2 KORINHTU 11:3 - Jinghpaw Hanson Version Bible

³ Rai timung, lapu gaw shi a hkalem ai hte Ewa hpe lau kau wu ai zawn, Hkristu a san seng ai hte chyoi pra ai lam hpe kau da hkra, nanhte a myit mang hten na hpe, ngai tsang nga nngai.

Jinghpaw Common Language Bible 2009

³ Ewa gaw lapu a hpaji rawng ai zai byeng-ya hte masu hkalem hkrum ai zawn, nanhte mung nanhte a myit mang ai lam jahten kau hkrum nna, nanhte a hpring tsup nna san seng ai myit hte Hkristu hta maju jung kam sham daw jau ai lam hpe kau da na myit tsang nga nngai.

2 KORINHTU 11:3 ပူးပေါင်းရင်းမြစ်များ

NINGPAWT NINGHPANG 3:1

Ya dai lapu gaw, Yehowa Karai Kasang galaw ai nam mali na dusat nhprang mahkra hta hpaji grau rawng nga ai. Shi gaw dai numsha hpe, “Ndai sun hta tu ai hpun mahkra hta na, nan n sha lu na rai myit dai, nga nna Karai Kasang gaja wa tsun a ni?” Ngu nna san wu ai.

NINGPAWT NINGHPANG 3:13

Shaloi Yehowa Karai Kasang gaw, dai numsha hpe, “Ndai nang galaw ai gaw, hpa rai nga a ta?” Ngu nna san wu ai; dai numsha gaw, “Ngai hpe lapu e lau nna ngai sha kau se ai,” ngu nna htan wu ai.

NINGPAWT NINGHPANG 3:20

Shaloi Adam gaw shi a madu jan hpe, “Ewa,” ngu nna shamying wu ai; kaning rai nme law, shi gaw hkrung mahkrung a kanu rai nga ai.

NINGPAWT NINGHPANG 3:4

Dai rai nna lapu gaw, “Nan gaja wa n si na myit dai:

SHAKAWN KUNGDAWN 119:53

Na a tara hpe kau da nga ai n hkru ai ni a matu, Ngai myit ja ja kahtet nga nngai.

MAHTE 24:24

Kaning rai nme law, masu ai Hkristu hte rai timung, masu ai myihtoi hte rai timung paw pru nna, lata la sai ni hpe pyi shadam lu yang, shadam kau lu hkra lamik kumla hte mauhpa amu kaba madun dan na ra ai.

YAWHAN 8:44

Nanhte gaw, nanhte a kawa ngu ai, gumlau Nat hta na prat wa ai ni rai nga myit dai rai nna, nanhte a kawa a kayut ai hku mung, hkan mayu myit dai: shi gaw shawng npawt kaw nna, masha sat ai wa rai nga ai rai nna, shi hta tengman ai lam n rawng lu ai majaw, tengman ai lam hta n nga lu ai: shi masu magaw ga tsun yang, shi a myit hta na hte maren tsun nga ai: shi gaw masu ai wa rai nga ai hte, masu magaw ai a kawa mung, rai nga ai.

ROMA 12:8

shadum jahprang chye ai wa gaw, shadum jahprang ai amu hpe, shachyen u ga; alu jaw ai wa gaw n daw n hta jaw u ga; up hkang ai wa gaw, kasang kalang hte up nga u ga; matsan dum chye ai wa gaw, kabu gara ai myit hte galaw u ga.

2 KORINHTU 1:12

Kaning rai nme law, Karai Kasang a chyoi pra nna san seng ai myit hte, dinghta hpaji n lawm ai sha, Karai Kasang a chyeju hte, mungkan ga e anhte htinglet nga nna, nanhte hte rau grau nna dai zawn rai nga ga ai hpe, anhte a myit masin a sakse hkam ai lam ngu ai gaw, anhte a gumrawng shara rai nga ai.

