2 KORINHTU 12:1 - Jinghpaw Hanson Version Bible

¹ N gumrawng nga ai gaw n nga lu nngai; rai timung dai gaw htaphtuk nga ai n rai: ya chyawm gaw, dai Madu kaw na myi le le ai hte shingran mu ai lam, ngai gaw tsun hpang na nngai.

Jinghpaw Common Language Bible 2009

¹ Gumrawng ai lam gaw akyu n nga ai rai ti mung dai Madu kaw na shingran ni hte madun dan ai lam ni hte seng nna ngai gumrawng ai ga naw tsun nga nngai.

2 KORINHTU 12:1 ပူးပေါင်းရင်းမြစ်များ

EZEKELA 11:24

Shaloi Wenyi gaw ngai hpe pawn nna, Karai Kasang a Wenyi a shingran hte, Hkalde mung na bawng dung ai ni hpang de, woi wa nngai. Shing rai ngai mu yu ai shingran gaw, ngai hte hka nna lung wa ai.

BU HKAWM 12:6

Shaloi Yehowa gaw, “Nye a ga madat yu mu: nanhte hta myihtoi nga ai rai yang, ngai Yehowa dai wa hta shingran hte nye hkum madun na rai nngai;

YAWHAN 16:7

Ning nga timung, tengman ai lam she ngai nanhte hpe tsun nngai: ngai wa ai gaw nanhte a akyu matu rai nga ai: kaning rai nme law, ngai n wa yang gaw, dai Shalan Shabran ai wa nanhte kaw du sa na n rai: ngai wa jang chyawm gaw, ngai shi hpe nanhte hpang de shangun dat na we ai.

YAWHAN 18:14

Dai Kayahpa gaw, Amyu masha ni a matu masha langai mi si yang grau mai ai, nga nna Yuda ni hpe hpaji daw ya ai wa rai nga ai.

KASA 18:9

Dai shaloi Madu gaw shana e shingran hta Pawlu hpe “hkum hkrit et; she tsun u, atsin sha hkum nga et;

KASA 23:11

Dai shana Madu gaw shi a makau e tsap pru nna, “Myit hkum ru et; nang nye a lam Yerusalem mare hta sakse hkam nit dai hte maren, Roma mare hta mung naw hkam lu na ndai,” ngu nna tsun wu ai.

1 KORINHTU 10:23

Yawng mayawng galaw na ahkang nga ai; rai timung, yawng mayawng hte wa akyu byin ai n rai; yawng mayawng galaw na ahkang nga ai; rai timung, yawng mayawng hte wa shadaw shagrin lu ai n rai.

1 KORINHTU 14:6

Ya chyawm gaw, hpunau ni e, ngai nanhte kaw sa du nna, ga amyu myu tsun timung, shingran ga, chye chyang ai ga, myihtoi ga hte sharin shaga ai ga, nanhte hpe n tsun dan made yang gaw, nanhte a matu hpa akyu nga na a ta?

1 KORINHTU 6:12

Yawng mayawng galaw na ahkang ngai lu nngai; rai timung, yawng mayawng hte wa akyu byin ai n rai. Yawng mayawng galaw na ahkang ngai lu nngai; rai timung, hpa lam a jaw e mung, ngai mayam n tai mayu nngai.

2 KORINHTU 12:11

Ngai gaw angawk angak tai wa nngai; nanhte mahtang ngai hpe tai shangun ma ni ai: kaning rai nme nga yang, nanhte a shakawn kungdawn na hpe ngai hkam ang nga nngai. Ngai gaw hpa n re ai wa rai nga nngai rai timung, kaba htum ai kasa ni lawu e loi mi sha pyi n grit nga nngai.

2 KORINHTU 12:5

Dai wa a lam ngai gumrawng na nngai: nye a gawng kya ai lam n rai yang gaw, nye hkum a lam ngai gumrawng na nngai n rai.

2 KORINHTU 12:7

Ya dai chyahtum chyalai re ai shingran a majaw, ngai myit nau wa n kaba u ga, ngai hpe abyen na Satan a salung sala ngu ai, nye hkum shan hta ju ai aju ngai hkrum nga nngai; shing rai ngai nau wa myit n kaba nngai.

2 KORINHTU 12:9

Dai rai nna shi gaw, “Nye a chyeju gaw na a matu ram nga ai; masha a gawng kya ai hta nye a n-gun atsam hkum tsup nga ai,” nga nna ngai hpe tsun ni ai. Dai re ai majaw, Hkristu a n-gun atsam gaw nye a ntsa e a up nga u ga, nye a gawng kya ai hta grau nna ngai gumrawng na ra nga nngai.

2 KORINHTU 8:10

Ndai lam hta nye a mung sumtu ngai madun nga nngai: kaning rai nme law, maning nna pyi galaw hpang ai hta n-ga, galaw mayu ai myit shawng madun ai ni, nanhte rai nga myit dai majaw, dai gaw nanhte a matu sut nga malit dai.

GALATI 1:12

Kaning rai nme law, masha kaw na ngai dai hpe hkam la nngai n rai; sharin achyin ya ai hte mung ngai n hkam la ai sha, Yesu Hkristu a shingran ga hte nan hkam la nngai.

GALATI 2:2

Shingran ga hte maren ngai lung wa nngai rai nna, ngai galaw yu sai amu hte, ya e galaw nga ai amu gaw, kaman lila n rai dam nhten ngu nna, maigan amyu ni hpe ngai hkaw tsun dan ai kabu gara shiga hpe, shanhte a man e mung, arawng lu ai ni a man e kaga lak mung, hkai dan dat made ai.

EHPESU 3:3

Karai Kasang kaw na pru nna, nanhte a matu mara ngai hpe jaw da ai chyeju aya a lam, nanhte naw na yu taw gaw;

1 HTESALONI 4:15

Ndai gaw dai Madu a mungga hte anhte nanhte hpe tsun dan ga ai: dai Madu bai du sa ai shaloi e, hkrung nga ai hte naw hti ngam nga ai ni anhte gaw, yup pyaw ai ni a numshawn de loi mi pyi shawng magang lu na ga ai n rai.

1 YAWHAN 5:20

Dai hta kaga, Karai Kasang a Kasha du wa sai rai nna, dai tengman ai wa hpe chye chyang lu na myit, shi anhte hpe jaw da mi ai gaw, anhte chye nga ga ai: dai tengman ai wa hta e, ngu ai, shi a Kasha Yesu Hkristu hta e, anhte anga nga ga ai. Dai wa gaw, tengman ai Karai Kasang hte, n htum n wai asak mung, rai nga ai.