2 KORINHTU 12:16 - Jinghpaw Hanson Version Bible

¹⁶ Nanhte hpe ngai n sharu shatsang nga ai teng u ga; rai timung, ngai zai rawng nna hkalem ai hte nanhte hpe rim la nga ai, tsun nga myit yang gaw,

Jinghpaw Common Language Bible 2009

¹⁶ Dai majaw ngai gaw nanhte hpe lit shali ai wa n re ai lam nanhte myit hkrum yin la na myit dai; rai ti mung ngai gaw zai hte nanhte hpe masu hkalem ai hku mahkam hkam la ai nga nna marai langai ngai tsun na ra ai.

2 KORINHTU 12:16 ပူးပေါင်းရင်းမြစ်များ

2 KORINHTU 1:12

Kaning rai nme law, Karai Kasang a chyoi pra nna san seng ai myit hte, dinghta hpaji n lawm ai sha, Karai Kasang a chyeju hte, mungkan ga e anhte htinglet nga nna, nanhte hte rau grau nna dai zawn rai nga ga ai hpe, anhte a myit masin a sakse hkam ai lam ngu ai gaw, anhte a gumrawng shara rai nga ai.

2 KORINHTU 11:20

Kaning rai nme law, marai langai ngai nanhte hpe rim yam ai, kashun sha ai, rim la ai, tinang a hkum hpe shagrau ai hte nanhte hpe shabyi kahpret ya myit yang gaw, dai wa hpe nanhte sharang ya nga myit dai.

2 KORINHTU 12:13

Kaning rai nme law, ngai nanhte hpe n sharu shatsang ai lam n lawm yang me, nanhte Hpung kaga ni hte kaning rai lawu grit nga myit ta? shing rai ngai shut ai mara hpe dat kau ya mi.

2 KORINHTU 4:2

makoi magap re ai kaya kahpa hpe anhte rap di kau sagaw ai hte, hkalem hkalau ai mung n hkan nna, Karai Kasang a mungga hpe gale galau n di ai sha, dai tengman ai lam shapraw shadan let, Karai Kasang a man e, masha yawng mayawng a myit masin kaw, anhte hkum a atsam marai anhte dan nga ga ai.

2 KORINHTU 6:8

hpung shingkang hkrum ai rai timung, n kaw n law hkrum ai rai timung, shatan nhkan hkrum ai rai timung, shagrau ai hkrum ai rai timung:

2 KORINHTU 7:2

Anhte hpe hkap hkalum la mi: anhte kadai hpe mung n shut n hpyit yu ga ai; kadai hpe mung n shabyak ga ai; kadai hpe mung hkalem hkalau sha ga ai n rai.

1 HTESALONI 2:3

Kaning rai nme law, anhte a shadum jahprang ai gaw, lam shadam ai hte, n san n seng ai hte, hkalem hkalau ai hte n re ai sha,

1 HTESALONI 2:5

Kaning rai nme law, nanhte chye nga myit dai hte maren, anhte galoi mung a shapyaw ai ga hpe nsung ga ai hte, ka-up nga ai nammak lawhpa n rawng nga ai gaw, Karai Kasang nan sakse rai nga ai:

1 PETRU 2:3

ma chyangai zawn dai hkye hkrang la ai chyeju hta kaba wa lu myit ga, kunghpan ai hte jet ai chyu hpe, myit marin nga mu.