2 KORINHTU 11:20

Kaning rai nme law, marai langai ngai nanhte hpe rim yam ai, kashun sha ai, rim la ai, tinang a hkum hpe shagrau ai hte nanhte hpe shabyi kahpret ya myit yang gaw, dai wa hpe nanhte sharang ya nga myit dai.

2 KORINHTU 11:29

Ngai gawng n kya yang, kadai gawng kya nga a ta? kadai kataw ai hkrum yang gaw, ngai myit n kahtet ai nga na kun?

2 KORINHTU 2:17

Ndai bungli shachyen na kadai wa ging ram nga a ta? Kaning rai nme law, Karai Kasang a mungga hpe pau chye ai masha law law ni zawn anhte n rai nga ai sha, san seng ai myit hte mung, Karai Kasang kaw nna mung, Karai Kasang a man e anhte Hkristu hta tsun nga ga ai.

2 KORINHTU 4:2

makoi magap re ai kaya kahpa hpe anhte rap di kau sagaw ai hte, hkalem hkalau ai mung n hkan nna, Karai Kasang a mungga hpe gale galau n di ai sha, dai tengman ai lam shapraw shadan let, Karai Kasang a man e, masha yawng mayawng a myit masin kaw, anhte hkum a atsam marai anhte dan nga ga ai.

GALATI 1:6

Hkristu a chyeju hta nanhte hpe shaga la ai wa kaw na nde wa alawan hka wa nna, kabu gara shiga kaga hpang de hkan nang myit dai majaw, ngai amau nga nngai.

GALATI 2:4

Lagyim jashawn ai masu ai hpunau ni a majaw, dai lam ngai galaw nngai n rai; Hkristu Yesu hta e anhte lu la ai lawt wa ai lam hpe kin-yu yu nna, anhte hpe mayam shayam na shanhte shang wa ma ai;

GALATI 3:1

Angawk angak re ai Galati masha ni e, wudang hta jen da ai Yesu Hkristu hpe nanhte a myi man e dem shakap dan sai mi, nanhte hpe gade e hkalau kau myit ta?

GALATI 4:11

Ngai gaw nanhte kaw kaman lila sha shakut sharang kau nga nngai nhten, ngu nna nanhte a lam ngai myit tsang nga nngai.

EHPESU 4:14

shing rai anhte ma chyangai naw n rai nga na hte, masha a n hkru n hkra ai, maw da ai hkalem hkalau ai hpaji hte maren, nbung ngu ai sharin shaga ai lam shagu gadau gadap ai hte nhting nhtang n hkrum ai sha,

EHPESU 4:22

shawng na nanhte a arawn alai hte maren, marin marit nna hkalem hkalau ai hte hten mat wa ai gawng shing-yan dingsa hpe raw kau nhtawm;

EHPESU 6:24

Anhte a Madu Yesu Hkristu hpe n sawt ai myit hte tsawra ai ni nlang hte hta, akyu ara rai nga u ga law.

KOLOSE 2:18

Myit shagyip ngu na lam tam nna, lamu kasa hpe nawku na htung hte, kadai mung nanhte hpe n hkalem sha u ga; shing re ai wa gaw tinang a man e mu ai hpe sha machyu nga ai hte, tinang hkum shan a myit hta kaman lila grang ai wa rai nna, dai baw hpe n manat nga ai;

KOLOSE 2:4

Kadai wa rai timung, shalen hkalau ai ga hte nanhte hpe n hkalau u ga, ngai ning nga tsun nga nngai.

KOLOSE 2:8

Hkristu a hkang ai tara hte n bung ai, mungkan ga a hkang ai tara hte masha a matsun maroi ga hkan ai zai byeng-ya hte lila rai nga ai hkalem hkalau ga hte, kadai mung nanhte hpe n hkalau lu u ga, sadi nga mu:

1 HTESALONI 3:5

Dai rai nna ngai naw n sharang nga lu nngai majaw, gunglau ai wa gaw nanhte hpe gunglau ai hte anhte a bungli kaman lila tai mat nhten, nga nna nanhte a makam masham hpe chye lu na, ngai shangun dat we ai.

