2 KORINHTU 12:11 - Jinghpaw Hanson Version Bible

¹¹ Ngai gaw angawk angak tai wa nngai; nanhte mahtang ngai hpe tai shangun ma ni ai: kaning rai nme nga yang, nanhte a shakawn kungdawn na hpe ngai hkam ang nga nngai. Ngai gaw hpa n re ai wa rai nga nngai rai timung, kaba htum ai kasa ni lawu e loi mi sha pyi n grit nga nngai.

Jinghpaw Common Language Bible 2009

¹¹ Ngai gaw angawk ai wa zawn rai nga nngai. Nanhte mahtang ngai hpe dai zawn rai shangun manit dai. Nanhte ni mahtang ngai hpe tau madi shadaw ai lam madun ang ai ni rai nga myit dai. Hpa majaw nga yang, ngai gaw hpa n re ai wa rai nga yang pyi gaw, nanhte a laksan ahkyak shatai ai “Kasa ni” hta gara hku nna mung n grit nga nngai.

2 KORINHTU 12:11 ပူးပေါင်းရင်းမြစ်များ

GA SHAGAWP 27:2

Tinang nan tinang hkum hpe n shakawn ai sha, kaga wa she shakawn u ga. Tinang n-gup hte n rai, tsasam wa she nang hpe shakawn u ga.

LUKA 17:10

Dai hte maren nanhte mung tsun matsun yawng hpe hkan shatup ngut jang she, ‘Anhte gaw akyu n rawng ai mayam ni rai nga ga ai; galaw ra ai hpunda hte sha anhte shatup saga ai,’ ngu mu,” ngu wu ai.

1 KORINHTU 13:2

Ngai myihtoi chye htoi ai hte, sung ai ga yawng mayawng, chye chyang ai lam amyu myu hkum nga ai hte, bum hpe jasit lu hkra re ai makam masham rawng timung, tsawra ai myit n rawng yang gaw, ngai hpa n rai nga nngai.

1 KORINHTU 3:22

Pawlu mung, Apolo mung, Kehpa mung, mungkan ga mung, hkrung mahkrung mung, si hkrung si htan mung, ya e nga ai hte htawm hpang e pra na ra ai mung, yawng mayawng hte gaw nanhte a npu e rai nga malit dai;

2 KORINHTU 1:6

Dai rai nna, anhte tsin-yam tsindam hkrum yang, nanhte a shangwi shapyaw na lam hte hkye hkrang la na lam a majaw, hkrum ga ai: shangwi shapyaw ai hkrum yang, anhte nan hkam ai nni nkri amyu hta, shakut sharang ai shachyen chye ai nanhte a shangwi shapyaw na lam a majaw sha hkrum ga ai rai nna, nanhte a matu mara anhte a myit mada ai lam ngang ngang grin grin rai nga ai:

2 KORINHTU 11:1

Ngai angawk ai mara loi mi nanhte naw sharang ya mi ga, ngai ra nga nngai: gaja wa nanhte nye a lam sharang ya nga myit dai.

2 KORINHTU 11:5

Ngai chyawm gaw kaba htum ai kasa ni a lawu e loi mi sha pyi n grit nga nngai, ngai nawn nga nngai.

2 KORINHTU 12:12

Gaja wa, shakut sharang ai amyu myu hte, lamik kumla mauhpa amu hte hpung shingkang ngu ai kasa kumla hte gaw, nanhte a ka-ang e dan wa sai.

2 KORINHTU 12:6

Ngai gumrawng mayu timung, angawk angak ngai tai na nngai n rai; kaning rai nme law, tengman ai ga ngai tsun na nngai: rai timung, ngai hkum hpe mu ai hte nye a n-gup ga na lu ai hta n-ga, nye a lam kadai mung hpa n nawn mu ga, gumrawng na lam da kau na nngai.

2 KORINHTU 3:1

Anhte gaw tinang a hkum marai hpe bai dan hpang ga ai kun? dai hta n-ga, masha nkau mi zawn nanhte hpang de, shing n rai nanhte kaw na tinang marai dan ai laika anhte ra ga ai kun?

2 KORINHTU 5:13

Kaning rai nme law, anhte myit n gring nga ga ai rai yang gaw, Karai Kasang a matu mara n gring nga ga ai; gring nga ga ai rai yang gaw, nanhte a matu mara gring nga ga ai.

GALATI 6:3

Hpa garai n re ai wa gaw, ngai mung langai ngai rai nga nngai, nga nna rai dum a yang gaw, tinang dai tinang hkum hpe hkalem kau wu ai.

EHPESU 3:8

Rai sa, anhte a Madu Hkristu Yesu hta e shatawng da ai prat dingsa na bawng hkut ai hku hte maren, lamu lahta tang e nga ai du magam ni hte ahkang aya lu ai ni kaw, Karai Kasang a chyahtum chyalai re ai hpaji byeng-ya hpe, dai Hpung a lata hte, ya e shana dan u ga,