2 KORINHTU 12:10 - Jinghpaw Hanson Version Bible

¹⁰ Dai rai nna Hkristu a jaw e hkam ai gawng kya ai, hkala nba ai, kyin dut ai, zingri zingrat ai hte nni nkri re ai hta ngai kabu nga nngai: kaning rai nme law, ngai gawng kya nga yang, n-gun atsam rawng nga nngai.

Jinghpaw Common Language Bible 2009

¹⁰ Dai rai nna ngai gaw Hkristu a jaw e hkam ai gawng kya ai lam ni jahpoi asawng ai, kyin dut ai. zingri zingrat hkrum ai, hte yak hkak ai lam ni a majaw kabu myit dik nga nngai, hpa majaw nga yang ngai gawng kya ai shaloi ngai n-gun atsam rawng nga nngai.

2 KORINHTU 12:10 ပူးပေါင်းရင်းမြစ်များ

LUKA 6:22

Masha ni gaw nanhte hpe n dawng n yawt ai hte, dai Masha Kasha a majaw shadaw jahka di kau nna, asawng asang di ai hte nanhte a mying hpe n hpru n mai ai arai hpe zawn shaden kau ai hkrum myit yang, nanhte a lu myit dai.

YAWHAN 15:21

Rai timung shanhte gaw nye amying a majaw, dai lam yawng nanhte hpe di na mara ai: kaning rai nme law, ngai e shangun dat ai wa hpe shanhte n chye ma ai.

KASA 5:41

Shanhte chyawm gaw, Amying ningsang de a majaw she, kaya hkrum na gaw, ging nga ga ai, nga nna myit la ai majaw, kabu gara ai myit hte dai salang hpawng na pru wa ma ai.

ROMA 5:3

Dai hta n-ga, tsin-yam tsindam hta e mung anhte kabu gumrawng ga ai; tsin-yam tsindam mahtang gaw shakut sharang ai,

1 KORINHTU 4:10

Anhte gaw Hkristu a majaw angawk angak rai nga ga ai, nanhte mahtang Hkristu hta e myit su nga myit dai; anhte gaw n-gun n ja ga ai, nanhte mahtang n-gun ja myit dai; nanhte hpung rawng myit dai, anhte mahtang arawng hpoi saga ai.

2 KORINHTU 1:4

Karai Kasang kaw na anhte hkum nan lu la sagaw ai shangwi shapyaw ai lam tau yu yang, dai shangwi shapyaw ai a marang e, tsin-yam tsindam amyu myu hkrum ai ni hpe shangwi shapyaw lu hkra, anhte a tsin-yam tsindam amyu myu hta shi anhte hpe shangwi shapyaw mi ai.

2 KORINHTU 10:18

Kaning rai nme law, tinang hkum hpe shagrau ai wa n rai, dai Madu shagrau ai wa chyu sha, ging dan ngu ai hkam la nga ai.

2 KORINHTU 12:9

Dai rai nna shi gaw, “Nye a chyeju gaw na a matu ram nga ai; masha a gawng kya ai hta nye a n-gun atsam hkum tsup nga ai,” nga nna ngai hpe tsun ni ai. Dai re ai majaw, Hkristu a n-gun atsam gaw nye a ntsa e a up nga u ga, nye a gawng kya ai hta grau nna ngai gumrawng na ra nga nngai.

2 KORINHTU 13:4

kaning rai nme law, n-gun kya ai majaw wudang e jen da hkrum rai timung, Karai Kasang a n-gun atsam a gawp e shi ahkrung nga ai. Anhte mung Hkristu hte maren gawng kya nga ga timung, nanhte hta rawng ai Karai Kasang a n-gun atsam majaw, anhte shi hte rau ahkrung nga na ga ai.

2 KORINHTU 13:9

Dai rai nna, anhte gawng kya nga nna nanhte n-gun ja nga yang, anhte kabu gara nga ga ai: shing rai nanhte hkum tsup lu myit ga, dai lam mung anhte ahpyi nga ga ai.

2 KORINHTU 4:17

Kaning rai nme law, dandawng nga ai arai ni gaw ndai aprat na sha, n dan n dawng nga ai arai ni gaw htani htana na arai rai nga ai majaw, dandawng nga ai arai ni hpe anhte n tau yu ai sha, n dan n dawng ai arai ni hpe tau yu let,

2 KORINHTU 4:5

Kaning rai nme law, anhte gaw tinang a lam hkaw dan ga ai n re ai sha, Madu Hkristu Yesu a lam hpe mung, anhte nan Yesu a jaw e nanhte a mayam ni rai nga ga ai lam hpe mung, hkaw dan nga ga ai.

2 KORINHTU 5:15

asak hkrung ai ni mung, tinang myit hte n re ai sha, shanhte a matu mara si hkam nna, bai rawt wa ai wa a jaw e hkrung nga mu ga, yawng mayawng a matu mara shi si hkam sai.

2 KORINHTU 5:20

Dai re ai majaw Karai Kasang gaw anhte a lata e shadum jahprang nga ai zawn, Hkristu a lam htinglet ya ai kasa ni anhte rai nga ga ai; Karai Kasang hte htinglu htinglai mu, ngu nna Hkristu a jaw e anhte hpyi nem ga ai.

2 KORINHTU 6:4

shakut sharang ai law law hta, tsin-yam tsindam hta, kyin dut ai hta, shagyeng ai hta,

2 KORINHTU 7:4

Nanhte a man e nachying nden ja ai myit ngai rawng nga nngai; nanhte a matu mara ngai grai gumrawng nga nngai; ngwipyaw ai hte ngai hpring chyat nga nngai; anhte a tsin-yam tsindam shagu hta ladu lai hkra kabu gara nga nga nngai.

EHPESU 6:10

Ya kaw nna dai Madu hte, shi a n-gun marai a atsam hta e, n-gun lapyin rawng nga mu.

HPILIPI 1:29

kaning rai nme law, Hkristu hta e kamsham lu na chyeju sha n rai, shi a matu mara nni nkri hkrum na chyeju hpe mung, nanhte hkam la manit dai;

KOLOSE 1:24

Ya chyawm gaw nanhte a matu mara ngai hkrum ai tsin-yam tsindam hta ngai kabu nga ai hte, dai Hpung ngu ai Hkristu a hkumhkrang a matu mara, shi a naw ngam nga ai nni nkri hpe nye a hkum shan hta e ngai jahkum shatsup nga nngai.

2 HTESALONI 1:4

Dai rai nna nanhte hkam ai zingri zingrat hte nni nkri mahkra hta, nanhte a galu kaba ai myit hte makam masham a majaw, Karai Kasang a Hpung ni a man e anhte hkum nan lala, nanhte a jaw e gumrawng kabu nga ga ai.

2 TIMOHTI 3:11

zingri zingrat hkrum ai hte nni nkri hkrum ai lam hta mung: Antioki, Ikoni, Lustra mare hkan e ngai hkrum mahkrum hta mung; zingri zingrat ai ngai gade wa hkrum ni ai hta mung, nang htep lahti hkan nang nit dai: shing rai hkrum timung, ngai hkrum ai yawng hta na dai Madu gaw ngai hpe shaw la ni ai.

YAKU 1:2

Nye a hpunau ni e, nanhte a kamsham ai myit hpe dinglik yu ai hkrum yang, shakut sharang chye ai myit jat nga ai hpe, nanhte chye nga myit dai majaw,

SHINGRAN 2:3

Nang shakut sharang nga nna, nye a amying nsang a matu mara tsin-yam tsindam hkam ai hte, nang n hki n ba nga ndai.