1 TIMOHTI 1:3

Sharin shaga ai lam kaga n sharin la lu mu ga mung, makam masham hta jung nga ai Karai Kasang a shadaw shalan ai lam n shabyin ai sha,

1 TIMOHTI 2:14

Adam chyawm gaw hkalem hkalau ai n hkrum ai sha, dai numsha mahtang hkalem hkalau ai hkrum nna, tara tawt lai ai hta hkrat wa ai.

2 TIMOHTI 3:13

N hkru n hkra ai hte sawt ai masha ni chyawm gaw, hkalem sha nna, hkalem sha ai nhtang hkrum let, n hkru ai lam hta je je kaba wa na mara ai.

TITU 1:10

Kaning rai nme law, gumlau gumle re ai, kaman lila ga tsun ai hte, hkalem chye ai masha law law nga ma ai; matu gadoi lam hkan ai ni hta grau nna law ma ai;

HEBRE 13:9

Sharin shaga ai lam tsasam amyu myu de hkum htawt hkum hkan myit: hkan nang ai ni a matu hpa akyu n shabyin ya lu ai shahpa lam hte n rai, chyeju lam hte she myit masin hpe shangang shakang lu na, mai kaja nga ai.

2 PETRU 3:17

Nanhte chyawm gaw, tsawra ai ni e, ndai hte hpe shawng e chye manit dai majaw, tara n lang ai ni a lam dam mat ai hta e nanhte mung n lawm ai hte, nanhte a ngang hkang ai myit, jahten shabya kau ai n hkrum myit ga, a maja nga mu:

2 PETRU 3:3

Kaning rai nme law, hpang jahtum na nhtoi hte hta, tinang a myit kayut ai hku hkan nna, asawng asang rai let, Dai Madu bai du na ra ai, nga ai ga ndat gaw, kanang rai nga a ta?

1 YAWHAN 2:18

Ma kaji ni e, hpang jahtum ai ahkying ya e rai nga ai rai nna, nanhte na yu mu ai hte maren, antihkristu ngu ai wa gaw du na ra ai; rai sa, ya e pyi, antihkristu law law wa paw pru masai: dai re ai majaw, hpang jahtum ai ahkying, ya e rai nga ai hpe anhte chye nga ga ai.

1 YAWHAN 4:1

Tsawra ai ni e, wenyi shagu hpe hkum kam nga myit; dai wenyi ni Karai Kasang kaw na rai nga ma ai kun, chyam yu nga mu; kaning rai nme law, masu ai myihtoi law law wa, mungkan ga de sa wa masai.

YUDA 1:4

Kaning rai nme law, tara n hkungga ai, anhte a Karai Kasang a chyeju hpe mak kayut ai amu hte galai kau ma ai rai nna, anhte a Hpareng wa hte Madu shingtai ngu ai Yesu Hkristu hpe nyet kau nhtawm, ndai dawdan ai hkrum na matu, moi chyaloi nhkoi kaw nna, ka matsing da ai masha nkau mi gaw, anhte kaw e mayun shang wa masai.

SHINGRAN 12:15

Dai num hpe hka hpungla hte shayawng kau na nga, lapu gaw shi a n-gup hta nna hka nu na hka zawn, dai numsha hpang de shalwi dat wu ai.

SHINGRAN 12:9

Shaloi, mungkan ga ting hpe hkalem kau ai, Nat hte Satan ngu ai, moi na lapu rai nga ai baren numraw kaba gaw, jahkrat kau ai hkrum wu ai: shi gaw, le ga de jahkrat kau hkrum ai rai nna, shi a ali ama ni mung shi hte rau jahkrat kau ai hkrum ma ai.

SHINGRAN 20:2

Shi gaw Nat hte Satan rai nga ai, moi na lapu ngu ai baren numraw hpe rim la nna, shaning hkying mi du hkra, sharen da na matu, gyit hkang da wu ai: