mi hpe ngai chye nngai; dai wa gaw masum na sumsing lamu du hkra woi lung wa ai hkrum wu ai: shi gaw hkumhkrang lawm ai kun, ngai n chye nngai, n lawm ai kun, ngai n chye nngai, Karai Kasang sha chye nga ai.

Jinghpaw Common Language Bible 2009

² Hkristan la langai mi gaw lai wa sai shi mali ning ten hta tsaw dik ai sumsing lamu de woi shapoi lung mat wa hkrum wu ai ngai chye nngai. (Dai zawn shapoi hkrum ai gaw hkum hkrang hte rai kun? shing n rai hkum hkrang n lawm ai kun? ngai n chye nngai, Karai Kasang sha chye nga ai.)

2 KORINHTU 12:2 ပူးပေါင်းရင်းမြစ်များ

1 HKAWHKAM 18:12

ngai nang kaw nna pru wa yang, Yehowa a Wenyi gaw ngai n chye ai shara de nang hpe woi htawt mat na ra ai: shing rai, ngai Ahab hpe sa tsun yang, shi nang hpe n mu hkrup nna, ngai hpe sat kau na nngai: na mayam, ngai wa chyawm gaw, brang ram prat kaw nna Yehowa hpe hkrit hkungga ni ai.

1 HKAWHKAM 8:27

“Karai Kasang gaw ga ning tsa e gaja wa teng teng shanu nga lu na kun? Yu u, sunsing lamu hte sumsing lamu ni a sumsing lamu gaw, nang hpe sharawng da lu na n rai; dai rai yang, ngai gaw da ai hta nang kaning rai rawng lu na n hka!

2 HKAWHKAM 2:16

Bai shanhte gaw, “Yu u, na a mayam ni hta n-gun ja ai masha marai manga shi rai nga ma ai; shanhte gaw na a madu hpe sa tam mu ga: Yehowa a Wenyi gaw shi hpe shapoi la nna, bum langai ngai a ntsa e, shing n rai, kadit langai ngai a kata e, mahkoi wa jahkrat kau da wu ai nhten,” ngu nna hpyi mu yang, shi gaw, “Hkum sa tam myit,” ngu mu ai.

SHAKAWN KUNGDAWN 148:4

Lamu lahta tang na lamu hte, Lamu ntsa e nga ai hka hpung ni e, shi hpe shakawn kungdawn mu.

ESAIA 57:15

Kaning rai nme law, Htani htana anga nga nna, Chyoi pra mying ai wa, Matsaw Ntsang na Daru Magam rawng ai wa gaw, ning nga ai: “Ngai gaw tsaw htum ai shara hte chyoi pra htum ai shara hta shanu nga nna, myit gyip ai wa a wenyi hpe shalan shabran na matu mung, myit nem ai wa a myit masin hpe shalan shabran na matu mung, myit nem ai wa hte myit gyip ai wa hte rau, ngai shanu nga nngai.

EZEKELA 11:24

Shaloi Wenyi gaw ngai hpe pawn nna, Karai Kasang a Wenyi a shingran hte, Hkalde mung na bawng dung ai ni hpang de, woi wa nngai. Shing rai ngai mu yu ai shingran gaw, ngai hte hka nna lung wa ai.

EZEKELA 43:5

Shaloi Wenyi gaw ngai hpe pawn let, kata wang de woi wa nna, yu u, Yehowa a hpung shingkang gaw, nta ting hpring nga ai.

LUKA 24:51

Shing rai shanhte hpe shaman ya nga yang, shi shanhte kaw na hka mat wa nna sumsing lamu de woi shalun la ai hkrum wu ai.

YAWHAN 6:56

Nye a ashan sha nna, nye a asai lu ai wa gaw, ngai hta rawng nga ai; dai wa hta mung ngai rawng nga nngai.

KASA 14:6

shan dum rau nna, Lukaoni mung na mare, Lustra, Derbe hte dai yan a ginwang de hprawng mat wa ma ai:

KASA 22:17

Dai hpang Yerusalem mare de ngai bai du wa nna, nawku Htingnu e akyu hpyi nga yang, ngai myit nawng mat wa ai hta,

ROMA 16:10

Hkristu hta e jet rai nga ai Apele hpe shakram ya mi. Aristobulu a nta na ni hpe shakram ya mi.

ROMA 16:3

Ngai hte rau Yesu Hkristu a amu shingtau ai Priska yan Akula hpe shakram ya mi;

ROMA 16:7

Nye a baw sang re ai, ngai hte rau htawng rawng yu ai Androniku yan Yuni hpe shakram ya mi: dai yan gaw kasa ni hta e arawng lu ma ai rai nna, nye a shawng e Hkristu hta e de lu ma ai.

ROMA 16:9

Anhte hte rau Hkristu a amu shingtau ai Orban hte, ngai tsawra ai Staku hpe shakram ya mi.

ROMA 8:1

Dai re ai majaw ya gaw, Hkristu Yesu hta e nga ai ni a matu mara, dawdan shara n nga ai.

1 KORINHTU 1:30

Shi a jaw e Hkristu Yesu hta e nanhte rai la nga myit dai: shi gaw, anhte a matu mara, Karai Kasang kaw na, hpaji byeng-ya lam, dinghpring ai lam, shachyoi shapra ai lam hte htingrai htingrat ai lam, tai wa sai.

2 KORINHTU 11:11

Dai gaw hpa majaw rai kun? Nanhte hpe n tsaw n ra ai majaw rai kun? Karai Kasang gaw chye nga ai.

2 KORINHTU 13:5

Nanhte gaw dai makam masham hta de nga myit dai kun, tinang dai chyam yu mu; nanhte tinang hkum hpe dinglik yu mu: dinglik yu ai n hkam lu ai ni, nanhte n rai nga myit yang me, Yesu Hkristu nan nanhte a hkum hta e rawng nga ai hpe, nanhte n chye nga myit ni?

2 KORINHTU 5:17

Hkristu hta e marai langai ngai rai nga ai teng yang gaw, shi gaw ningnan hpan da ai wa rai nga ai; dingsa hte gaw lai mat wa sai, yu mu, dai hte gaw ningnan tai wa sai.

2 KORINHTU 5:21

Shi hta e Karai Kasang a dinghpring ai ni anhte tai wa u ga, shi yubak n chye ai wa hpe, anhte a matu mara yubak shatai wu ai.

GALATI 1:22

Hkristu hta e nga ai, Yuda mung na Hpung ni chyawm gaw, nye a myi man hpe rai n chye n dum ma ai rai nna,

GALATI 5:6

Kaning rai nme law, Hkristu hta e matu gadoi hkam ai lam rai timung, matu gadoi n hkam ai lam rai timung, hpa akyu n nga ai rai nna, tsawra myit hte shachyen ai makam masham hkrai sha, akyu rawng nga ai.

EHPESU 4:10

Yawng mayawng hpe jahpring shatsup na matu, yu hkrat wa ai wa gaw, sumsing lamu nlang hte a ntsa de lai lung wa ai wa nan, rai nga ai.

TARA JAHPRANG 10:14

Yu u, sumsing lamu hte de a lahta tang, ginding aga hte dai hta pra mapra na a Karai Kasang Yehowa madu nga ai.

1 HTESALONI 4:17

dai hpang, dai Madu hpe Ka-ang ganghkau e hkrum na matu, hkrung nga ai hte naw hti ngam nga ai ni anhte gaw, shanhte hte rau sumwi ntsa de shalun la ai hkrum na ra ga ai rai nna, anhte gaw dai Madu hte rau tutnawng e anga nga na ra ga ai.

HEBRE 4:14

Dai rai nna, sumsing lamu de hkrang shang wa sai hkinjawng agyi kaba ngu ai, Karai Kasang a Kasha Yesu gaw anhte lu ga ai majaw anhte yin la ai nawku htung hta maju jung nga ga.

HEBRE 9:24

Kaning rai nme law, Hkristu gaw, lamu na kasi a sumla sha rai nga nna, masha lata hte gap tawn ai chyoi pra ai shara kata de n shang ai sha, anhte a matu mara Karai Kasang a man e dan pru nga na nga, sumsing lamu kata de nan shang wa sai:

SHINGRAN 1:10

Dai Madu a nhtoi hta e Wenyi hta ngai nawng mat wa ai rai nna, Nang mu ai hte maren laika hta ka la nhtawm, Ehpesu, Samurna, Pergamu, Htuatira, Sardi, Hpiladehpi hte Ladoki mare ni hta nga ai,

SHINGRAN 12:5

Shaloi dai numsha gaw, amyu baw shagu hpe hpri sumdoi hte up na ra ai shadang lasha shangai wu ai: shi a kasha hpe Karai Kasang a man de mung, shi a tingnyang man de mung, gare shalun la wu ai.

SHINGRAN 4:2

Dai hte tsun ngut ai shaloi jang, wenyi hta ngai nawng mat wa nngai; shaloi, yu u, sumsing lamu hta e tingnyang dung nga ai rai nna, dai tingnyang hta marai langai mi dung nga ai.